Taniera 8:14 - Te B'aib'ara

¹⁴ Ao I ongo aia kaeka anera ake tabeman ae e kaangai, “E na reitinako te aki angakarea ni karokoa uoua tengaa tenibubua te moaningabong ao te tairiki. Ao i mwiina, e a tib'a okira arona te Tembora.”

Taniera 8:14 ပူးပေါင်းရင်းမြစ်များ

Karikani B'aai 1:5

Ao E arana te oota b'a te “Ngaina,” ao te roo b'a te “Tairiki.” E tairiki, ao e ngaina, bon te moa ni bong.

Itaia 1:27

Ierutarem, ko na kamaiuaki ni kaotan te eti; A na maiu aomatan Tion aika a okirai ni karaoa ae e raoiroi.

Itaia 45:25

Bon te UEA Ngai, ae e na anga te tokanikai ao te karineaki nakoia Iteraera.”

Taniera 12:11

Ngkana e a katokaki te angakarea are e katoa bong, ao e a kateaki te b'ai ae moan te kakamaaku, ao e na riai n tia ni bane 1,290 te bong.

Taniera 12:12

A na kab'aia akana a teimatoa ni kakaonimaki ni karokoa banen 1,335 te bong.

Taniera 12:7

Ao e tabeka baina te anera ni kauaai nako karawa, ao e berita n aran te Atua ae akea tokina. Ao I ongo ana taeka ae e kaangai, “E na nakon tenua ma te iterana te ririki. Ngkana e a toki karawawaataia ana Aomata te Atua, ao a na tia ni bane n riki baikai.”

Taniera 7:25

E na taetae n eekaanako te Atua ae Moan te M'aaka, ao e na karawawataia ana Aomata te Atua. Ao e na kataia ni bita tuan ma botakin aia aro, ao a na mena ana Aomata te Atua i aani m'aakana i nanon tenua ma te iterana te ririki.

Taniera 8:26

Ao e na boni koro bukin te kaotioti are e a tia ni kab'araaki nakoim are i bukin te tairiki ao te moaningabong. Ma ko na aki kakaotia ngkai, i bukina b'a e na bon kiriaria te tai are e na koro bukina iai.

I-Karatia 3:8

E a kaman ataia te B'aib'ara, b'a te Atua E na karekea reitakiia aomata aika tiaki I-Iutaia ma Ngaia n te onimaki; ao e taekina te euangkerio nakon Aberaam rimoa, ao e kaangai, A na bane ni kab'aia botannaomata i roum;

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 12:14

Ao e anganaki neierei bain te ikare aika uaai aika ab'ab'aki, b'a e na kibakiba nakon te rereua nakon ana tabo, ike e na tararuaki iai i nanon tenua ma te iterana te ririki, ao ike e raroa nako iai mairoun te naeta.

Te Kaotioti 13:5

Ao e anganaki te man arei te kona n atongi taeka ni kainikatonga ma taeka ni bakanatua; ao e anganaki te m'aaka ni karaoa ae e kani karaoia abwi ma uoua te nam'akaina.