Taniera 6:27 - Te B'aib'ara

²⁷ E kakamaiu ao e i buobuoki; E karaoi kamimii ma kakai i karawa ao i aonnaba. E kamaiua Taniera mairouia raian.”

Taniera 6:27 ပူးပေါင်းရင်းမြစ်များ

Iobi 36:15

Ma E reireiniia aomata te Atua i nanon te rawawata, ao E kabongana te maraki i bukin kaureani mataia.

Taian Areru 145:13

Akea tokin ueam, ao Ko na tautaeka n aki toki. E kakaonimaki te UEA ni kakoro bukin ana taeka; Ao E nanoanga n ana arona ni kabane.

Taian Areru 18:48

Ao E kamaiuai mairouia taan ribaai. Eng, Ko katokanikaiai i aoia aiau, Ao Ko kawakinai mairouia taan tiritiri.

Taian Areru 18:50

E angan ana king taian tokanikai; E teimatoa n aki toki ana tangira nakon are E a tia n rineia, Are Tawita, ma ana kariki.

Taian Areru 32:7

Boni nneu ni karabai Ngkoe; Ko na kamaiuai man te kaangaanga. I anene n takaruaea taekan am Kamaiu, I bukina b'a Ko kamanoai.

Taian Areru 35:17

Te Uea, tao maanraa Ngkoe n tarataraai n arou aio? Kamaiuai mairouia raian aikai ngkana a eekainako!

Taian Areru 97:10

B'a E tangiria akana riba te buakaka te UEA; E kawakini maiuia ana botannaomata; E kamaiuia mai nanoni baiia akana buakaka.

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Taniera 4:31

I m'aain are e nang taetae te uea, ao e taetae te b'anaa mai karawa ni kaangai, “Te uea ae Nebukaneta ko na ongora n te b'ai ae N nang taekinna! E a anaaki m'aakan ueam mairoum.

Taniera 4:34

E taku te uea, “Ngke e a koro itiua te ririki, ao I tararake nako karawa, ao e oki nanou. I neboa te Atua ae e m'aaka, ao I anga te karinerine ma te kamoamoa nakon teuae E maiu n aki toki. “E na tautaeka n aki toki, ao akea tokin ueana.”

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Taniera 6:20

Ao ngke e roko ikekei, ao e weewete n te b'anaa ni kananoanga ao e kaangai, “Taniera ae ana toro te Atua ae e maiu! E kona ni kamaiuko te Atua ane ko toro i rouna ma te kakaonimaki mairouia raian?”

Ioane 4:48

E taku Iesu nakoina, “Ngkana kam aki noori kanikina ma m'akuri aika kamimii, ao kam rawa n onimaki.”

M'akuri 4:30

Ko na arora nako baim ni kamaiu, ao anganira te kona ni karaoi kanikina ma m'akuri aika kamimii i nanon Aran Natim are Raoiroi are Iesu.

Ebera 2:4

ao te Atua E raoniia ni kakoaua n arona ni karaoi kanikina ma kamimii ma m'akuri aika m'aka ma tib'akini b'aai n tituaraoi ake mairoun te Tamnei are Raoiroi.

1.Tamuera 17:26

Ao e titiraki Tawita nakon te tautia are e mena i rarikina ao e taku, “Tera ae na reke nakon te m'aane are tiringa kaain Biritia arei ma ni katokia man kakaotinakoaia ara aomata? Tao e taku b'a tera ngaia kaain Biritia ae akea manenana aei? E b'ainingarea Ana taanga ni buaka te Atua ae maiu!”