Taniera 5:25 - Te B'aib'ara

²⁵ Ao aikai taeka ake a koreaki: Te Ware, Te Ware, Te Rawaawata, Te Bwenauaaki.

Taniera 5:25 ပူးပေါင်းရင်းမြစ်များ

2.Rongorongo 21:12

N te bong teuana, ao e reke te reta iroun Ioram mairoun Eria are te burabeti ae kaangai kanoana: Bon iai au rongorongo nakoim mairoun te UEA ae te Atua are e taataromauriia ami bakatibu are Tawita. E a ataia ae ko tuai kakairi iroun tamam are Ieotiab'ata ke Ata are tibum te unim'aane.

Itaia 14:11

A toki ikai am kainikatonga ma am katangitang n aia aonnaba maate. Ko na rabuniko n taiani m'ata, ao ko na kieniko n taian ino.”

Itaia 47:11

Ma e na oro te kabuanib'ai n akea te katauraoi ao a na aki konaa ni buobuoki m'aakan am tabunea.

Ieremia 27:7

A na bane ni m'akuri i bukina botannaomata ni kabane, ao a na m'akuri i bukin natina te mm'aane ma tibuna te mm'aane ni karokoa te tai are e na b'aka iai oin ana botannaomata. Ao i mwiina, ane a na m'akuri ana botannaomata i bukiia botannaomata aika a korakora ma uea aika a kakannato.

Taniera 5:24

Ao bon anne bukina are E kanakomaia iai te bai te Atua b'a e na koroi taeka aikai.

Taniera 5:26

Ao aikai nanon taeka aikanne: Te Ware, E a tia ni wareki m'aitin am bong te Atua, ao E na karokoa n tokina;

Ab'akuka 2:7

N te tai ae ko aki kantaningaia, ngkoe ae ko a tia ni konaia tabem'aang, ana manga kaoka aei nakoim ake ko karaoa aei nakoia. Ana roko am kairiribai ao ko na ruru ni maaku. Ao ana kurib'aiko.

Ruka 1:51

E karaoi m'akuri aika m'aaka ni baina, E kamaaeia nako akana kainikatonga n iangoan nanoia.

Ruka 12:20

Ma E taku te Atua nako ina, “Te nanobaba! N te tairiki aei, ao e na anaaki maium mai roum; ao b'aai akana ko a tia ni katauraoi, antai ae na b'aini?”

1.Tamuera 28:19

E na anga ngkoe ma Iteraera nakoia kaain Biritia. A na raoniko natim rorobuaka nakon te ingabong, ao E na anga naba ana taanga ni buaka Iteraera nakoia kaain Biritia.”