Taniera 4:26 - Te B'aib'ara

²⁶ E tuatua te anera arei b'a e na katukaki te boto arei i nanon te tano. E nanonaki iai b'a ko kona ni manga uea riki ngkana ko kakoaua b'a E taua taekan te aonnaba aei ni kabane te Atua.

Taniera 4:26 ပူးပေါင်းရင်းမြစ်များ

Taniera 2:18

E tuangiia b'a a na tataro nakon te Atua ae Atuani karawa, b'a E na nanoangaiia mani butiia buokaia nanon te mii arei, b'a a rawa n tiringaki i rarikiia taan rabakau ake boni kaaini B'aburon.

Taniera 2:19

Ao ni bon te tairiki naba arei, ao e a kaotaki nanon te mii arei nakon Taniera n te kaotioti, ao e neboa Atuani karawa ni kaangai,

Taniera 2:37

Te uea ae ko karineaki, boni ngkoe te uea ae te kabanea ni korakora i buakoia uea. Bon Atuan karawa ae E karikiko b'a te emberoa ngkoe, ao E anganiko naba te korakora, te m'aaka ao te karineaki.

Taniera 4:15

Ma ko na koroia mai botona, ao katuka te boto i nanon te tano, ma ko na niira te boto anne ni kabaea n te biti ma te buraonti. Ao katikua i nanon te tawaana ma taian uteute, ‘Kab'aka te aoi i aon te m'aane anne, ao katikua b'a e na maeka ma taian man ma aroka.

Taniera 4:23

Ngke ko bon tabe ni mataku te uea ae ko karineaki, ao e ruo rikaaki te anera mai karawa ao e taku, ‘Korea te aroka n tiringnga, ma katuka teutana botona i nanon te tano. Niira botona ane teutana anne ni kabaea n te biti ma te buraonti, ao katikua ikanne i nanon te tawaana i buakon taian uteute. Ke e ruo te aoi i aon te m'aane anne, ao kamaekaa ikanne i buakoia maan i nanon itiua te ririki.

Taniera 4:31

I m'aain are e nang taetae te uea, ao e taetae te b'anaa mai karawa ni kaangai, “Te uea ae Nebukaneta ko na ongora n te b'ai ae N nang taekinna! E a anaaki m'aakan ueam mairoum.

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Taniera 5:20

Ma i bukina ngke e a manga kainikatonga ma n taningabono, ao n tiritiri, ao e a kam'awaki man ana kaintokanuea ao e bua nnena ni karineaki.

Taniera 5:21

E kanakoaki man te kaawa, ao e a riki b'a kaanga ana iango te man. E maeka ma taian aati, e kana te uteute n ai aron te kao m'aane, ao e maeka n taabo aika a katawanang, aika akea katanana iai man te aoi. Ao n tokina ao e a kakoauaa b'a bon te Atua ae e m'aaka ae e taui aron ueaia aomata, ao E kona n anga nakon ane E bon taku.

Mataio 21:20

Ngke a noria ana reirei, ao a mimi, ao a taku, “E kanga ngkai e a waetata naba n rai te biku?”

Mataio 5:34

Ma Ngai I taku nako imi, Tai tuea naba teutana. Tai m'anewea arani karawa ngkana ko tuea, b'a nnen te Atua ae tautaeka iai;

Ruka 15:18

N na tei rake, ao N na nako n tamau, ao N na kangai nako ina, ‘I a tia ni bure nakon Teuare i karawa ao nako im;

Ruka 15:21

E taku te nati nako ina, “Tamau, I a tia ni bure nakon Teuare i karawa ao nako im; I aki tau b'a N na atongaki b'a natim.”