Taniera 8:18 - Te B'aib'ara

¹⁸ Ao ngke e tabe n taetae, ao I b'aka n tong i aontano. Ma e tauai ni baina, ao e kateirakeai. Ao e taku, “N na kaoti nakoim baika a nang riki i bukin unin te Atua. E kaineti te kaotioti anne nakon tain te toki.

Taniera 8:18 ပူးပေါင်းရင်းမြစ်များ

Karikani B'aai 15:12

Ao ngke e a bungitaai, ao e a matunako Aberam, ao e roko te maaku ae korakora i rouna.

Iobi 4:13

E aki karaua matu, kaanga ai aron te mii ae moan te kakamaaku.

Etekiera 2:2

Ao i mwiin taekinan aei, e anaai Tamneina ao e kateirakeai i aon waeu. Ao e taku te UEA:

Taniera 10:16

Ao e riinga riau te anera are kaanga ai aron taraan te aomata. Ao I taku nakoina, “Nao, E anaa korakorau te kaotioti aei n te aro are I aki kona ni katoka rurun rab'atau.

Taniera 10:18

Ao e a manga riingai riki ao I a namakina reken korakorau.

Taniera 8:17

Ao e roko Kabiriera n tei i rarikiu, ao I a rangi ni maaku n te aro are I a b'aka i aontano. Ao e taku nako iu, “Natin te aomata, ko na atai nanoia. Bon taiani kaotioti i bukin tokin te aonnaba.”

Taniera 8:27

Ao I wene ni mamaara ma n aoraki i nanon tabeua te bong. Ao i mwiina I teirake, ao I a manga moana au m'akuri are e anganai te uea, ma e minotaki au iango n te kaotioti arei ao e aki reke nanona.

Tekaria 4:1

E kautai te anera are e kab'arab'ara te mii nako iu b'a kaanga ai aron ae I matu.

Ruka 22:45

Ao E tei rake ngke E tia n tataro, ao E kawariia ana reirei, ao E noriia b'a a matu b'a mwin taonakiia n te nanokawaki ae bati;

Ruka 9:32

Ao a matu nako Betero ma raona; ma ngke a uti, ao a nora mimitongin Iesu ma aomata ake uoman ake a tei ma Ngaia.

M'akuri 26:6

Ao I tei ikai ngkai b'a e na motikaki taekau i bukini kaantaningani kakoauan ana taeka n akoi te Atua nakoia ara bakatibu;

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.