Taniera 4:32 - Te B'aib'ara

³² Ao ane ko na kakioaki nako man te kaawa, ao ko na maeka ma taian man aika a moaanti, ao ko na kana te uteute n ai aron te kao i nanon itiua te ririki. Ao ane ko na kakoaua b'a iai m'aakan te Atua ae e m'aaka i aon ana tautaeka te aomata, ao E kona n anga nako ngaiia nakon temanna are E bon taku.

Taniera 4:32 ပူးပေါင်းရင်းမြစ်များ

2.Rongorongo 33:13

E kakauongo te UEA nakon ana tataro Manate ao e noora raraoman nanona, ai ngaia are, e a karaoia b'a e na okira Ierutarem ma n tautaeka kaanga te uea. Ao e ataia man te tai anne Manate ae bon te UEA te Atua.

Iobi 42:2

I ataia te UEA b'a Ko bon rangi ni m'aaka n te aro are Ko boni karaoi b'aai ni kabane ake Ko tangiri ni kan karaoi.

Iobi 9:12

E anaa te b'ai ae bon taku, ao bon akea temanna ae kona ni katokia; akea temanna ae na kataia n titirakinna ni kaangai, tera ae Ko karaoia?

Taian Areru 115:3

E mena Atuara i karawa; ni karaoa ae E bon taku.

Taian Areru 135:6

E karaoa are kukurei iai i karawa ao i aon te aba, i marawa ao n taabo aika nano i kabini marawa.

Te Otinako 8:10

Ao e taku te uea, “Ko na karaoia nakon te ingabong. Ao e kukurei iai Moote ao e kaangai, “Ngkana ko tangiria. Ao a na bane aomata n ataia b'a bon akea riki te anti ae ai aron te UEA,

Te Otinako 9:14

Bon aei te tai are N na aki ti katuaaia am mataniwi ma am aomata, ma N na bon katuaaeko naba, b'a ko aonga n ataia b'a bon akea ae ai arou n te aonnaba aei ni kabutaa.

Te Otinako 9:29

E taku Moote nako ina, “N na tabeka baiu ma n tataro nakon te UEA bon n te tai naba are ti otinako man te kaawa aei iai. E na toki te baa ao e na akea riki te karau te aiti, b'a ko aonga n ataia b'a bon ana b'ai te UEA te aonnaba.

Itaia 37:20

Ma bon ara UEA ao Atuara! Ti butiiko b'a ko na kamaiura mai roun uean Aturia. Ao ane a na ataiko iai aomata ni kabane n taian botannaomata b'a bon ti Ngkoe te UEA.

Itaia 40:15

Bon ti taian timtim n ran i nanon te b'aketi botannaomata ni kabane iroun te UEA ke te taaurouro i aon te kainikatine; bon ti te abutana te tano abam'akoro ni kabane.

Itaia 40:17

E iangoia botannaomata te Atua b'a b'aai aika akea manenaia.

Itaia 45:3

N na anganiko taiani kaub'ai aika a karabaaki n te roo ao n taabo aika a raba. Ao ane ko na ataia b'a boni Ngai te UEA ae Atuaia Iteraera, ae e a tia ni wetei ngkami n arami.

Ieremia 27:5

ae I karika te aonnaba ni m'aakau, ma aomatana, ao maan ni kabane. I baaireia b'a antai ae e na tautaekana te aonnaba,

Taniera 2:21

E taui aron taian tai ma taian aua; E kateia uea ao E kab'akaia naba; boni Ngaia ae E anga te rabakau ma te ataib'ai.

Taniera 4:31

I m'aain are e nang taetae te uea, ao e taetae te b'anaa mai karawa ni kaangai, “Te uea ae Nebukaneta ko na ongora n te b'ai ae N nang taekinna! E a anaaki m'aakan ueam mairoum.

Taniera 5:21

E kanakoaki man te kaawa, ao e a riki b'a kaanga ana iango te man. E maeka ma taian aati, e kana te uteute n ai aron te kao m'aane, ao e maeka n taabo aika a katawanang, aika akea katanana iai man te aoi. Ao n tokina ao e a kakoauaa b'a bon te Atua ae e m'aaka ae e taui aron ueaia aomata, ao E kona n anga nakon ane E bon taku.

Iotua 4:24

E na ataaki m'aakan te UEA ni baikai i rouia kaain aonnaba, ao kam na neboa te UEA ae Atuami n aki toki.”