Taniera 3:28 - Te B'aib'ara

²⁸ Ao e taku te uea, “Neboa Atuaia Tiateraka ma Metiaka ao Abeteneko! E a tia ni kanakoa ana anera ni kamaiuia Ana aomata aika a toro i rouna ma ni kakoaua. A kukurei n anga riki rab'ataia nakon te kamateaki nakon ae a na bobaraaki n taromauria te anti temanna i rarikin Atuaia.

Taniera 3:28 ပူးပေါင်းရင်းမြစ်များ

Karikani B'aai 9:26

Nebonebo nakon te UEA, ae Atuan Tem. E na riki b'a ana toro Tem.

1.Rongorongo 5:20

Ni katoa nako ia tautia aikai ni buakaniia aia kairiribai, ao a aki toki n taatataro nakon te Atua ma n onimakinna b'a E na buokiia. Ao bon anne bukin totokanikaia baronga aika Reuben, Kata, ao Manate Mainiku i aoia kaain Akera ma taani buokiia.

2.Rongorongo 20:20

N te moan ingabong are i mwiina, ngke a katauraoi aomata nako b'a a na nakon te rereua are i rarikin Tekoa, ao e teirake Ieotiab'ata ao e taku, “Kam na ongora raoraou nako, ngkana ti kakoauaa te UEA ae te Atua ma n onimakinna ni b'aai ni kabane aika a taekin taian burabeti aikai nakoira, ao E na buokira te UEA, ao ti na bon tokanikai.”

2.Rongorongo 32:21

ao E kanakoa te anera are e tiringiia tautia ma mataniwiin ana taanga ni buaka Aturia ni kabane ake n aia kaemb'a. Ao e okirikaaki Tennakeriba nako Aturia, ao e rangi ni b'ainrang. Ao n te bong teuana e nako n rin n ana Tembora antina ao e a tiringaki naba iai irouia natina m'aane tabeman.

Etira 1:3

E na boni kaawakiniia ana Aomata ma ni kakorakoraia ake a tangiria n okira Ierutarem ni buoka manga karaoan te Tembora.

Etira 6:11

Ngkana iai i buakomi ae e aki ongotaeka nakon au taeka aikai, ao e na anaaki te tatanga te kai man am auti ao e na kakangiaki tabona teuana. Ao i mwiina, e na ewaraki nako ri nanon rab'atam, ao e na kab'akaaki am auti ao e na karikaki b'a te nne ni maange.

Taian Areru 103:20

Karaoiroa te UEA, ngkami aika anera aika kam korakora, Aika kam ongeaba nakon ana taeka ao kam ongora n te bae E taekinna.

Taian Areru 147:11

Ma E anaaki nanona irouia akana karinea, akana onimakina ana Tangira ae Teimatoa.

Taian Areru 33:18

Ma te UEA, E tatarataraiia akana karinea, Akana onimakina ana tangira ae teimatoa.

Taian Areru 33:21

A kim'areirei nanora i rouna, B'a kioina ngkai ti onimakina arana ae tabu.

Taian Areru 34:22

E na kamaiuia ana Aomata te UEA, Ao a na aki kabuakakaaki akana kamanoia i rouna.

Taian Areru 62:8

Kam na onimakina te Atua n taai nako, ngkami aika au aomata. Tai toki n tuangnga ami kangaanga ni kabane, b'a Ngaia nera ae ti rau raoi iai.

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Taniera 2:47

E taku te uea, “Bon te kabanea ni korakora Atuam i aoia atua ni kabane, ao te UEA i aoia uea, ao boni Ngaia ae E kaoti taiani kaotioti. I ataa aei i bukina ngke ko kona ni kab'ara nanon te kaotioti aei.”

Taniera 3:25

Ao e kaekaia ni kaangai, “Ma e aera ngkai I nooriia aman te m'aane n nakonako i nuukan te ai? Kai a b'ara kabaeaia, ao a aki bue, ao kaanga e taraa n anera teuare te kaaman.”

Taniera 4:34

E taku te uea, “Ngke e a koro itiua te ririki, ao I tararake nako karawa, ao e oki nanou. I neboa te Atua ae e m'aaka, ao I anga te karinerine ma te kamoamoa nakon teuae E maiu n aki toki. “E na tautaeka n aki toki, ao akea tokin ueana.”

Taniera 6:16

Ma ngaia are, e a anga ana taeka te uea i bukin Taniera b'a e na karenakoaki i nanon te m'anono are e kanoaaki irouia raian. Ao e taku nakon Taniera, “E bia kamaiuko Atuam ane ko toro i rouna ma te kakaonimaki.”

Taniera 6:26

Au kaetieti nakoimi ni kabane kaain au tautaeka b'a kam na bane ni maaka ao ni karinea Atuan Taniera.

Mataio 4:10

E taku ngkanne Iesu nako ina, “Naako akuu, Tatan! B'a e koreaki ae kangai, ‘Ko na taromauria te UEA ae Atuam, ao ko na toro i Rouna n ti Ngaia!’ ”

M'akuri 4:19

Ma e kaekaia Betero ma Ioane ni kaangai, “Kam na karekei ami iango b'a e nga ae e raoiroi riki i matan te Atua: iran nanomi ke iran nanon te Atua;

M'akuri 5:19

Ma ngke e a bong, ao e kauki mataroan nako te karabuuti ana anera te UEA, ao e kaotinakoia, ao e taku nakoia,

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

1.I-Korinto 13:3

Ao ngkana I anga nako au b'ai ni kabane, ao I anga rab'atau b'a e na kabuokaki, ma akea te tangira i rou, ao bon akea te bae e raka ae N na karekea iai.

I-Biribi 1:20

n ai aron nanou ae korakora ma au kaantaninga b'a N na aki mamaa n te b'ai teuana, ma N na rangi n ninikoria n taetae n ai aron aroarou n taai nako ao ngkai naba, ni kaota neboakini Kristo n rab'atau, tao ni maiu ke ni mateu.

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?

Ebera 11:37

A karebanaki n atibu, a kaririaki, a korouaki n taao, a kamateaki n te kabaang, a tiotio nako ni kunnikaiia ni kunnikai aika karaoaki mani kuniia tiibu ma kooti. Akea aia b'ai, a kamarakaki, a b'ainikirinaki;

1.Betero 1:21

ngkami akana kam onimakina te Atua i rouna, ae E a manga kamaiua mai buakoia maate, ao E anganna te neboaki; b'a a aonga n tiku ami onimaki ma ami kaantaninga iroun te Atua.

Te Kaotioti 12:11

Ao a kataea ana kai n raraan te Tiibuteteei ao n te koaua are a tataekinna; ao a kukurei n anga maiuia ma ni mate naba.