Taniera 3:27 - Te B'aib'ara

²⁷ Ao a bane ni ikotaki ana aobitia te uea ma ana kowana, ao mataniwiin ana taanga ni buaka b'a a na nooriia m'aane ake teniman. E aki bue iran atuia naba teaina ma kunnikaia, ao bon akea naba te buaiai i aon rab'ataia.

Taniera 3:27 ပူးပေါင်းရင်းမြစ်များ

1.Uea 13:28

ao e a m'ananga. Ao e a noora rab'atana ni mate i nanon te kawai ma te aati ao te raian aika a teitei ikekei. E aki kana rab'atan te burabeti arei te raian ke n tiringa te aati.

2.Uea 19:19

Ma boni ngkoe ara UEA ao Atuara. Ti bubutiiko b'a ko na kamaiura mairoun uean Aturia. Ao ane a na ataiko iai aomata n taian abanuea ni kabane n te aonnaba ae bon ti ngkoe te Atua.

Taian Areru 83:18

A na ataiko b'a Ngkoe ae te UEA, bon ti Ngkoe ae Moan te Rietaata i aonnaba ni kabane!

Itaia 26:11

E mwemwe baim ao e tauraoi ni katuaaia, ma a aki nooria. Kamamaaia! Kaota korakoran nanom ni kaawakiniira ao karenakoia nako nanon te ai are a na kabuokaki iai am kairiribai nako.

Itaia 43:2

Ngkana ko ri nanon te iabuti, ao I memena iroum, ao ko na aki b'ab'a. Ngkana ko ri buakon te ai, ko na aki bue ke ni maraki ni kabuebuena.

Taniera 3:21

Ma ngaia are, a kabaeia naba ma b'aiia ake i aoia, aia kabaraaki ma niiniiraia, ma b'araia, ao b'aai ni kabane, ao a karenakoia nako nanon te ai are e ura m'aaka.

Taniera 6:23

E rangi ni kukurei te uea, ao e tua b'a e na katikakirake Taniera mai i nanon te b'angab'anga. Ma ngaia are, a katikia ni waerake ao a nooria b'a bon akea ikoakina teutana, b'a e onimakina te Atua.

Taniera 6:7

A bane ni bo nanora ngaira aika ti tararua am tautaeka, aobitia aika a rietaata, taani kairiiri, taan iango, ao koowana, b'a ko na karaoa te tua teuana ae e matoatoa. Ko na tua b'a akea temanna ae e na bubutiia te anti temanna ke te aomata temanna i nanon te maan ae tenibwi te bong ma ti ngkoe. Ao ane e ri aon te tua anne, ao e na karenakoaki i nanon ooia raian.

Mataio 10:30

Ao ae e a moamoa riki, a bane ni warekaki iran atuumi.

M'akuri 26:26

B'a te uea ae I taetae nakoina n aki wii makiki e atai taekani baikai; b'a I taku b'a akea te b'ai teuana n aikai ae karabaki nakoina, b'a e aki karabaki te baei ni karaoaki n te tabo ae e na aki noraki iai.”

M'akuri 27:34

Ma ngaia ae I butingkami b'a kam na am'arake, b'a ngaia maiumi; b'a bon akea temanna i buakomi ae e na bua maiuna.”

Ebera 11:34

a katoka korakoran uran te ai, a rawei maiuia man te tiringaki n te kabaang, a kakorakoraki ngkana a mamara, a riki n ninikoria n te buaka, ao a katae aia kai aia taanga n tautia I-anena;