Taniera 4:3 - Te B'aib'ara

³ Ai korakorara taiani kamimii ake E kaoti te Atua nakoira! Ai m'aakara ana kakai ake E a tia ni karaoi! Bon te UEA te Atua n aki toki; E na uea n taai nako.

Taniera 4:3 ပူးပေါင်းရင်းမြစ်များ

Iobi 25:2

E m'aaka te Atua; a riai ni mimi b'aai ni kabane i matana, E kateimatoa te rau i abanueana are i karawa.

Taian Areru 104:24

Te UEA, ai batiraa am M'akuri! Ko a rabakau ra ni karaoi! A on aonnaba ni baika iai te maiu iai.

Taian Areru 105:27

A kaoti ana kanikina te Atua i Aikubita, ao a karaoi kakai naba ikekei.

Taian Areru 145:13

Akea tokin ueam, ao Ko na tautaeka n aki toki. E kakaonimaki te UEA ni kakoro bukin ana taeka; Ao E nanoanga n ana arona ni kabane.

Taian Areru 66:7

E tautaeka n aki toki ni m'akana, Ao E tatarataraiia botannaomata nako. Ke a tai teirake akana rawa ni kan aantaeka i rouna n ekianako.

Taian Areru 72:18

Kamoamoa te UEA, ae Atuan Iteraera! Ti Ngaia ae karaoi m'akuri aika kamimii aikai.

Taian Areru 77:19

Ko nakonako ri buakon naao; Ko ri nuukani kabini marawa, Ao a aki noraki m'anekam.

Taian Areru 86:10

Ko kakannato ao Ko karaoi baika kamimii; Bon ti Ngkoe te Atua.

Taian Areru 92:5

Te UEA, ai kamakuraa am M'akuri! ao ai nanora am Iango nako!

Itaia 25:1

Bon Atuau, Ngkoe, te UEA! N na neboiko i bukin karaoan b'aai aika a kamimii aika ko a tia ni baairei ma ni berita iai man taai ake ngkoa.

Itaia 28:29

E roko te ataib'ai aei mai roun te UEA ae Moan te M'aaka are iai rabakauna ae moan te korakora.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Taniera 2:2

ma ngaia are, e a kanakoa weteaia ana taan tabunea, ma ana ibonga, ma aomata aika taani b'ai, b'a a na tuangnga b'a tera are e a tia ni miia. Ao ngke a roko n tei i matan te uea,

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Taniera 4:17

Aio ana babaire te anera are e b'aina te tatauraoi. Ma ngaia are, a na bane aomata n ataia b'a E m'aaka te Atua ae moan te m'aaka i aon abanuean te aomata, ao E kona n angan ane E bon taku, n ai aroia aika rangi ni mangori.’

Taniera 7:14

E anganaki te kariaia, te karineaki, ao te m'aaka, b'a a na bane aomatan te botannaomata, reeti, ao taetae nako n toro i rouna. E na teimatoa m'aakana n aki toki, ao akea tokin ueana, ao e na bon aki kona n uruaki.

Taniera 7:27

Ao m'aakan ma korakoran taian tautaeka ni kabane n te aonnaba a na bane n anganaki ana Aomata te Atua. E na bon akea tokini m'aakan ana tautaeka, ao a na bane n toro i rouna taan tautaeka n te aonnaba ma n ongotaeka i rouna.”

I-Rom 11:33

Ai batiraa kaub'ain te Atua, ao ai nanora rabakauna ma ana atatai! Ai kangaanga ra ataakin ana moti, ao ai kangaanga ra kuneakin arona!

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

Ebera 1:8

Ma E taekina Natina ni kangai: “Ueam, te Atua, e na teimatoa n aki totoki; ao Ko na tautaeka ma te eti i aoia am aomata.

Ebera 2:4

ao te Atua E raoniia ni kakoaua n arona ni karaoi kanikina ma kamimii ma m'akuri aika m'aka ma tib'akini b'aai n tituaraoi ake mairoun te Tamnei are Raoiroi.

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”