Taniera 7:5 - Te B'aib'ara

⁵ Ao te kauoua ni man, kaanga ai aron te bea are e tei i aoni waena ake mai buki. Ao e tenai tennai te rii i nanoni wiina, ao e taku te b'anaa nakoina, “Waaki nako, kana te iriko n aron tokin am konaa!”

Taniera 7:5 ပူးပေါင်းရင်းမြစ်များ

2.Uea 2:24

Ao e rairaki Eritai ao e kareke taraaia ataei ni maanee akekei. Ao i mwiina, e a kamaraiaia n aran te UEA. Ao ni bon te tai naba arei, ao a biri n otinako uoman taiani bea man te buakoako ao a raebitiia angaun ma uoman mai buakoia ataei ni maanee akekei.

Taeka n Rabakau 17:12

E aki kamaamate riki iraeakin natin te bea nakon te nanobaba ae e taningabono.

Itaia 56:9

Kam roko man te buakonikai, ngkami maan aika kam aki manana! Buakaniia ao kana konam nako.

Taniera 11:2

Ao e boni koaua te b'ai ae N nang tuangko.” E taku te anera, “Teniman riki uea aika a na tautaekana Botia, ma n taorimwiiaki iroun te kaaman, are e na rangi ni kaub'ai nakoia ake tabem'aang. E na kakaewenakoa te abanuea are Kuriiti ngkana e korakora m'aakana ma kaub'aina.

Taniera 2:39

E na manga teirake te tautaeka teuana i mwiim, ma tiaki aron korakoram, ao e na manga teirake te katenua n tautaeka, ae te buraonti, are e na taua taekan te aonnaba ni kabane.

Taniera 5:28

Te bwenauaki, E a tia ni bwenauaaki ueam, ao a anganaki kaain Miria, ma kaain Bootia”

Taniera 7:4

Are te moan, kaanga ai aron taraan te raian, ma iai baina ni kiba kaanga te ikare. Ao ngke I bon tabe ni matakuakinna, ao a rina naba ni b'aka baina ni kiba. Ao e tabekakirake ao e kateaki ni kaetaki raoi. Ao i mwiina e a anganaki te nano n aomata.

Taniera 7:6

Ao ngke I tabe ni mataku, ao e a manga kaoti te man temanna, ae kaanga ai aron taraan te reb'ari, ma iai aua baina ni kiba i aon akuuna, aika kaanga bain te mannikiba, ao iai aua atuuna, ao e anganaki te m'aaka n tautaeka.

Otea 13:8

ao n na raebitingkami kaanga te bea aine ae e iraeaki natina, n na kakerui riimi b'a kaanga aongkoa Ngai te raian ke maan ake a aki manana ake tabeua.

Te Kaotioti 13:2

Ao te man are I noria ai aron te reb'ari, ao waena ai aroni waen te bea, ao wina ai aroni wiin te raian. Ao e anga m'aakana te rakon nakoina, ao e anganna naba ana kaintokanuea ma m'aakana n tautaeka ae korakora.