Taniera 5:8 - Te B'aib'ara

⁸ Ao a bane n roko ana taani iango te uea ma bon akea temanna ae e kona ni wareka te koroboki arei, ke n tuanga te uea nanona.

Taniera 5:8 ပူးပေါင်းရင်းမြစ်များ

Karikani B'aai 41:8

Ao e a raraoma ngke a ingabong, ao e a weteia taan tabunea ni kabane ao mm'aane naba ni kabane aika taan rabakau i aon Aikubita. E tuangiia miina, ma bon akea temanna ae kona ni kab'ara nanon miina nako ina.

Itaia 47:9

A na toki korakoran m'aakam n tabunea ma am b'ainikawai, ao ane e na akea buum ao a na mauna nako natim.

Ieremia 50:35

I a tia ni katanoataa buakanakim, am mataniwi, ao am taani iango nako.

Taniera 2:27

Ao e kaeka Taniera ao e kaangai, “Te uea ae ko karineaki, bon akea te ibonga temanna, ke te tia tabunea temanna, ke te tia b'ai temanna, ke te tia borau temanna ae e na kona n tuangko te b'ai anne,

Taniera 4:18

E taku te uea are Nebukaneta, Anne te mii are I noria. Beretiata, tuangai nanona. Bon akea temanna i buakoia au taan rabakau ae e kona n tuangai nanona, ma ko konaa ngkoe, b'a a mena tamneia atua ake a tabu iroum.

Taniera 4:4

I rangi ni maiu raoi i nanon au bareti. I ebiebi ni kaub'aiu nako.

Taniera 4:7

Ao i mwiina, a bane ni karinaki i nanon te bareti taan tabunea, ma ibonga, ao taani borau, ao I tuangiia miiu arei, ma a bon aki kona ni kab'ara nanona nako iu.

Taniera 5:15

A karinaki taani iango ao taan tabunea b'a a na wareka te koroboki, ao a na tuangai nanona, ma a bon aki kona ni kunea nanona.