Taniera 7:27 - Te B'aib'ara

²⁷ Ao m'aakan ma korakoran taian tautaeka ni kabane n te aonnaba a na bane n anganaki ana Aomata te Atua. E na bon akea tokini m'aakan ana tautaeka, ao a na bane n toro i rouna taan tautaeka n te aonnaba ma n ongotaeka i rouna.”

Taniera 7:27 ပူးပေါင်းရင်းမြစ်များ

Taian Areru 145:13

Akea tokin ueam, ao Ko na tautaeka n aki toki. E kakaonimaki te UEA ni kakoro bukin ana taeka; Ao E nanoanga n ana arona ni kabane.

Taian Areru 22:27

A na bane botannaomata nako i aonnaba n ururinga te UEA; A na bane botannaomata n rairaki nakoina n taromauria.

Taian Areru 72:11

Ane a na bane uea ni bobaraaki i matana ni karinea; Ao ane a na bane n toro i rouna botannaomata.

Taian Areru 86:9

Ane a na bane n roko ni bobaraaki nako Im botannaomata nako ake Ko a tia ni karikiia; Ane a na kamoamoaa aram.

Itaia 14:2

A na kairaki nakon mwengaia irouia botannaomata ake tabeua, ao e na karikiia Iteraera b'a a na toro n te aba are aban te UEA.

Itaia 54:3

Ane ko na taua abaia ianena ngkoe ma am kariki nako. Kam na tekateka n taiani kaawa ake a uruaki n te tai aei.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Taniera 4:34

E taku te uea, “Ngke e a koro itiua te ririki, ao I tararake nako karawa, ao e oki nanou. I neboa te Atua ae e m'aaka, ao I anga te karinerine ma te kamoamoa nakon teuae E maiu n aki toki. “E na tautaeka n aki toki, ao akea tokin ueana.”

Taniera 6:26

Au kaetieti nakoimi ni kabane kaain au tautaeka b'a kam na bane ni maaka ao ni karinea Atuan Taniera.

Taniera 7:14

E anganaki te kariaia, te karineaki, ao te m'aaka, b'a a na bane aomatan te botannaomata, reeti, ao taetae nako n toro i rouna. E na teimatoa m'aakana n aki toki, ao akea tokin ueana, ao e na bon aki kona n uruaki.

Taniera 7:18

Ao e na reke irouia ana Aomata te Atua ae Moan te M'aaka te nakoa ni uea anne, ao a na b'ainna n aki toki.

Taniera 7:22

Ao e roko teuare e maiu n akea tokina, ao e anga te motikitaeka ae e riai nakoia ana Aomata te Atua are Moan te M'aaka.

Ob'aria 1:21

Ao ana buakana naba Etom, ma n taua taekana taani buaka aika m'anen Ierutarem aika a totokanikai. Ao E na uea te UEA n tii Ngaia i aoia Ana aomata.”

Tekaria 14:9

Ao ane e na riki b'a bon ti temanna te UEA are E tautaeka kaanga te Uea ae e taromauriaki arana n te aonnaba.

Ruka 1:33

Ao ane E na uea i aoia aomata nako ake a riki mairoun Iakob'a; ao e na akea tokin ueana!”

Ioane 12:34

Ma ngaia are, a kaeka aomata ni kaangai, “Ti ongo n te Tua b'a E na maiu n aki totoki te Kristo. Ko na kanga ngkanne n taku b'a E na kateaki rake Natin te Aomata? Antai Natin te Aomata anne?”

1.I-Korinto 15:24

ao rimwi te toki, are E na anga iai te tautaeka Kristo nakon te Atua are te Tama, ngkana E a tia ni kamaunai aaro n tautaeka, ma n tau aaro nako, ma aeka ni m'aka nako.

Te Kaotioti 11:1

Ao I anganaki te kai ae kanga ai aron te kai ni baire; ao I tuangaki ae kaangai, “Tei rake ao bairea ana Tembora te Atua, ma te baonikarea, ao warekia akana taromauri i nanona.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”

Te Kaotioti 19:16

Ao iai arana ae koreaki i aon ana kunnikai ao i aon rangana, ae kaangai, “AIA KING KING AO AIA UEA UEA”.

Te Kaotioti 20:4

Ao I noori kaintokanuea ma ake a tekateka i aoia b'a a anganaki te kona ni motiki taeka: bon aomataia ni koaua te koraki ake a tia ni mate ngke a kabakuaki i bukin tataekinan te koaua are E kaotiotia Iesu, ao i bukin tataekinan ana taeka te Atua. A aki taromauria te man are tiritiri, ao a aki taromauria naba te bouananti are katotongana; a aki kanikinaeaki ram'aia ma baiia n ana kanikina te man arei; ao a maiu, ma n uea ma te Kristo tengaa te ririki.

Te Kaotioti 22:5

E na akea te bong; ao a aki kainanoa ootan te taura ma taai, b'a E na riki te Atua b'a te oota i aoia; ao a na uea n aki totoki.