Taniera 7:24 - Te B'aib'ara

²⁴ Taiani koro ake tebwiina bon taiani uea ake a na tautaeka n te tautaeka anne. Ma ane e na manga kaoti te uea temanna; ao e na bon rangi ni kaokoro ma ake mai m'aiina, ao e na kab'akaia uea akana teniman.

Taniera 7:24 ပူးပေါင်းရင်းမြစ်များ

Taniera 11:36

“E na karaoa are e bon tangiria uean Tuuria. E na kamoamoa i bon i rouna n iangoia b'a e korakora riki nakoia anti ni kabane, ao nakon te Atua ae e Moan te M'aaka. E na teimatoa ni karaoa aei ni karokoa are e na katuaaeaki iai iroun te Atua. E na boni karaoa are e a tia ni baaireia te Atua.

Taniera 2:41

Ao n aron are ko noori rangana ma waena are te biti ae e renganaki ma te tano, nanona b'a e na bwenauaaki te tautaeka, ma e na boni iai i nanona korakoran te biti i bukina ngke e renganaki te biti ma te tano.

Taniera 7:20

Ao I tangiria ni kan atai aroni kooro ake tebwina ake i aon atuuna, ai moaraara riki te koro teaina are e a tib'a kaoti, are e manga kab'akai kooro ake tennai. Are iai matana ao wiina kaanga te aomata, ao e rangi ni kainikatonga. E bon rangi ni kakamaaku riki nakoia ake tabeman.

Taniera 7:23

Aikai nanoia ake I anganaki, “Te kaaman ni man bon te kaaua n tautaeka are e na kaoti i aonnaba, ao e na kaokoro ma taian tautaeka nako. E na kamanatua te aonnaba ma n toubekaia rikaaki.

Te Kaotioti 12:3

Ao e a manga kaoti te b'ai riki teuana i karawa ae e rangi ni kamimii naba taraana: te man ae te rakon ae korakora ae uraura, ao itiua atuna ao tengauni korona, ao itiua te baunuea i aon atuna.

Te Kaotioti 13:1

Ao I nora te man ae tiritiri b'a e aerake mai tari: tengauni korona, ao itiua atuna, ao tebwina te baunuea i aoni korona, ao iai te ara ae te taeka ni bakanatua i atuna nako.

Te Kaotioti 17:3

Ngke I mena i aani m'aakan ana kairiri te Tamnei, ao E uotai nakon te rereua; ao I nora te aine ae tekateka i aon te man ae uraura ae tiritiri, aika a mena i aon rab'atana ni kabuta aara ni bakanatua, ao itiua atuna, ao tengauni korona.