Taniera 7:18 - Te B'aib'ara

¹⁸ Ao e na reke irouia ana Aomata te Atua ae Moan te M'aaka te nakoa ni uea anne, ao a na b'ainna n aki toki.

Taniera 7:18 ပူးပေါင်းရင်းမြစ်များ

Taian Areru 45:16

Ane a na riki natim ma tibum b'a taan onei mwiia am bakatibu n riki b'a uea; Ao ko na katautaekaia i aon aaba ni kabane.

Taian Areru 49:14

A motikaki bukiia b'a a na mate n ai aroia tiibu; E na riki te mate b'a te tia kawakinia n ai aron te tia kawakin-tiibu, are na kairiia nakon te ruanimate. A na tauaki aroia n te ingabong irouia akana raoiroi, ngkai a waekoa ni mka rab'ataia n te ruanimate, ike e raroa nako mani mwengaia.

Itaia 14:2

A na kairaki nakon mwengaia irouia botannaomata ake tabeua, ao e na karikiia Iteraera b'a a na toro n te aba are aban te UEA.

Taniera 7:14

E anganaki te kariaia, te karineaki, ao te m'aaka, b'a a na bane aomatan te botannaomata, reeti, ao taetae nako n toro i rouna. E na teimatoa m'aakana n aki toki, ao akea tokin ueana, ao e na bon aki kona n uruaki.

Taniera 7:17

Ao e taku, “Maan aika a korakora akana aman akanne bon taian tautaeka aika aua aika a na kaoti n te aonnaba.

Taniera 7:22

Ao e roko teuare e maiu n akea tokina, ao e anga te motikitaeka ae e riai nakoia ana Aomata te Atua are Moan te M'aaka.

Taniera 7:25

E na taetae n eekaanako te Atua ae Moan te M'aaka, ao e na karawawataia ana Aomata te Atua. Ao e na kataia ni bita tuan ma botakin aia aro, ao a na mena ana Aomata te Atua i aani m'aakana i nanon tenua ma te iterana te ririki.

Taniera 7:27

Ao m'aakan ma korakoran taian tautaeka ni kabane n te aonnaba a na bane n anganaki ana Aomata te Atua. E na bon akea tokini m'aakan ana tautaeka, ao a na bane n toro i rouna taan tautaeka n te aonnaba ma n ongotaeka i rouna.”

Ob'aria 1:17

“Ma a na birinako tabem'aang man te maunga are Tion, ao e na riki b'a te tabo ae e tabu. A na manga abana te aba kanoan Iakob'a ngkai bon abaia te aba.

Ruka 1:33

Ao ane E na uea i aoia aomata nako ake a riki mairoun Iakob'a; ao e na akea tokin ueana!”

1.I-Korinto 6:2

Kam aki ataiia ake a itiaki b'a a nangi motika taekan aonnaba? Ao ngkana kam nangi motika taekan aonnaba, ao kam na aki kona ngkanne ni motiki taekan taian tangitang aika uarereke?

I-Ebeto 1:3

E na karaoiroaki te Atua are Taman ara UEA are Iesu Kristo, are E kakab'aiaira iroun Kristo ni b'aai ni kakab'aia ni kabane ake mai Rouna, ake b'aini karawa.

I-Ebeto 6:12

B'a ti aki buaka ma aomata, ma ti buaka ma uea, ma ake a korakora, ma taan tauu taekan aonnaba aika taan taua aron te roo aei, ma taian tamnei aika buakaka ake i aani karawa.

Te Kaotioti 20:4

Ao I noori kaintokanuea ma ake a tekateka i aoia b'a a anganaki te kona ni motiki taeka: bon aomataia ni koaua te koraki ake a tia ni mate ngke a kabakuaki i bukin tataekinan te koaua are E kaotiotia Iesu, ao i bukin tataekinan ana taeka te Atua. A aki taromauria te man are tiritiri, ao a aki taromauria naba te bouananti are katotongana; a aki kanikinaeaki ram'aia ma baiia n ana kanikina te man arei; ao a maiu, ma n uea ma te Kristo tengaa te ririki.

Te Kaotioti 22:5

E na akea te bong; ao a aki kainanoa ootan te taura ma taai, b'a E na riki te Atua b'a te oota i aoia; ao a na uea n aki totoki.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.

Te Kaotioti 5:10

ao Ko karaoia b'a ana ibonga te Atua n ueana; ao a na uea i aonnaba.”