Taniera 4:36 - Te B'aib'ara

³⁶ “Ngke e oki nanou, ao a bane ni kaokaki nako iu karineau, ma kakannatou, ao mimitongin ueau. A bane ni butim'aeai au aobitia ma au aomata aika a kakannato, ao I a manga anganaki m'aakau ni uea, ma te karinerine ae e a korakora riki nakon are mai m'aaina.

Taniera 4:36 ပူးပေါင်းရင်းမြစ်များ

Iobi 13:12

A na riki am taeka n rabakau aika akea maneia b'a kaanga taiani mannang. A na mamaara am kauntaeka kaanga te bokaboka.

Taeka n Rabakau 22:4

Karinea te UEA ao m'akuri i bukina! Kam na anganaki te kaub'ai, teimatoan te maiu, ao te karineaki b'a kaniwangami

Taniera 2:31

Te uea ae ko karineaki, te b'ai are ko nooria ni miim are e tei i matam bon te bouananti ae bannan te aomata ae te aintoa, ae oota man raneanea, ae e kakamaaku taraana.

Taniera 4:22

“Te uea ae ko karineaki, boni ngkoe te aroka are e rietaata ma ni korakora. Ko a tia n rikirake n rangi ni korakora n te aro are ko a roota karawa, ao e rooti taabo nako n te aonnaba aei m'aakam.

Taniera 4:32

Ao ane ko na kakioaki nako man te kaawa, ao ko na maeka ma taian man aika a moaanti, ao ko na kana te uteute n ai aron te kao i nanon itiua te ririki. Ao ane ko na kakoaua b'a iai m'aakan te Atua ae e m'aaka i aon ana tautaeka te aomata, ao E kona n anga nako ngaiia nakon temanna are E bon taku.

Taniera 4:34

E taku te uea, “Ngke e a koro itiua te ririki, ao I tararake nako karawa, ao e oki nanou. I neboa te Atua ae e m'aaka, ao I anga te karinerine ma te kamoamoa nakon teuae E maiu n aki toki. “E na tautaeka n aki toki, ao akea tokin ueana.”

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

2.I-Korinto 4:17

B'a rawawatara ngkai ae bebete e na uotiira nakon te mimitong ae e raka arona ae e aki totoki ae akea aroni kabotauana.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.