Taniera 7:21 - Te B'aib'ara

²¹ Ao ngke I tabe ni mataku, ao e buakaniia ana aomata te Atua te koro arei ao e kataenikaiia.

Taniera 7:21 ပူးပေါင်းရင်းမြစ်များ

Taniera 11:31

A na kam'araaea te Tembora ana tautia tabeman. A na katoka te angakarea are e katoa bong, ao a na katea te b'ai are moan te kakamaaku.

Taniera 12:7

Ao e tabeka baina te anera ni kauaai nako karawa, ao e berita n aran te Atua ae akea tokina. Ao I ongo ana taeka ae e kaangai, “E na nakon tenua ma te iterana te ririki. Ngkana e a toki karawawaataia ana Aomata te Atua, ao a na tia ni bane n riki baikai.”

Taniera 7:20

Ao I tangiria ni kan atai aroni kooro ake tebwina ake i aon atuuna, ai moaraara riki te koro teaina are e a tib'a kaoti, are e manga kab'akai kooro ake tennai. Are iai matana ao wiina kaanga te aomata, ao e rangi ni kainikatonga. E bon rangi ni kakamaaku riki nakoia ake tabeman.

Taniera 8:12

Ao a tannako aomata mairoun te Atua, ao a anga ngaia nakoni m'aakan te koro arei, ao e a tewenakoaki te aro ni koaua nako aontano. E totokanikai te koro ni b'aai ni kabane ake e karaoi.

Taniera 8:24

E na rikirake ni korakora, ma tiaki man oini korakorana. E na karaoa te urub'ai ae e kakamaaku, ao a kookoro bukin b'aai ake e karaoi. E na kamaunaiia aomata aika a korakora ma ake bon oin ana Aomata te Atua.

Taniera 8:9

Ao e a manga kaoti te koro teuana i aon te koro teuana mai buakon kooro ake aua, ao e taona maiaki ma mainiku m'aakana ni karokoa te Aba ni Berita.

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”

Te Kaotioti 17:6

Ao I nora te aine arei b'a e manging n raraaia aomata ake a itiaki, ma raraaia ake a kamateaki i bukin onimakinan Iesu. Ngke I nora neierei, ao I rangi ni mimi.

Te Kaotioti 19:19

Ao I nora te man are tiritiri, ma uea i aonnaba ma aia taanga ni buaka, b'a a ikotaki b'a a na buakana Teuare toka i aon te aoti, ma ana taanga ni buaka.