Taniera 7:14 - Te B'aib'ara

¹⁴ E anganaki te kariaia, te karineaki, ao te m'aaka, b'a a na bane aomatan te botannaomata, reeti, ao taetae nako n toro i rouna. E na teimatoa m'aakana n aki toki, ao akea tokin ueana, ao e na bon aki kona n uruaki.

Taniera 7:14 ပူးပေါင်းရင်းမြစ်များ

Taian Areru 102:22

Ngkana a bootaki aomata aika bati man aaba aika kakaokoro n taromauria te UEA.

Taian Areru 103:19

E kaaki ana kaintokanuea te UEA i karawa; E uea i aoni b'aai ni kabane.

Taian Areru 145:13

Akea tokin ueam, ao Ko na tautaeka n aki toki. E kakaonimaki te UEA ni kakoro bukin ana taeka; Ao E nanoanga n ana arona ni kabane.

Taian Areru 146:10

Bon te uea n aki toki te UEA. Tion, E na uea Atuam n aki tootoki. Kam na kamoamoa te UEA!

Taian Areru 45:6

E na teimatoa n aki tootoki ueam are E a tia n anganiko te Atua; Ko tautaekaniia am aomata ma te eti;

Taian Areru 72:11

Ane a na bane uea ni bobaraaki i matana ni karinea; Ao ane a na bane n toro i rouna botannaomata.

Taian Areru 72:17

E bia ururingaki arana n aki toki; E bia teimatoa ataakin arona kanga ai aron teimatoan taai. A bia butia te Atua botannaomata nako b'a E na kakab'aiaia, n ai arona ngke E a tia kakab'aia te uea.

Taian Areru 8:6

Ko rineia b'a a na tautaekan am B'ai ni kabane aika Ko a tia ni karaoi. Ko katokaia i aon am Karikib'ai nako:

Itaia 16:5

Ao i mwiina, e na tei abanuean te tangira, ao e na tautaeka ma te eti temanna man ana utu Tawita. E na karaoa ae e raoiroi mani uota te riai.

Itaia 60:12

A na bane n kaungaaki botannaomata ma abanuea akana a rawa ni m'akuri i bukim.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Taniera 2:35

Ma ngaia are, e a b'aka te biti ma te tano, ma te buraonti, ma te tirewa, ao te koora ni maerikiriki kaanga bubun te uita are e oreaki n tain te aumaiaki. E uotia nako te ang ni kabane ni bon akea nikirana. Ma e rikirake ni buubura te atiibu arei ni karokoa e a rabuna te aonnaba ni kabane.

Taniera 2:37

Te uea ae ko karineaki, boni ngkoe te uea ae te kabanea ni korakora i buakoia uea. Bon Atuan karawa ae E karikiko b'a te emberoa ngkoe, ao E anganiko naba te korakora, te m'aaka ao te karineaki.

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Taniera 3:4

ao e nako te taeka n te b'anaa ae e korakora ae e kangai, “Ngkami aika aomatan aaba nako, ma reeti nako, ao taetae nako!

Taniera 4:3

Ai korakorara taiani kamimii ake E kaoti te Atua nakoira! Ai m'aakara ana kakai ake E a tia ni karaoi! Bon te UEA te Atua n aki toki; E na uea n taai nako.

Taniera 6:26

Au kaetieti nakoimi ni kabane kaain au tautaeka b'a kam na bane ni maaka ao ni karinea Atuan Taniera.

Taniera 7:18

Ao e na reke irouia ana Aomata te Atua ae Moan te M'aaka te nakoa ni uea anne, ao a na b'ainna n aki toki.

Taniera 7:27

Ao m'aakan ma korakoran taian tautaeka ni kabane n te aonnaba a na bane n anganaki ana Aomata te Atua. E na bon akea tokini m'aakan ana tautaeka, ao a na bane n toro i rouna taan tautaeka n te aonnaba ma n ongotaeka i rouna.”

Ob'aria 1:21

Ao ana buakana naba Etom, ma n taua taekana taani buaka aika m'anen Ierutarem aika a totokanikai. Ao E na uea te UEA n tii Ngaia i aoia Ana aomata.”

Mika 4:7

E ngae ngke a raroa nako man mwengaia ma ni m'auku, ma N na manga waakina te reitaki ae e boou ma nikiraia ake a aki taenikai, b'a a na riki b'a te botannaomata ae e korakora. Ao N na uea i aoia i aon te maunga are Tion ni karokoa tokin aonnaba.”

Mataio 11:27

“I anganaki b'aai ni kabane iroun Tamau; ao akea ae ata te Nati, ma ti te Tama ae ataia; ao akea ae ata te Tama, ma ti te Nati ae ataia, ao ane E kani kaotia te Nati nako ina.

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Ruka 1:33

Ao ane E na uea i aoia aomata nako ake a riki mairoun Iakob'a; ao e na akea tokin ueana!”

Ruka 10:22

I anganaki b'aai ni kabane iroun Tamau; ao akea ae ata te Nati b'a ti te Tama; ao akea ae ata te Tama ma ti te Nati, ao ane E kani kaotia te Nati nako ina.

Ioane 12:34

Ma ngaia are, a kaeka aomata ni kaangai, “Ti ongo n te Tua b'a E na maiu n aki totoki te Kristo. Ko na kanga ngkanne n taku b'a E na kateaki rake Natin te Aomata? Antai Natin te Aomata anne?”

Ioane 3:35

E tangira te Nati te Tama, ao E a tia ni kaaki b'aai ni kabane i aani m'aakana.

Ebera 12:28

Ma ngaia aei, ngkae e a reke i roura te abanuea ae aki konaki ni kam'aeieiaki, ao ti riai ni kaitau ma n taromauria te Atua n te aro ae E na kukurei iai, ao ni kaota te karinerine ma te maaku;

1.Betero 3:22

are nako karawa, ao E mena i angaatain te Atua, n tautaeka i aoia anera ma ake iai m'akaia ma aroia n tautaeka.

Te Kaotioti 1:6

ao E karaoira b'a ibonga n ueana, aika taani beku iroun Atuana ma Tamana: ana b'ai te neboaki ma te m'aaka n tautaeka n aki toki! Amen.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.