Taniera 5:13 - Te B'aib'ara

¹³ Ao e uotaki ni karinaki Taniera n te tai ae e waekoa nako matan te uea, ao e taku te uea nakoina, “Boni ngkoe Taniera, taenikain Iutaia are e anaiko tamau are te uea mai Iuta?

Taniera 5:13 ပူးပေါင်းရင်းမြစ်များ

Etira 10:16

Ao a bane aomata nako ake a oki man te kataenikaiaki ni kariaia te babaaire. Ma ngaia are, Etira are te ibonga, e a rineia m'aane ake atuun taian utu, ao e koroi araia. Ao a moana aia m'akuri i aon te b'ai aei ni moanibongin te katebwina n nam'akaina,

Etira 10:7

Ao mataniwi ma taani kairiiri a kanakoa te rongorongo nakoia te koraki ni kabane ake a oki mai B'aburon ake a maeka ngkai i Ierutarem ao i Iuta. A tuangaki b'a a na kanenei nako Ierutarem i nanon tenua te bong, b'a a kaawa ni bua aia b'ai ni kabane man aki atongaki b'a raoiia te koraki ake a tia n oki mai B'aburon.

Etira 4:1

A ongo aia kairiribai kaain utuun Iuta ao Beniamin te rongorongo ae a oki aomata b'a a na manga katea ana Tembora te UEA ae Atuaia Iteraera.

Etira 6:16

Ao a bane ni kukurei Iteraera, taian ibonga, kanoan Rewi, ao aomata ni kabane ake a tia n oki man te kataenikaiaki, ao a bane ni bukamarua a katabuan ana Tembora te Atua.

Taniera 1:1

I nanon ana katenua n ririki ni uea teuare Ieoiakim i aon Iuta, ao e m'aati uean B'aburon are Nebukaneta ma ana taanga ni buaka b'a e na taua Ierutarem. Ma ngaia are, a katobibia te kaawa b'a a na taua.

Taniera 1:2

Ao te UEA e kariaia Nebukaneta b'a e na kataenikaia te uea are Ieoiakim ma n anai kaub'ain te Tembora. E uotiia rikaaki tabeman taenikai nakon temboran antina i B'aburon, ao e karin taiani kaub'ai akekei i nanon te ru ni b'ai are i nanon ana tembora antina.

Taniera 1:21

E teimatoa n tiku i nanon te baareti Taniera ni karokoa teiraken Tairati are uean Bootia n taua B'aburon.

Taniera 1:6

Ao ake a rineaki mai buakoia rorobuakan Iteraera bon Taniera, Anania, Mitiaera, ao Ataria. Boni kaain te baronga are Iuta rorobuaka aikai ni kabane.

Taniera 2:25

Ma ngaia are, e a waetata naba ni kairaanako Taniera teuare Arioka nakon te uea are Nebukaneta, ao e tuanga te uea ni kaangai, “I a tia ni kunea temanna aomatan Iutaia ae te taenikai ae e kona n tuangko nanoni miim.”

Taniera 2:48

Ao i mwiin anne, ao e angan Taniera nnena ae moan te rietaata, ao e anganna naba b'aai n tangira aika a rangi ni kakaawaki, ao ni ikotaki ma te burawinti are B'aburon b'a e na taua taekana, ao n riki naba b'a te mataniwi i aoia taan rabakau ni kabane i aoni B'aburon.

Taniera 5:11

Boni iai te m'aane temanna n abanueam ae iai ana konab'ai ae e raka, e wanawana, e m'aatai n te kab'ara mii, e rabakau ni kaiwa, ao e atai nanoni baika a raba;

Taniera 5:14

I a tia n ongo b'a e mena tamnein te Atua ae e tabu i nanom n te aro are iai iroum te konab'ai, te rabakau ao te atatai.

Taniera 5:18

“Nooria te uea, bon te Atua ae e m'aaka ae E karika taman Nebukaneta b'a te uea ae e korakora, ao E anganna te m'aaka ma te karineaki.

Taniera 5:2

Ao ngke a tabe ni mooi, ao e tua Beretiata b'a a na uotaki nakoina taiani koora ma m'angko ma boora ake taian tirewa ake e anai tamana are Nebukaneta man te Tembora are i Ierutarem. Ao e tib'ai nakoia ana iruwa ake a kakannato, ma buuna nako, ao nakoia buuna naba ni kewe b'a a na mooi iai.

Taniera 6:13

Ao a taku nakon te uea, “Ma Taniera are temanna te taenikai mai Iuta e aki kan ongo, ao e rawa n ongotaeka nakon te tua are ko karaoia. E tataro tenua te tai n te bongina.”

Taniera 8:1

I noora te kauoua ni kaotioti i nanon ana katenua n ririki ni uea te uea are Beretiata i aon B'aburon,

Taniera 8:27

Ao I wene ni mamaara ma n aoraki i nanon tabeua te bong. Ao i mwiina I teirake, ao I a manga moana au m'akuri are e anganai te uea, ma e minotaki au iango n te kaotioti arei ao e aki reke nanona.

Ioane 7:1

I mwin arei ao E m'am'ananga Iesu i aoni Kariraia; E aki kona ni m'am'ananga i aon Iutaia i bukina ngke a kani kamatea I-Iutaia.

Ioane 7:3

A kaangai ngkanne tarin Iesu nakoina, “Kitana ikai ao nako i Iutaia, b'a a aonga n noori m'akuri aika Ko karaoi am reirei.