Taniera 4:35 - Te B'aib'ara

³⁵ E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Taniera 4:35 ပူးပေါင်းရင်းမြစ်များ

Iobi 23:13

E aki kona ni bitaki; bon akea ae kona n rairia, ke ni katokia man karaoan te b'ai are E tangiria

Iobi 34:29

Ngkana e bon taku te Atua b'a akea te b'ai ae na karaoia, ao akea temanna ae kona n tiribureia. Ngkana E karaba matana, e na aki reke buokaia aomata.

Iobi 42:2

I ataia te UEA b'a Ko bon rangi ni m'aaka n te aro are Ko boni karaoi b'aai ni kabane ake Ko tangiri ni kan karaoi.

Iobi 9:4

E rangi n rabakau te Atua ao E m'aaka, ao bon akea te aomata ae kona n teirake ni kaitaraa.

Taian Areru 115:3

E mena Atuara i karawa; ni karaoa ae E bon taku.

Taian Areru 135:6

E karaoa are kukurei iai i karawa ao i aon te aba, i marawa ao n taabo aika nano i kabini marawa.

Taian Areru 33:14

E taraia aomata ni kabaneia ake a maeka i aonnaba man ana tabo are E tekateka iai ngkai te Uea n tii Ngaia.

Taian Areru 39:5

Moan te uarereke au bongi ni maiu; m'aitin au ririki ni maiu bon te akea i matam. Te maiu aei kaanga mwemwen te ang,

Taian Areru 49:1

Kam na bane n ongora n aei, ngkami botannaomata! Katanimai taningami, ngkami aomata n taabo nako,

Taeka n Rabakau 21:30

Kam bon aki konaa ni konaa te UEA e ngae ngkana e m'aiti ami atatai ke tera ami kawai.

Te Minita 8:4

Bon te tua ana taeka te Uea. Akea ae e konaa n titirakinna ni kaangai, “E aera ngkai ko karaoa aei?”

Itaia 19:17

A na rangi ni maaku i Iuta n te aro are a rootaki naba n te maaku ti ngkana a ongo arana. E na riki i bukin te b'ai are e na karaoia te UEA ni kaaitaraa Aikubita.

Itaia 26:9

E kakaaeko nanou inanou ngke e bong, i bukina ngke e kaotaia aomata nako n te aonnaba aei aron maiuia ae e eti.

Itaia 43:13

Bon te Atua Ngai ngkai ao n aki toki. Bon akea ae e konaa n rawei ngkami mai irou. ke n te tei i m'aain kawaiu.

Taniera 6:27

E kakamaiu ao e i buobuoki; E karaoi kamimii ma kakai i karawa ao i aonnaba. E kamaiua Taniera mairouia raian.”

Iona 1:14

Ngaia are a tang nakon te UEA, “Ti tataro nakoim te UEA b'a Ko na aki katuaaira i bukin kamatean te aomata aei! Boni Ngkoe te UEA, ae Ko kariki baikai ni kabane. Bon am m'akuri baikai.”

M'akuri 11:17

Ma ngaia are, ngkana a anganaki aomata aika tiaki I-Iutaia te b'ai n tituaraoi iroun te Atua, ae ti te bo arona ma are E anganira, ngke ti onimakina te UEA are Iesu Kristo, ao antai ngai b'a N na tuka te Atua?

M'akuri 4:28

B'a a na karaoi b'aai ni kabane ake Ko a tia ni bairei ni m'aakam ma nanom b'a a na karaoaki.

M'akuri 5:39

ma ngkana mairoun te Atua, ao kam bon aki kona n urua aia botaki. Tai kumeia b'a kam kaawa n noraki iai b'a kam buakana te Atua. Ao a ira nanon ana taeka Kamariera.

M'akuri 9:5

E kaeka Tauro ao e taku, “Te UEA, antai Ngkoe?” Ao E taku te UEA, “Bon Iesu Ngai ae ko b'ainikirinai,”

1.I-Korinto 10:22

Ke ti tangira ae E na un te UEA? Ti korakora riki nako Ina?

1.I-Korinto 2:16

n aron are koreaki ni kangai: “B'a antai ae ata nanon te UEA, b'a e na reireia?” Ma bon iai i roura i nanoni Kristo.

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;

Iotua 2:2

E ongo uean Ieriko b'a iai uoman aomatan Iteraera aika a roko e bong b'a a na tib'aaiakina abaia,

1.Tamuera 3:18

Ao e tuanga Eri b'aai ni kabane Tamuera. Ao i mwiina, e taku Eri, “Bon te UEA, ao E na bon karaoa te b'ai ae eti.”