Taniera 7:4 - Te B'aib'ara

⁴ Are te moan, kaanga ai aron taraan te raian, ma iai baina ni kiba kaanga te ikare. Ao ngke I bon tabe ni matakuakinna, ao a rina naba ni b'aka baina ni kiba. Ao e tabekakirake ao e kateaki ni kaetaki raoi. Ao i mwiina e a anganaki te nano n aomata.

Taniera 7:4 ပူးပေါင်းရင်းမြစ်များ

2.Tamuera 1:23

E nang beebete karekean tangiraia Tauro ao Ionatan. A kaai ni maiu, a kaai ni mate, a biri m'aaka riki nakoia ikare ao a korakora riki nakoia taian raian.

Iobi 25:6

Ao ai tera riki aron te aomata i matana ngkai bon te ino, ao maiun te aomata ngkai bon te m'ata?

Taian Areru 9:20

Te UEA, Ko na kakamakuia botannaomata; ao kaotai nanoia b'a a aonga n ataia ae bon aomata aika a mamaara ngaiia.

Ieremia 25:38

E a tia te UEA ni kiitaniia ana aomata kaanga te raian ae e kiitana b'angana. E a tia n onika te aba kakamaakun taiani buaka ma korakoran unin te UEA nakon te rereua.

Ieremia 4:13

Nooria! e kiba rikaaki kaanga te ikare ana taanga ni buaka te kairiribai; a rangi ni biri m'aaka riki aia taan toka i aoia aoti ao aia kaanibuaka nakon te nang ni buakan karawa ae e ukaki n te ang.” Ao ane ko na kaeka ni kaangai, “Ti a mate!”

Ieremia 4:7

E na oti nako te taanga ni buaka, kaanga te raian mani nena. E na tiringiia botannaomata ma ni katikui ami kaawa ma akea kaaia ao ni urubekebeke.”

Ieremia 48:40

Moaba, e kiba rikaaki te kairiribai kaanga te ikare ae e taakin baina i aon abami.

Ieremia 49:19

N na buakaningkami kaanga te raian man te buakonikai, ngkana e un nakon te tiibu n te tawaana are i mataniwiin te Ioretan. N te tai are a biri iai te nanai n tiibu, e na akea kanoan te aba. Antai ae N na rineia b'a e na buakaningkami? Boni Ngai! Bon akea ae e konaa ni kairoroai b'a N na buaka ke ni kakioai nako.

B'aeb'aeti 4:19

A birim'aaka riki ngkana a raweira nakon te ikare ngkana e b'akara kanana mai karawa n raweia. A kakioira rikaaki i aon tabuki; a raweira i nanon te rereua.

Etekiera 17:3

b'a a aonga n ataa te b'ai ae I taekinna nakoia: N te tai teuana ao e a kiba i aon Reb'anon te ikare ae e korakora baina ni kiba ma n tamaroa buraena. E otea taberan te kai ae te tiira,

Etekiera 28:2

Etekiera ae natin te aomata, ko na tuanga uean Turo au taeka ae e kaangai: Ko rangi ni kainikatonga b'a ko iangoia b'a te atua ngkoe ao am kaintokanuea te kaawa ae Turo. Ane ko na taekinna b'a te atua ngkoe, ngke bon te aomata ngkoe.

Etekiera 28:9

Ko na bon teimatoa naba n taekinna b'a te atua ngkoe ngkana ko aitara ma aiam? A na buakaniko, ao ko na maraki kaanga aroia aomata tabem'aang.

Taniera 2:38

E a tia ni karikiko b'a te tia tautaeka n taabo nako aika iai kaaina n te aonnaba, ao te tia tautaeka i aoia man aika kawakawa ma mannikiba. Boni ngkoe te atu are te koora.

Taniera 4:36

“Ngke e oki nanou, ao a bane ni kaokaki nako iu karineau, ma kakannatou, ao mimitongin ueau. A bane ni butim'aeai au aobitia ma au aomata aika a kakannato, ao I a manga anganaki m'aakau ni uea, ma te karinerine ae e a korakora riki nakon are mai m'aaina.

Taniera 7:12

Ao e a tia n anaaki m'aakaia, ma a kariaiakaki b'a a na tiku ni maiu n te tai ae e a tia ni baaireaki.

Taniera 7:5

Ao te kauoua ni man, kaanga ai aron te bea are e tei i aoni waena ake mai buki. Ao e tenai tennai te rii i nanoni wiina, ao e taku te b'anaa nakoina, “Waaki nako, kana te iriko n aron tokin am konaa!”

Mataio 24:28

Ike e mena iai te rab'ata ae mate, ao a na ikotaki naba iai taian ikare.

Te Tua-Kaua 28:49

A na kanakoaki ianena aika kaokoro aia taetae b'a a na buakaningkami n te aro ae karina, kaanga ai aron te ikare ngkana e kiba rikaaki.

Te Kaotioti 13:2

Ao te man are I noria ai aron te reb'ari, ao waena ai aroni waen te bea, ao wina ai aroni wiin te raian. Ao e anga m'aakana te rakon nakoina, ao e anganna naba ana kaintokanuea ma m'aakana n tautaeka ae korakora.