Taniera 4:18 - Te B'aib'ara

¹⁸ E taku te uea are Nebukaneta, Anne te mii are I noria. Beretiata, tuangai nanona. Bon akea temanna i buakoia au taan rabakau ae e kona n tuangai nanona, ma ko konaa ngkoe, b'a a mena tamneia atua ake a tabu iroum.

Taniera 4:18 ပူးပေါင်းရင်းမြစ်များ

Karikani B'aai 40:12

Ao e taku Ioteb'a, “Aio nanon miim: m'angana akana tennai bon boong aika tenibong.

Karikani B'aai 41:15

Ao e taku te uea nako ina, “I a tia ni mii, ao bon akea temanna ae kona ni kab'ara nanona. Ao I kaongoaki b'a ko kona ni kab'ara nanon taiani mii.”

Karikani B'aai 41:8

Ao e a raraoma ngke a ingabong, ao e a weteia taan tabunea ni kabane ao mm'aane naba ni kabane aika taan rabakau i aon Aikubita. E tuangiia miina, ma bon akea temanna ae kona ni kab'ara nanon miina nako ina.

Itaia 19:3

“E na anaaki ninikorian Aikubita ngkana I kamangaoi aia babaaire nako. Ane a na kataia n titirakiniia aia bouannanti b'a tera ae a riai ni karaoia, ao mairouia tamneia ake a tia ni mate, ao mairouia naba taani kaiwa.

Taniera 1:20

E ngae ngkana e titirakiniia te uea n taian titiraki aika a kangaanga ke baika a matoatoa, ao a atai booia ni kabane, tebwina te tai rakan aia ataib'ai nakoia taani mamata, ma taan tabunea tabem'aang i nanon abanueana arei ni kabutaa.

Taniera 2:38

E a tia ni karikiko b'a te tia tautaeka n taabo nako aika iai kaaina n te aonnaba, ao te tia tautaeka i aoia man aika kawakawa ma mannikiba. Boni ngkoe te atu are te koora.

Taniera 2:7

Ao a manga kaeka naba nakon te uea ni kaangai, “Te uea ae ko karineaki, ngkana ko bon tuangiira te mii anne, ao ti a tib'a kona ngkanne ni kab'araa.”

Taniera 5:15

A karinaki taani iango ao taan tabunea b'a a na wareka te koroboki, ao a na tuangai nanona, ma a bon aki kona ni kunea nanona.

Taniera 5:8

Ao a bane n roko ana taani iango te uea ma bon akea temanna ae e kona ni wareka te koroboki arei, ke n tuanga te uea nanona.

Amota 3:7

E na bon aki karaoa te b'ai teuana te Uea ae te UEA ngkana e tuai kaota moa nanona ae e raba nakoia ana toro aika burabeti.