Taniera 5:22 - Te B'aib'ara

²² Ma ko rawa ni kananorinanoko, ao ko bon atai baikai ni kabane b'a bon natina te m'aane ngkoe.

Taniera 5:22 ပူးပေါင်းရင်းမြစ်များ

2.Rongorongo 33:23

E a manga rairaki nakon te UEA Manate, ma Amon, e rangi n rawa, ao e boni bure riki nakon tamana.

2.Rongorongo 36:12

E aki ongotaeka iroun te UEA ae Atuana ao e rawa ni biti arona, e ngae ngke e a tia ni kauringnga Ieremia, are ana burabeti te UEA.

Taian Areru 119:46

N na tataekin am Taeka nakoia uea, Ao N na aki mamaa iai.

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Itaia 13:11

N na katuaaea te aonnaba ae e buakaka aei ma aomatana i bukin aia bure nako. N na kamanatuaia taani kainikatonga aika a kakamaaku aika a iowawa.

Itaia 14:13

Ko taku i bon iroum, “N na tam'arakea karawa ni kaaki au kaintokanuea iai i etan taian itoi. N na tekateka ikekei ma taian anti ake a raroa nako i meang.

Itaia 26:10

E ngae ngkana e akoaki naba te aomata ae e buakaka i aon aban te eti aei, a karaoa ae kaairua ao a matakii nakon mimitongim, ara UEA.

Taniera 5:18

“Nooria te uea, bon te Atua ae e m'aaka ae E karika taman Nebukaneta b'a te uea ae e korakora, ao E anganna te m'aaka ma te karineaki.

Mataio 14:4

B'a e a tia ni kangai Ioane nakon Erote, “E aki riai i aan te tua b'a ko na buuna Eroria!”

Mataio 21:32

B'a e roko Ioane nako imi, ngkami aika Iteraera, ni kaota te aro ae raoiroi ae kam na b'ainna ni maiumi n ai aron nanon te Atua, ao kam aki kakoauai ana taeka.

Ruka 12:47

Ao te toro ae e ata nanon ana mataniwi, ma akea ana kekeiaki nakoni karaoana, e na oreaki ni karawataaki.

Ioane 13:17

Ngkana kam atai baikai, ao kam a kab'aia ngkana kam karaoi.

Iakobo 4:17

Ma ngaia aei, b'a ane ata aroni karaoan ae riai, ma n aki karaoia, ao e boni bure iai.

Iakobo 4:6

Ma E kabatia te akoi n anga; ao anne bukin are e kaangai te B'aib'ara.” “E rawa nakoia akana kainikatonga te Atua; Ma E angania akana nanorinano te akoaki.”