Taniera 4:14 - Te B'aib'ara

¹⁴ Ao e kanenea b'anaana man taku, “Korea te aroka ni kab'aka, ao erei m'aangana nako; ioi baana, ao kamrarai uaana. Kanakoia man aika kawakawa mai aana, ao mannikiba mai aon m'aangana nako.

Taniera 4:14 ပူးပေါင်းရင်းမြစ်များ

Iobi 24:20

E na bon aki ururingnga naba are bon oin tinana. E na kanaki i rouia ino ma ni kamaunaaki n ai aron te aroka ae einako ni b'aka.

Ieremia 27:5

ae I karika te aonnaba ni m'aakau, ma aomatana, ao maan ni kabane. I baaireia b'a antai ae e na tautaekana te aonnaba,

Ieremia 51:6

Otinako mai B'aburon! Biri n rawei maiumi! Kam na mate, ngkana kam tiku ngkana I kaoka te kai nakon te kaawa aei ma ni katuaaea i bukin ana bure nako.

Ieremia 51:9

Ao a kaeka ianena ni kaangai, “Ti a tia ni kataia ni b'ainaorakiia ikoakin nako B'aburon, ma a bon aki buokaki. Nako mai, ti a okiri mwengara n oin abara nako. Bon akea te b'ai ae e tiku i B'aburon; a bane n uruaki b'aai nako.”

Etekiera 31:10

Uean Aikubita, kakauongo ngkai nakon te b'ai ae I taekinna Ngai ae te UEA ae te Atua, i bukin te aroka anne: E rikirake n rietaata te kai anne n roota karawa ao e rikirake ni kamoamoa ma ni kainikatonga.

Taniera 2:21

E taui aron taian tai ma taian aua; E kateia uea ao E kab'akaia naba; boni Ngaia ae E anga te rabakau ma te ataib'ai.

Taniera 3:4

ao e nako te taeka n te b'anaa ae e korakora ae e kangai, “Ngkami aika aomatan aaba nako, ma reeti nako, ao taetae nako!

Taniera 4:12

A manguroroo baana ao e katine uaana aika a m'aiti aika a tau i bukini kanaia kaain te aonnaba ni kabane. A maeka maan aika aki manana i aan nuuna, ao a bane ni maiu b'aai nako aika a maiu ni uaana.

Taniera 4:23

Ngke ko bon tabe ni mataku te uea ae ko karineaki, ao e ruo rikaaki te anera mai karawa ao e taku, ‘Korea te aroka n tiringnga, ma katuka teutana botona i nanon te tano. Niira botona ane teutana anne ni kabaea n te biti ma te buraonti, ao katikua ikanne i nanon te tawaana i buakon taian uteute. Ke e ruo te aoi i aon te m'aane anne, ao kamaekaa ikanne i buakoia maan i nanon itiua te ririki.

Taniera 4:29

Tebwi ma uoua te nam'akaina i mwiina, ao e tabe n nakonako ni katobibi i taubukin ana bareti i B'aburon,

Taniera 5:20

Ma i bukina ngke e a manga kainikatonga ma n taningabono, ao n tiritiri, ao e a kam'awaki man ana kaintokanuea ao e bua nnena ni karineaki.

Taniera 5:21

E kanakoaki man te kaawa, ao e a riki b'a kaanga ana iango te man. E maeka ma taian aati, e kana te uteute n ai aron te kao m'aane, ao e maeka n taabo aika a katawanang, aika akea katanana iai man te aoi. Ao n tokina ao e a kakoauaa b'a bon te Atua ae e m'aaka ae e taui aron ueaia aomata, ao E kona n anga nakon ane E bon taku.

Mataio 3:10

Ao e tauraoi ngkai te angaraa ni korei kaai mani wakaaia; te kai are aki kariki uaa aika raraoi, e na koreaki ni kab'akaki, ao e na teweaki nako nanon te ai.

Mataio 7:19

Kaai nako aika aki kariki uaa aika raraoi, a koreaki ao a teweaki nako n te ai.

Ruka 3:9

E kaweneaki ngkai te angaraa i rarikini wakaani kaai; b'a te kai ae aki kariki uaa aika raraoi ao e na koreaki n teweaki nako nanon te ai.”

Te Kaotioti 10:3

Ao e taetae n te b'anaa ae korakora, n ai aron te raian ngkana e bekorara; ao ngke e taetae ao a rebwe baa ake itiua ni kaekaa.

Te Kaotioti 18:2

Ao e taetae n te b'ana ae korakora, ao e kaangai, “E a b'aka B'aburon are kakannato! e a b'aka ao e riki b'a neia ni maeka taimonio. Ao neia ni kabureaki tamnei aika kam'ara ni kabaneia, Ao neia ni kainaki maan aika ribaki ni kabaneia.