Taniera 5:21 - Te B'aib'ara

²¹ E kanakoaki man te kaawa, ao e a riki b'a kaanga ana iango te man. E maeka ma taian aati, e kana te uteute n ai aron te kao m'aane, ao e maeka n taabo aika a katawanang, aika akea katanana iai man te aoi. Ao n tokina ao e a kakoauaa b'a bon te Atua ae e m'aaka ae e taui aron ueaia aomata, ao E kona n anga nakon ane E bon taku.

Taniera 5:21 ပူးပေါင်းရင်းမြစ်များ

Iobi 39:5

Antai ae anganiia taian aati aika katam'anti inaomataia? Antai ae kab'ara kabaeana ma ni kanakonakoa?

Etekiera 17:24

A na bane kain te buakonikai n ataia b'a I konaa Ngai te UEA ni karuoi aroka aika a rietaata ma ni manga buokia aika a uarereke b'a a na riki rake. I kam'autereterei aroka aika a mawaawa ao ni manga kamawawai aroka aika m'auteretere. Bon aei au taeka Ngai ae te UEA, ao N na bon kakoroa bukin au taeka.

Taniera 4:14

Ao e kanenea b'anaana man taku, “Korea te aroka ni kab'aka, ao erei m'aangana nako; ioi baana, ao kamrarai uaana. Kanakoia man aika kawakawa mai aana, ao mannikiba mai aon m'aangana nako.

Taniera 4:17

Aio ana babaire te anera are e b'aina te tatauraoi. Ma ngaia are, a na bane aomata n ataia b'a E m'aaka te Atua ae moan te m'aaka i aon abanuean te aomata, ao E kona n angan ane E bon taku, n ai aroia aika rangi ni mangori.’

Taniera 4:22

“Te uea ae ko karineaki, boni ngkoe te aroka are e rietaata ma ni korakora. Ko a tia n rikirake n rangi ni korakora n te aro are ko a roota karawa, ao e rooti taabo nako n te aonnaba aei m'aakam.

Taniera 4:25

Ko na kakioaki nako man te kaawa, ao ko na maeka ma maan aika a moaanti. Ko na kang uteute n ai aron te kao, ao ko na matu n te tabo ae e katawanang, n te aro are e na ruoniko te aoi, ao e na riki aei nakoim i nanon itiua te ririki. Ao ko na okira te Atua n tokina, ao ko na kakoaua b'a boni Ngaia ae E taua taekan ueaia aomata ni kabane, n te aro are E kona n anai ao ni manga anganiia tabem'aang ake E bon taku.

Taniera 4:26

E tuatua te anera arei b'a e na katukaki te boto arei i nanon te tano. E nanonaki iai b'a ko kona ni manga uea riki ngkana ko kakoaua b'a E taua taekan te aonnaba aei ni kabane te Atua.

Taniera 4:34

E taku te uea, “Ngke e a koro itiua te ririki, ao I tararake nako karawa, ao e oki nanou. I neboa te Atua ae e m'aaka, ao I anga te karinerine ma te kamoamoa nakon teuae E maiu n aki toki. “E na tautaeka n aki toki, ao akea tokin ueana.”

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Taniera 5:18

“Nooria te uea, bon te Atua ae e m'aaka ae E karika taman Nebukaneta b'a te uea ae e korakora, ao E anganna te m'aaka ma te karineaki.