Taniera 7:1 - Te B'aib'ara

¹ I nanon ana moan ririki te uea are Beretiata i aoni B'aburon, ao I noora te kaotioti n te tairiki teuana. Ao I korea taekan te kaotioti anne, ao aio taekan

Taniera 7:1 ပူးပေါင်းရင်းမြစ်များ

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

Karikani B'aai 46:2

Ao E taetae te Atua nakoina n te mii ngke e a bong, ao e weteia, “Iakob'a! Iakob'a!” Ao e taku Iakob'a, “Oo! aio ngai.”

Iobi 4:13

E aki karaua matu, kaanga ai aron te mii ae moan te kakamaaku.

Itaia 30:8

E tuangai te UEA b'a N na korea te rongorongo i bukiia ana Aomata aei, b'a e aonga ni meemena ikekei n aki tootoki.

Itaia 8:1

E taku te UEA, “Itaia, karekea te b'ai ae ko na koroboki i aona. Ao koroboki ni kabuuburai manin te ara ae, MAE-TARA-ATI-BATI.

Ieremia 23:28

Ti te bo kaokoron miia ma au koaua ae kanga te uteute ao te uita. Ma ngkana a taetae burabeti i buku a na ti taekina te b'ai are I tuangiia.

Ieremia 27:7

A na bane ni m'akuri i bukina botannaomata ni kabane, ao a na m'akuri i bukin natina te mm'aane ma tibuna te mm'aane ni karokoa te tai are e na b'aka iai oin ana botannaomata. Ao i mwiina, ane a na m'akuri ana botannaomata i bukiia botannaomata aika a korakora ma uea aika a kakannato.

Ieremia 36:32

Ao i mwiin banen ana taetae te UEA nako iu, ao I a manga anaa te niira ni boki teuana ao I angan B'aruka. Ao I a tuangnga b'aai ake e na koroi i aona, ma ngaia are, kanoan te kauoua n niira ni boki aei bon ti te bo raoi ma are e kabuokia Ieoiakim.

Ieremia 36:4

I kanaanako weteakin B'aruka are natin Neria te mm'aane ao I butiia b'a e na buokai. I a manga taekin nakoina b'aai ni kabane ake E a tia n tuangai te UEA, ao e koroi B'aruka ni kabane i aon te niira ni boki.

Etekiera 1:1

Ni kanimauani bongin te kaaua n nam'akaina n te katenibwi n ririki, I maeka Ngai ae Etekiera ae te ibonga are natin Buti te m'aane, ma Iutaia ake taenikai i rarikin te Karaanga are Keeb'ara i B'aburon. E uki karawa, ao I noora ana kaotioti te Atua.

Etekiera 40:2

I nanoni miiu E kairai te UEA nako abaia Iteraera ao e uotai nakon te maunga ae moan te rietaata. I noori i matau taian auti aika a m'aiti ae kaanga ai aron te kaawa ae e buubura.

Taniera 1:17

Ao te Atua E anganiia rorobuaka aika aman aikai te rabakau n atai nanon koroboki ma te wanawana. Ao n reitaki ma anne ao E angan Taniera te rabakau ni kab'ara nanon taiani kaotioti ma taiani mii.

Taniera 2:1

Ao e mii te uea are Nebukaneta i nanon ana kauoua n ririki n uea, ao e rangi n tabetabe nanona ni miina arei n te aro are e aki reke matuuna iai,

Taniera 2:26

E taku te uea nakon Taniera (are arana naba Beretetiata), “Ko kona n tuangai b'a tera are I miia ao tera naba nanona?”

Taniera 4:13

Ngke I tabe n iangoa te kaotioti arei, ao I noora te anera ae e tabe n ruo rikaaki mai eta, ae e b'aina te tatauraoi.

Taniera 4:5

Ma I miia te mii ke te kaotioti ae moan te kakamaaku ngke I matu.

Taniera 5:1

Ao e kaoiia teuana tengaa aomata aika a kakannato te uea are Beretiata nakon ana baka n am'arake ae e buubura, ao a kaai ni mooi wain.

Taniera 5:22

Ma ko rawa ni kananorinanoko, ao ko bon atai baikai ni kabane b'a bon natina te m'aane ngkoe.

Taniera 5:30

Ao e tiringaki Beretiata are ueani B'aburon ni bon te tairiki naba anne;

Taniera 7:13

I nanon mitaraeakinan baikai n te tairiki anne, I noora kaanga taraan natin te aomata Ao e tabe ni kawarai, ao e katobibiaki n taian nang, ao e nakon Teuare e maiu n akea tokina ao e tei i matana.

Taniera 7:15

E rangi ni katabetabea nanou te kaotioti are I nooria n te aro are I aki rau iai.

Taniera 7:7

Ao ngke I tabe ni mataku, ao e kaoti te kaaman ni man. E korakora ao e kakamaaku. E kangkanta kanana ni wiina aika taian biti, ao i mwiina e a manga toubekaia. E kaokoro ma maan ake tabeman b'a iai tebwina korona.

Taniera 8:1

I noora te kauoua ni kaotioti i nanon ana katenua n ririki ni uea te uea are Beretiata i aon B'aburon,

Ioera 2:28

Rimwi riki, N na anga Tamneiu nakoia aomata nako. A na riki ni burabeti natimi m'aane ma natimi aine. A na mii taiani mii ami unim'aane, a na noori taiani kaotioti ami rorobuaka n ataei.

Amota 3:7

E na bon aki karaoa te b'ai teuana te Uea ae te UEA ngkana e tuai kaota moa nanona ae e raba nakoia ana toro aika burabeti.

Ab'akuka 2:2

Ao E kaekaai te UEA ao E kaangai, “Koroi ni kaotai raoi i aon baaba ni koroboki baika N na kaoti nakoim, b'a a aonga ni kai warekaki.

Warekaia Iteraera 12:6

Ao ngke a tia n tuangiia b'a a na kakauongo raoi, ao E taku: “Bon te UEA Ngai, ae taetae nakoia burabeti n taiani kaotioti ma taiani mii.

I-Rom 15:4

B'a b'aai ni kabane ake a koreaki ngkoa a koreaki i bukin reireiara, b'a e aonga n reke iroura te kaantaninga n taekan te taotaonaki n nano ma te kaunga nano n te B'aib'ara.

2.I-Korinto 12:1

I bon riai ni kamoamoaai, e ngae ngkana akea te bae na reke iai; ma N na taekini baika kanga ai aron te mii ma baika kaotaki iroun te UEA.

Te Kaotioti 1:19

Ma ngaia ae ko na koroi taekani baika ko noori, aika baika riki ngkai, ma baika na riki rimwi.

Te Kaotioti 10:4

Ao N nang koroboki ngke a kaeka baa ake itiua, ma I a ongo naba te b'anaa mai karawa ae kaangai, “Ko na kawakin ni kanikinaei b'a a na aki kakaotaki baike a a tia n taekini baa ake itiua, ao ko na tai koroi.”