Taniera 6:4 - Te B'aib'ara

⁴ Ma ngaia are, a kakaea kabuakakaan ana kairiiri Taniera n te tautaeka naake raona ni mataniwi ao aobitia aika a rietaata, ma e bon aki reke i bukina ngke bon te aomata ae e onimakinaki Taniera, ao akea ana m'akuri ae e kairua, ke aki nakoraoi.

Taniera 6:4 ပူးပေါင်းရင်းမြစ်များ

Karikani B'aai 41:38

ao e taku nakoia, “Bon akea riki te aomata ae e raoiroi ae ti kona ni kunea i rarikin Ioteb'a, te aomata ae e mena Tamnein te Atua i rouna.”

Karikani B'aai 43:18

Ao ngke a uotaki nakon ana auti Ioteb'a, ao a maaku, ao a taku i nanoia, “Ti a uotaki nako ikai ngkai i bukin taiani m'ane ake a kaokaki nakon ara baeki ni moan rokora. Ane a na karinaira ni buakaniira ma n anai ara aati, ma ni karikiira b'a aia toro.”

Taeka n Rabakau 29:27

A kairiribai i marenaia aomata aika a raoiroi ma aomata aika taani bure.

Te Minita 4:4

Ao i mwiina, I a tib'a ataia b'a ti m'akuri ma ni karaoi baika a raoiroi, i bukina ngke ti bakantang irouia tem'angina. Bon akea nanon riki te baei b'a bon ti kakiokioan te ang.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Ieremia 18:23

Ko ataia b'a a baairea aron tiringakiu. Ma ngaia are, Ko na un irouia ao Ko na katuaaia! Ko na aki manga kab'ara aia bure n aia bure aika a rangi ni kakamaaku.

Ieremia 20:10

I ongo aia maningongoo aomata ae e kaangai, “A bane ni maaku aomata nako. Ara tai ngkai ni bukina Ieremia!” Akea te b'ai riki ae a karaoia raoraou ake I tataneiai ma ngaiia b'a ti tataningaan b'akau. A taku, “Tao e na bon konaa ni kam'aneaki Ieremia. Ao i mwiina, ti kab'aka ao e na booraoi arora ma ngaia rimwi.”

Ieremia 29:7

Kam na tataro i bukin karekean te rau i B'aburon ao m'akuri korakora i bukin karekeani kab'aiami. Rikiraken nakoraoin te botannaomata bon rikiraken maiuraoimi.

Taniera 3:8

Tabeman kaaini B'aburon a karekea te tai aei b'a aia tai ni kabuakakaia I-Iutaia nakon te uea are Nebukaneta.

Taniera 5:12

ma ngaia ae ko na kawaekoa te aomata ae Taniera are e aranaki ngkoa iroun te uea b'a Beretetiata, ao e na tuangko nanoni baikai ni kabane.”

Taniera 6:22

E kanakoa ana anera te Atua ni kaini wiia raian n te aro b'a a na aki kaikoakai. E karaoa aei i bukina b'a E ataai b'a bon akea au bure, ao bon akea naba au kairua nakoim, te uea ae ko karineaki.”

Mataio 26:4

ao a karekei aia iango b'a a na kam'anea n taua Iesu n te aro ni karaba, ao a na kamatea.

Mataio 27:18

B'a e ataia n ae a tia aomata ake a kakannato, ake aia aomata I-Iutaia n anga Iesu nako nanoni baina i bukina b'a a bakantang.

Ruka 20:20

Ma ngaia are a taratara te tai are na angaraoi; ao a kanakoia aia bureitiman ni karaba aika a na baka n raoiroi, b'a a na karekea kabuakakaan Iesu man ana taeka, n te aro b'a a aonga n anga Ngaia nakon te tia tautaeka b'a E na baireaki taekana.

Ruka 20:26

Ao a aki kona ni kam'anea n ana taeka i mataia aomata; ma a mimi n ana kaeka, ao a aki manga taetae.

Ruka 22:2

Ao mataniwiia ibonga ma taani koroboki, a ukoukora aroni kamatean Iesu n te aro ni karaba; b'a a makuia aomata.

Ioane 19:4

Ao e a manga oti nako Birato, ao e taku nakoia aomata, “Noria, N na kaotinakoa Iesu nakoimi, ao kam na ataia iai b'a akea ana bure ae I kunea.”

2.I-Korinto 11:12

Ma ae I karaoia ao N na boni karaoia naba, b'a I aonga ni katoki wiia “taan tuatua” ake tabeman ake a taku b'a n aia m'akuri are a kamoamoaia iai ao bon ti te bo aroia ni m'akuri ma arora.

I-Biribi 2:15

b'a kam aonga n aki bukintaeka ngkana iai te kairua ae riki, ao b'a kam aonga n itiaki man te aro ae buakaka, ngkai natin te Atua ngkami aika akea te kairua iroumi i buakon te roro ae b'aoua ae buakaka; aika kam oota i buakoia b'a kanga itoi i aon te aba,

1.Timoteo 5:14

Ma ngaia ae I tangiriia riki ateiaine aika a mate buia b'a a na iein, a na karikiia natiia, a na tararuaia aia utu, ao a na aki karekea te anga are e na kabuakakaira iai te kairiribai;

Tito 2:8

ao kamanenai taeka aika oin taeka aika a na aki konaki ni kabuakakaki; b'a e aonga ni mamaa te kairiribai iai, ngkai akea te bae buakaka ae e na taekinira iai.

1.Betero 2:12

A na raoiroi aroaromi i buakoia aomata aika tiaki I-Iutaia; b'a ngkana a bukiningkami b'a kam karaoa ae buakaka, ao a noori ami m'akuri b'a a raraoi, ao a na neboa te Atua iai n te bong are E na roko iai.

1.Betero 3:16

ma kam na kaeka ma te nimamannei ao te maku; kawakini mataniwin nanomi b'a a na itiaki; ao n te aro aei a na mamaa iai te koraki ake a taetae ni kabuakakai aroaromi aika raraoi ngkai kam reitaki ma Kristo.

Tani Motiki-taeka 14:4

N taai akanne, a tautaekanaki Iteraera irouia kaain Biritia, ao E karaoa aei te UEA b'a E na karekea te mangao i marenaia. Ao bon anne bukina are E karaoa iai Tamton b'a e na tangira te aine arei.

1.Tamuera 12:4

Ao a taku Iteraera, “Ko tuai man karaoa anne nako ira!”

1.Tamuera 18:14

Ao e buoka Tawita te UEA, ao e aki toki n totokanikai Tawita ma ana taanga ni buaka.

1.Tamuera 22:14

Ao e kaeka Aimereka ni kaangai, “Bon te kabanea ni kakaonimaki Tawita i buakoia am aobitia aika iroum! Bon buun oin natim te aine, ao mataniwiia taan tararuaiko te uea, ao e rangi ni karineaki irouia kaain m'aneabam te uea.