Taniera 6:7 - Te B'aib'ara

⁷ A bane ni bo nanora ngaira aika ti tararua am tautaeka, aobitia aika a rietaata, taani kairiiri, taan iango, ao koowana, b'a ko na karaoa te tua teuana ae e matoatoa. Ko na tua b'a akea temanna ae e na bubutiia te anti temanna ke te aomata temanna i nanon te maan ae tenibwi te bong ma ti ngkoe. Ao ane e ri aon te tua anne, ao e na karenakoaki i nanon ooia raian.

Taniera 6:7 ပူးပေါင်းရင်းမြစ်များ

Taian Areru 10:9

Kanga ai aron te raian ae e baki ae e karabaa i buakon kaai, b'a e na karekeia konana akana kananoanga; E na kam'aneia n ana b'ai ni kam'ane, ao e na katikitikiia nako.

Taian Areru 2:2

A bootaki uean aonnaba n eekaanako te UEA ma ana King are E rineia.

Taian Areru 59:3

Ao noriia, akana karabaia n tataninga b'a a na kam'aneai ni kamateai. Akana botiia aia koraki ni kakam'arua b'a a na kamateai. B'a akea te bure ke te kaairua ae I a tia ni karaoia,

Taian Areru 59:5

Tei rake, te UEA ae Moan te M'aaka, ao nako mai buokai; Atuan Iteraera, nako mai noria Ngkoe! Kamarurungko, ao kareke kaiia botannaomata aika beekan; Tai nanoangaiia ngkai bon taani kam'aruaia raoia nakoia aiaia!

Taian Areru 62:4

Kam ti kani kab'aka mani nena ni karineaki; A maiu nanomi n te kewekewe. Kam taetae ni kakab'aia te aomata, ma kam karereantia i nanomi.

Taian Areru 83:5

A bo nanoia n aia iango ao a botiia aia aomata b'a a na ekiko nako:

Taian Areru 94:20

Ko aki kona n i raorao ma tia moti akana moti-buaka, Akana karaoi baika katabuaki i aan te tua b'a a na karaoaki,

Taniera 2:4

Ao a kaekaa te uea n te taetae n Aram'aika, “Te uea ae ko karineaki, ko na maiu n aki tootoki! Karakina miim nakoira b'a ti na kab'araa nanona nakoim.”

Taniera 3:11

ao te aomata are e aki bobaraaki n taromauri e na teweakinako nako nanon te ai ae e ura m'aaka.

Taniera 3:2

Ao i mwiin anne, ao e kanakoa ana taeka te uea nakoia ana aobitia ni kabane, ake taian nati ni uea m'aane, ma taian kowana, ma mataniwi ni buaka, ma taiani kamitina, ma taani kawakin m'ane, ma taani moti, ma taani kairiiri, ao ai taian aobitia ni kabane n te burawinti arei b'a a na bane n roko. A na ira katabuan te bouananti are e a tia ni kateia te uea are Nebukaneta.

Taniera 3:27

Ao a bane ni ikotaki ana aobitia te uea ma ana kowana, ao mataniwiin ana taanga ni buaka b'a a na nooriia m'aane ake teniman. E aki bue iran atuia naba teaina ma kunnikaia, ao bon akea naba te buaiai i aon rab'ataia.

Taniera 3:6

Ao ane e aki bobaraaki n taromauri, ao e na anaaki naba n te tai anne n teweakinako nako nanon te ai ae e uram'aaka.”

Taniera 6:16

Ma ngaia are, e a anga ana taeka te uea i bukin Taniera b'a e na karenakoaki i nanon te m'anono are e kanoaaki irouia raian. Ao e taku nakon Taniera, “E bia kamaiuko Atuam ane ko toro i rouna ma te kakaonimaki.”

Taniera 6:22

E kanakoa ana anera te Atua ni kaini wiia raian n te aro b'a a na aki kaikoakai. E karaoa aei i bukina b'a E ataai b'a bon akea au bure, ao bon akea naba au kairua nakoim, te uea ae ko karineaki.”

Mika 6:5

Au Aomata, kam na uring ana iango B'araka ngkoa are uean Moaaba, are e na karaoia nakoimi, ma ana kaeka B'araam nakoina are natin Beora. Kam na uring aromi ngke kam ri aon te karaanga are te Ioretan ngke kam m'ananga mai Titim nako Kirekara. Kam na uring ni kabane baikai ao kam na namakin Au m'akuri ni kamaiu i bukimi.”

Naum 2:12

E tiringa kanana te raian ao e raebitiia nakoia buuna ma bunna; e kanoaa b'angana n iriko aika a raebitiaki.

Mataio 12:14

Ao a oti nako B'aritaio, ao a kabowiia aron Iesu b'a a na kanga ni kamatea.

Mataio 26:4

ao a karekei aia iango b'a a na kam'anea n taua Iesu n te aro ni karaba, ao a na kamatea.

Mareko 15:1

Ngke e a tib'a ingabong, ao a kabowi naba ibonga ake a kakannato, ma unimm'aane, ma taani koroboki, ma kaain te Tanirim ni kabanea; ao a kabaea Iesu, ao a kairia nako, ao a angani Birato.

Ioane 12:10

Ao a karekea aia iango ibonga ake mataniwi b'a a na kamatea naba Rataro,