Taniera 8:2 - Te B'aib'ara

² I a mena i nanon oon te kaawa are Tutian n te burawinti are Eram i nanon te kaotioti arei. Ao I tabe n teitei i rarikin te karaanga are Urai,

Taniera 8:2 ပူးပေါင်းရင်းမြစ်များ

Karikani B'aai 10:22

Natin Tem mm'aane---Eram, Atura, Arebaketiata, Ruuta, ao Aram---boni ngaiia aia bakatibu aomata akana a boni kaotaki araia iai.

Karikani B'aai 14:1

Ao a m'ananga ni buaka uea ake aman ake Amrabera are uean B'aburon, Arioka are uean Erata, Ketoreraomera are uean Eram, ao Titara are uean Koiim.

Neemia 1:1

Bon Neemia ngai ae natin Akaria te m'aane, ao I koroi ni kabane taekan b'aai ake I a tia ni karaoi n te boki aei. Inanon te nam'akaina are Kitirewi n ana kauabwi n ririki Atatokititi n tautaekana Botia, I maeka n ana kaawa ae e buubura are e nonoaki are Tuta.

Etita 1:2

Uean Botia are Keatiti e maeka n atuun kaawan ana tautaeka are Tutian, ao e tautaekan burawinti aika 127 mai Inria ni karokoa Itiobia.

Etita 2:8

Ngke e katanoata te b'ai arei te uea, ao a bane ni uotaki ataeinaine aika a m'aiti nako Tutian, ao bon Etita bon naba temanna i buakoia. E boni katukaki naba n tararuaaki iroun Ekai, are te tia tararua aia auti buun te uea.

Etita 3:15

Ao e kanakoa ana taeka te uea i bukin reeta akekei b'a a na katanoataaki nakoia te botannaomata ake i Tutian, are atuun kaawan te tautaeka, ao a birinako taan uarongorongo ni karokoa te rongorongo arei n aban te tautaeka ake tabeua. Ao a karauia n tekateka te uea ma Aaman ni mooi ngke a kiriwe nanoia aomata n te b'ai arei.

Etita 7:6

Ao e taku Nei Etita, Bon ara kairiribai, bon te tia karawaawataira, te m'aane ae e buakaka ae Aaman. Ao e taraa te uea, ma te ueanaine Aaman ma te maaku.

Etita 8:15

Ao e kiitana te bareti Morotekai, ao e kunnikaia n te niiniira ni uea ae buru ao e mainaina, ao te raburabu ae te riinen ae tamaroa ae e beebo, ao e katokaa naba te baunuea te koora ae moan te tamaroa. Ao i mwiin anne, e a onrake kawain nako te kaawa are Tutian n te takaarua ni kukurei.

Etita 9:11

Ao e ribootinaki nakon te uea n te bong naba anne te m'aiti n aomata ake a tiringaki i Tutian.

Etita 9:15

Ao ni katebwi ma auan bongin Ata a manga ikotaki taian I-Iutaia i Tutian, ao a tiringiia tenibubua te aomata n te kaawa arei. Ma bon akea naba te kurib'ai ae e karaoaki.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 21:2

Bon te kaotioti ae e kakamaaku are e kaotaki nako iu te kaotioti i bukin te kam'aam'ane ao te urub'ai. Tuanga Eram ao Miria b'a a na katobibia man buakaniia kaain B'aburon. E a tia n tuea te UEA b'a na katoka te karawaawata are a karikia.

Ieremia 25:25

Timri, Eram, Meria,

Etekiera 1:1

Ni kanimauani bongin te kaaua n nam'akaina n te katenibwi n ririki, I maeka Ngai ae Etekiera ae te ibonga are natin Buti te m'aane, ma Iutaia ake taenikai i rarikin te Karaanga are Keeb'ara i B'aburon. E uki karawa, ao I noora ana kaotioti te Atua.

Etekiera 32:24

“E mena ikekei Aram, ma ana tautia ni katobibia. A bane ni mate n te buaka, ao a b'aka rikaaki, n aki korotabonim'aneaki, nakon abaia maate. Ngke a mena ngkoa n te maiu a kabutanakoa te maaku, ma ngkai a wene ni mate ma ni kab'ainrangaki.

Taniera 10:4

Ao ni kauabwi ma auan bongin moan nam'akainan te ririki, ao I tabe n teitei i mataniwiin te karaanga ae e korakora are Taikiriti.

Taniera 7:15

E rangi ni katabetabea nanou te kaotioti are I nooria n te aro are I aki rau iai.

Taniera 7:2

te b'ai are I nooria n te tairiki anne: E kare te ang n akea unna, ao e kabuakaa nanoni marawa.

Taniera 8:1

I noora te kauoua ni kaotioti i nanon ana katenua n ririki ni uea te uea are Beretiata i aon B'aburon,

Taniera 8:3

Ao I noora te tiibu m'aane ae uaai korona aika a ab'ab'aki, ao e anaanau man boou riki korona are teaina nakon are teaina.

Warekaia Iteraera 12:6

Ao ngke a tia n tuangiia b'a a na kakauongo raoi, ao E taku: “Bon te UEA Ngai, ae taetae nakoia burabeti n taiani kaotioti ma taiani mii.

Ebera 1:1

N taai ake ngkoangkoa ao te Atua E taetae nakoia ara bakatibu irouia burabeti n te tai teuana ma teuana, ao n aaro aika bati;

Te Kaotioti 9:17

I nooriia aoti ma ake a toka i aoia, ni miiu, b'a aikai aroia: iai otangani b'ab'aaia aika uraura n ai aron uraurani matan te ai, ao aika buruu n ai aron te uakinto ao aika babobo n ai aron te burimton; ao atuia aoti ai aron atuia raian, ao a oti nako mai wiia te ai ma bubuna ma te burimton.