Taniera 6:22 - Te B'aib'ara

²² E kanakoa ana anera te Atua ni kaini wiia raian n te aro b'a a na aki kaikoakai. E karaoa aei i bukina b'a E ataai b'a bon akea au bure, ao bon akea naba au kairua nakoim, te uea ae ko karineaki.”

Taniera 6:22 ပူးပေါင်းရင်းမြစ်များ

Karikani B'aai 40:15

B'a bon te aomata ngai ae I iraeaki mai abaia Ebera, ao tiaki ti ngaia ma bon akea naba te b'ai ae bure ae I a tia ni karaoia are I riai ni kabureaki iai.”

2.Tamuera 22:7

I a reke n te kangaanga ae e kakamaaku ngke I weewete nakoim, ma Ko ongo b'anaau man am tembora ao Ko kaekaa au tataro.

1.Uea 13:28

ao e a m'ananga. Ao e a noora rab'atana ni mate i nanon te kawai ma te aati ao te raian aika a teitei ikekei. E aki kana rab'atan te burabeti arei te raian ke n tiringa te aati.

2.Rongorongo 32:21

ao E kanakoa te anera are e tiringiia tautia ma mataniwiin ana taanga ni buaka Aturia ni kabane ake n aia kaemb'a. Ao e okirikaaki Tennakeriba nako Aturia, ao e rangi ni b'ainrang. Ao n te bong teuana e nako n rin n ana Tembora antina ao e a tiringaki naba iai irouia natina m'aane tabeman.

Taian Areru 118:28

Bon Atuau Ngkoe, ao N na katituaraoiko; N na kaotiota kakannatom.

Taian Areru 26:6

Te UEA, I teboki baiu ni kaotia b'a akea au bure, ao I nakonako n taromauri ni katobibia am Baonikarea,

Taian Areru 31:14

Ma iai irou onimakinam, te UEA; Bon Atuau Ngkoe.

Taian Areru 34:7

A kakawakinaki akana karinea te UEA iroun ana anera, Ao e kamaiuia man taiani kaangaanga.

Taian Areru 38:21

Te UEA, tai kitanai; tai kararoaai Atuau!

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Itaia 3:10

Tuangiia aomata aika a ongotaeka iroun te Atua ni kaangai, “Kam rangi n tekeraoi kam na anganaki kaniwangami i bukin te b'ai ae kam a tia ni karaoia.”

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Ieremia 37:18

Ao i mwiina, I reitanako au taeka ao I kaangai, “Teuae ko karineaki, E aera ngkai ko karinai n te karabuuti? I a tia ni kaairua n eekinakoko ma am mataniwi ke te botannaomata?

Taniera 3:28

Ao e taku te uea, “Neboa Atuaia Tiateraka ma Metiaka ao Abeteneko! E a tia ni kanakoa ana anera ni kamaiuia Ana aomata aika a toro i rouna ma ni kakoaua. A kukurei n anga riki rab'ataia nakon te kamateaki nakon ae a na bobaraaki n taromauria te anti temanna i rarikin Atuaia.

Taniera 6:20

Ao ngke e roko ikekei, ao e weewete n te b'anaa ni kananoanga ao e kaangai, “Taniera ae ana toro te Atua ae e maiu! E kona ni kamaiuko te Atua ane ko toro i rouna ma te kakaonimaki mairouia raian?”

Taniera 6:23

E rangi ni kukurei te uea, ao e tua b'a e na katikakirake Taniera mai i nanon te b'angab'anga. Ma ngaia are, a katikia ni waerake ao a nooria b'a bon akea ikoakina teutana, b'a e onimakina te Atua.

Taniera 6:4

Ma ngaia are, a kakaea kabuakakaan ana kairiiri Taniera n te tautaeka naake raona ni mataniwi ao aobitia aika a rietaata, ma e bon aki reke i bukina ngke bon te aomata ae e onimakinaki Taniera, ao akea ana m'akuri ae e kairua, ke aki nakoraoi.

Taniera 6:7

A bane ni bo nanora ngaira aika ti tararua am tautaeka, aobitia aika a rietaata, taani kairiiri, taan iango, ao koowana, b'a ko na karaoa te tua teuana ae e matoatoa. Ko na tua b'a akea temanna ae e na bubutiia te anti temanna ke te aomata temanna i nanon te maan ae tenibwi te bong ma ti ngkoe. Ao ane e ri aon te tua anne, ao e na karenakoaki i nanon ooia raian.

Mika 7:7

Ma ngai, N na tarataraa te UEA, ao N na boni kariaria te Atua ma te onimaki, b'a E na boni kamaiuai. E na bon ongo irou.

Warekaia Iteraera 20:16

Ao ngke ti bubutiia te UEA buokara, ao E kaeka ara tataro, ao E kaotinakoira man te aba arei. Ngkai ae ti katei auti n rianna n tian abam i rarikin te kaawa are Kateti.

Mataio 27:46

Ao ngke tao te aoa tenua, ao E takarua Iesu n te b'ana ae korakora, ni kangai, “Eri, Eri, ram'a tab'aketani?” ae nanona, “Atuau, Atuau, E aera ngkai Ko kitanai?”

M'akuri 12:11

Ngke e a oki ana iango Betero, ao e taku, “I a ataia ngkai b'a E kanakomaia ana anera te UEA, ao E kamaiuai mai nanoni bain Erote, ao mani b'aai ni kabane ake a kaantaningai I-Iutaia b'a a na karaoi.”

M'akuri 24:16

Ao ngaia aei ae I kakorakoraai iai b'a N na aki toki ni b'aina te nano ae itiaki i matan te Atua ao i mataia aomata.

M'akuri 27:23

B'a e tei i rarikiu ngke e bong ana anera te Atua, are ana aomata naba ngai, ao are I tataromauria

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?

Ebera 11:33

N te onimaki ao a kataei aia kai uea, a kakaraoa nanon te Atua, a reke i rouia baike a atongaki n taeka n akoi, a kaini wiia raian,

1.Tamuera 17:37

E a tia te UEA ni kamaiuai man ukinibain te raian ma te bea, ao E na bon kawakinai mani bain te I-Biritia aei. Ao e taku Tauro, “E raoiroi, ko na nako ni bo ma ngaia. Ao bon au kantaninga b'a E na kaawakiniko te UEA.”

1.Tamuera 26:18

Ao e a manga reitia riki ma n taku, “E aera teuae ko karineaki ngkai ko a bon ririmwiiai naba, ngai ae am toro? Iai te b'ai ae I a tia ni karaoia? Tera te kaairua ae I a tia ni karaoia?