Taniera 6:10 - Te B'aib'ara

¹⁰ Ao ngke e ataia Taniera b'a e a tia n tiainaaki te tua arei, ao e a nakoni mwengana. Ao iai wintoon ana auti ae e uki ni kaitaraa Ierutarem. Ao e nako ni katorobubua i matan te winto, ao e tataro nakon te Atua. E tataneiai n tataro tenua te tai n te bongina.

Taniera 6:10 ပူးပေါင်းရင်းမြစ်များ

1.Uea 8:30

Bon am toro ngai, ao am b'ai aomatan Iteraera. Ma ngaia are, ngkana iai mai i buakora ae e nakomai n tataro ao kaeka te UEA mani mwengam are i karawa ao kab'arai ara bure nako.

1.Uea 8:38

ao Ko na kakauongo ngkana iai temanna ae e tataro ma nanona n raraoma ni koaua ma baina aika e tabeki nakon am Tembora.

1.Uea 8:44

Ara UEA, n te tai teuana ao ane Ko na tuangiia am Aomata b'a a na buakaniia aia kairiribai. Ao ane a na rairaki nakon am Tembora ae I a tia ni karaoia i bukim n am Kaawa ae ko rineia, ao ane a na tataro nakoim.

1.Uea 8:54

Ao ngke e bane ana tataro Toromon n te baonikarea, ao e katorobubua ma baina aika e tabeki rake nako karawa. E teirake,

2.Rongorongo 6:13

Ao e tei Toromon i aon te b'ai are e rietaata arei n kaaitaraa te baonikarea ao a bane n tei aomata i a kuuna. Ao i mwiina, e katei baina nako karawa; e katorobubua

2.Rongorongo 6:38

Ko na kaekaia ngkana a tataro nakon te Tembora aei ae I a tia ni karaoia n am kaawa ae e rineaki, n te aba aei are ko anganiia aia bakatibu.

Etira 9:5

Inanon tain te angakarea n te tairiki anne, ao I bon tekateka naba n nanokawaki ma kunnikaiu ake a raeuaaki. Ma ngaia are, I a katorobubua ao I tabeki baiu,

Neemia 6:11

Ao I taku, “E aera ngkai N na biri nako ma ni karabaai i nanon te Tembora i bukin rawean maiu? I aki nako!”

Taian Areru 34:1

N na karaoiroa te UEA n te bong ae koraki; N na aki toki ni karaoiroia.

Taian Areru 5:7

Ma i bukin batin am Tangira, ao I a kona n roko n am Auti; ao n taromauri n am Tembora are Tabu ma ni boobaraaki ni karineko.

Taian Areru 55:17

I bunra rawawatan nanou nakoina n te ingabong ao n te tawanou ao n te tairiki, Ao E na ongo b'anaau.

Taian Areru 86:3

Te Uea, Ko na nanoangaai, b'a I aki toki n tatataro nakoim.

Taian Areru 95:6

Nako mai, ti na bobaraaki n taromauria; ti na katorobubua i matan te UEA ae te tia karikira!

Taniera 6:13

Ao a taku nakon te uea, “Ma Taniera are temanna te taenikai mai Iuta e aki kan ongo, ao e rawa n ongotaeka nakon te tua are ko karaoia. E tataro tenua te tai n te bongina.”

Taniera 9:4

I tataro nakon te UEA ae Atuau ao I kaoti aia bure au aomata. Ao I kaangai, “Te Atua ae te UEA, ko korakora, ao ti karineko. Ko kakaonimaki nakon am boraraoi ma ni kaota am tangira ae e teimatoa nakoia aika a tangiriko ma ni karaoa nanon am kaetieti.

Iona 2:4

I taku b'a I oreaki mai matam, ao I aki manga nora riki am Tembora are e tabu.

Mareko 3:3

Ao E taku Iesu nakon te aomata arei, “Tei rake, ao mena i nuuka.”

Ruka 14:26

Ngkana iai ae kan riki b'a au reirei ma e aki riba tamana ma tinana ma buuna ma natina ma tarina ma m'anena, ma n aki riba naba maiuna, ao e aki kona n riki b'a au reirei.

Ruka 22:41

Ao E kam'awa mai rouia n te raroa ae tao e roko iai te atibu ngkana e kareaki, ao E katorobubua n tataro, ao E kangai,

M'akuri 10:9

Ngke e a ingabong, ngke a m'ananga i aoni kawaia ao a kaania te kaawa, ao e rierake Betero nako aon taubukin te auti b'a e na tataro iai, tao e a tawanou.

M'akuri 2:15

B'a a aki manging uaakai n ai aron are kam taku, b'a ai tib'a te aoa ruaiwa n te ingabong aei.

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

M'akuri 20:36

Ngke e a tia n atongi baikai, ao e katorobubua ma aia koraki ni kabaneia, ao e tataro.

M'akuri 21:5

Ao ngke a bane ara bong i Turo, ao ti m'ananga n nako. A bakaborauira te koraki arei ma buuia ma natiia nako tinanikun te kaawa; ao ti katorobubua i aon te bike, ao ti tataro.

M'akuri 3:1

Ao e nako n te Tembora Betero ma Ioane n tain te tataro are te aoa tenua n te tanimaeaontaai.

M'akuri 4:29

Ao ngkai, te UEA, Ko na tarai aroia n iowawa; ao Ko na anganiia am toro te ninikoria b'a a na taekina am taeka.

M'akuri 5:20

“Kam na nako n tei i nanon te Tembora, ao tuangiia aomata taekan te Maiu aei ni kabane.”

M'akuri 5:29

Ao a kaeka Betero ma taan tuatua ni kaangai, E riai riki iran nanon te Atua nakon iran nanoia aomata.

M'akuri 7:60

Ao e katorobubua, ao e taetae n te b'anaa ae korakora ni kaangai, “Te UEA, kab'ara aia bure n te b'ai ae a tia ni karaoia.” Ngke e a tia n atonga aei, ao e matu.

M'akuri 9:40

E kabaneia ni kaotinakoia Betero, ao e katorobubua n tataro; e rairaki ngkanne ni kaitaraa rab'atan Nei Toreka, ao e kaangai, “Nei Tabita, teirake!” E kaure matana Nei Toreka; ao ngke e nora Betero, ao e tekateka.

I-Ebeto 3:14

I bukin aei ao I katorobubua nakon Tamara,

I-Biribi 1:14

Ao e riki kabaeakiu b'a kakorakoraan aia kaantaninga m'aitiia taari n aroia n reitaki ma te UEA, ao a rikirake n rangi n ninikoria n taekina ana taeka te Atua.

I-Biribi 1:20

n ai aron nanou ae korakora ma au kaantaninga b'a N na aki mamaa n te b'ai teuana, ma N na rangi n ninikoria n taetae n ai aron aroarou n taai nako ao ngkai naba, ni kaota neboakini Kristo n rab'atau, tao ni maiu ke ni mateu.

I-Biribi 4:6

Kam na tai iangoa te b'ai teuana n raraomaeakinna; ma a na kaotaki ami bubuti nakon te Atua ni b'aai ni kabane, n te tataro ni bubuti ae raonaki ma te katituaraoi.

I-Korote 3:17

Ao b'aai ni kabane akana kam karaoi ke kam taekin a riai ni bane ni karaoaki n aran te UEA are Iesu, ao kam na katituaraoa te Atua ae te Tama i bukini Kristo.

Ebera 13:15

Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

Ebera 4:16

Ma ngaia ae ti na tai maaku ni kaania ana kaintokanuea te Atua are e akoaki te aba iai, b'a ti aonga n anganaki te nanoangaki, ao ti aonga ni karekea te akoaki ngkana a kai nanora.

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.

Te Kaotioti 2:13

I ata ike ko mena iai, ike e mena iai ana kaintokanuea Tatan: ko kakaonimaki nako iu, ao ko aki kaaki arom n onimakinai n te tai are e kamateaki iai Antib'ati are au tia kaotioti are kakaonimaki, are kamateaki i buakomi, ike e maeka iai Tatan.