Taniera 4:30 - Te B'aib'ara

³⁰ ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Taniera 4:30 ပူးပေါင်းရင်းမြစ်များ

Karikani B'aai 10:10

A reke ngkoa i nanon abana B'aburon, Ereka, ao Akata, a bane ni mena ni katenua i nanon B'aburon.

Etita 1:4

Ao e kaoti kaub'aina ma kakannatona i nanon te maan ae e nakon tebubua waningaun te bong.

Taian Areru 104:1

N na karaoiroa te UEA ni maiu, te UEA ae Atuau, ai kakannato ra Ngkoe! am B'ai te karineaki ma te mimitong; kanga ai aron ae Ko kunnikaiko iai.

Taian Areru 49:20

E aki kona kakannaton te aomata n tuka matena; E na mate n ai aroia naba maan.

Taian Areru 73:8

A ngareakiniia aomata tem'angina ao a atoatong taeka aika aki raraoi; A kainikatonga ao a kario iango n ribuaka b'a b'ain ekakinakoaia tem'angina.

Taeka n Rabakau 11:2

E konaa ni uotingkami te kainikatonga nakon te kamamaaeaki. E raoiroi riki ngkana kam nanorinano.

Taeka n Rabakau 16:18

E na bon uruana aromi te kamoamoa ae e bati.

Taeka n Rabakau 29:23

E uota te kamamaaeaki te kainikatonga ae e bati; e karekea te neboaki te nanorinano.

Itaia 13:19

E mimitong ao e korakora te kaawa ae e buubura ae B'aburon, kakatongaia botannaomata. Ma e na riki b'a kaanga taiani kaawa aika a buubura ake Tootom ao Komora i mwiin uruakana Irou Ngai ae te UEA.

Etekiera 29:3

Au taeka ae e kaangai: Uean Aikubita, ti te bo ngkoe ma te korokorotaire ae e wene i nanon te karaanga. Ko karaoa aron ae bon am b'ai te Naire ao ko karaoia bon i bukim. Ma ngkai I a riki b'a ami kairiribai Ngai te UEA ae te Atua!

Taniera 4:31

I m'aain are e nang taetae te uea, ao e taetae te b'anaa mai karawa ni kaangai, “Te uea ae Nebukaneta ko na ongora n te b'ai ae N nang taekinna! E a anaaki m'aakan ueam mairoum.

Ab'akuka 1:11

Ao a orea te kaawa ni kaitiakia n ai aron te ang ao i mwina a kitanna, aomata aika korakoraia bon antiia.

Ruka 14:11

B'a ane kakannatoa i bon i rouna, ao e na kamangoraki; ao ane kamangoria i bon i rouna, ao e na kakannatoaki.

Ruka 14:9

ao teuare kakao, ane na roko ma teuarei ao e na kangai nako im, “Anga am tabo nakon teuaei!” Ao ngkanne ane ko na nako ma te mamaa n tekateka n te tabo ae akea kakannatona.

1.I-Korinto 10:31

Ma ngaia aei, b'a ngkana kam am'arake ke kam moi, ke kam karaoa riki te b'ai teuana, ao kam na karaoi ni kabane i bukin neboakin te Atua.

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”

Te Kaotioti 14:8

Ao te anera temanna, ae te kauoman, e ri mwin are te moa n anera, ao e kaangai, “E a b'aka, e a b'aka B'aburon are te kaawa are kakannato, are kamoiia botannaomata ni kabaneia n ana wain, are bon nanona ae korakora ni kani wene ni bure.”

Te Kaotioti 16:19

E tabwena te kaawa are ab'ab'aki nakoni m'akoro aika tenua, ao a bane n urubekebeke taiani kaawa nako n aaba nako: ao te Atua E aki m'aninga taekani B'aburon are kakannato, ma ngaia are E anganna m'angkoni wain n unna b'a e na moi iai.

Te Kaotioti 17:5

ao e koreaki i aon ram'ana te ara ae iai nanona ae raba, ao e kaangai te ara arei: “B'ABURON AE KAKANATO, AE TINAIA KABEKAAU MA B'AIN AON TE ABA AIKA RIAI NI BATI N RIBAKI.”

Te Kaotioti 18:10

A na tei mai kiraroa, b'a a maaku ni marakina; ao a na kaangai, “Ai kaawa ra, ai kaawa ra, te kaawa are kakannato are B'aburon! are te kaawa are korakora! B'a e roko motikan taekam n te aoa ae ti teuana.”

Te Kaotioti 18:21

Ao temanna te anera ae korakora e tabeka te atibu ae ab'akin te atibu n ii b'araua, ae te atibu ae ab'ab'aki, ao e tewea nako marawa; ao e kaangai, “Ao aio aroni B'aburon, are te kaawa are kakannato: e na kab'akaki ni karurunginakoaki, ao e na aki manga noraki.