Taniera 5:2 - Te B'aib'ara

² Ao ngke a tabe ni mooi, ao e tua Beretiata b'a a na uotaki nakoina taiani koora ma m'angko ma boora ake taian tirewa ake e anai tamana are Nebukaneta man te Tembora are i Ierutarem. Ao e tib'ai nakoia ana iruwa ake a kakannato, ma buuna nako, ao nakoia buuna naba ni kewe b'a a na mooi iai.

Taniera 5:2 ပူးပေါင်းရင်းမြစ်များ

2.Tamuera 9:7

Ao e taku Tawita, “Ko na aki maaku. N na akoiko b'a ngaia tamam Ionatan. N na anganiko te aba are ana b'ai tibum are Tauro. Ao i rarikin anne, ko na am'aam'arake i rarikiu n au taibora.”

2.Uea 24:13

E a tia te UEA ni kauringnga b'a n te tai teuana, ao e na roko anaakin taiani kaub'ai man ana bareti te uea ao man te Tembora, ni ikotaki ma taiani koora ake e karaoi Toromon i bukin te Tembora. Ao anne te b'ai are e tuangiia ana tautia Nebukaneta b'a a na karaoia.

2.Uea 25:15

ao ai uana naba ma baanin te ai ao taiani boora ni katimtim. E tuangiia ana tautia Nebukaneta b'a a na uotinako b'aai ni kabane aika a karaoaki man taiani koora ke te tirewa.

2.Rongorongo 11:20

Ao e a manga mare Reoboam ma Nei Maaka are natin Abetarom te aine. Ao natiia m'aane bon Abiia, Atai, Tita, ao Teromita.

2.Rongorongo 15:16

E a tia tibun Ata te unaine are Nei Maaka ni karaoa te bouannanti ae e rangi n ribaaki are Nei Atera, ma ngaia are, e koroia ni kab'aka, ao e kamaerikirikia, ao e kabuokia n te M'arua are Kiteron. Ao i mwiina, e kam'ainga Nei Maaka mani nnena are te tina ni ueanaine.

2.Rongorongo 36:10

Ni bongin te aumeaang n te ririki, ao e katika Ieoiakin uean Aikubita are Nebukaneta ao e uotia nako B'aburon, ni ikotaki ma b'aai riki tabeua aika a kakaawaki aika b'ain te Tembora. Ao e a manga rinea Tetekia Nebukaneta b'a e na uea i aon Iuta.

2.Rongorongo 36:18

E uoti nako b'aai ni kabane Nebukaneta ake a tiku i nanon te Tembora; e iraea te kaub'ai ao kanoan ana ruunib'ai te uea ma ana mataniwi. E uoti b'aai ni kabane nako B'aburon.

Etira 5:14

E anai b'aai aika a koora ao a tirewa, ao e kaaki i nanon ana Tembora antina i B'aburon.

Ieremia 27:7

A na bane ni m'akuri i bukina botannaomata ni kabane, ao a na m'akuri i bukin natina te mm'aane ma tibuna te mm'aane ni karokoa te tai are e na b'aka iai oin ana botannaomata. Ao i mwiina, ane a na m'akuri ana botannaomata i bukiia botannaomata aika a korakora ma uea aika a kakannato.

Ieremia 50:35

I a tia ni katanoataa buakanakim, am mataniwi, ao am taani iango nako.

Ieremia 52:19

A anai b'aai ni kabane ake a karaoaki man te koora ma te tirewa: taiani boora, baanin te ai, taiani boora ni katimtim, taiani baan, kaintei ake a buubuti, taian raurau i bukin te b'ai ni kaboiarara, ao m'angkon te wain.

Taniera 1:2

Ao te UEA e kariaia Nebukaneta b'a e na kataenikaia te uea are Ieoiakim ma n anai kaub'ain te Tembora. E uotiia rikaaki tabeman taenikai nakon temboran antina i B'aburon, ao e karin taiani kaub'ai akekei i nanon te ru ni b'ai are i nanon ana tembora antina.

Taniera 5:11

Boni iai te m'aane temanna n abanueam ae iai ana konab'ai ae e raka, e wanawana, e m'aatai n te kab'ara mii, e rabakau ni kaiwa, ao e atai nanoni baika a raba;

Taniera 5:13

Ao e uotaki ni karinaki Taniera n te tai ae e waekoa nako matan te uea, ao e taku te uea nakoina, “Boni ngkoe Taniera, taenikain Iutaia are e anaiko tamau are te uea mai Iuta?

Taniera 5:18

“Nooria te uea, bon te Atua ae e m'aaka ae E karika taman Nebukaneta b'a te uea ae e korakora, ao E anganna te m'aaka ma te karineaki.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Taniera 5:3

Ao n te tai ae e aki maan, ao a roko ana m'angko ma boora ake taiani koora, ao a bane ni mooi mai iai

Taniera 5:30

Ao e tiringaki Beretiata are ueani B'aburon ni bon te tairiki naba anne;

Taniera 5:4

ao a neboa te anti are e karaoaki man te koora, ma te tirewa, ma te buraonti, ma te biti, ma te kai, ao te atiibu.

Warekaia Iteraera 7:79

ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'aa i bukin te iriko n anga karea;