Taniera 3:25 - Te B'aib'ara

²⁵ Ao e kaekaia ni kaangai, “Ma e aera ngkai I nooriia aman te m'aane n nakonako i nuukan te ai? Kai a b'ara kabaeaia, ao a aki bue, ao kaanga e taraa n anera teuare te kaaman.”

Taniera 3:25 ပူးပေါင်းရင်းမြစ်များ

Iobi 1:6

Ao ngke e a roko te bong are a na bootaki iai kaaini karawa i matan te Atua, ao e mena naba Tatan i buakoia.

Iobi 38:7

A ikotaki n anene itoi ni karangainan te bong arei, ao a takaarua ni kukurei b'ain karawa.

Iobi 5:19

E na kamaiuko te Atua man te b'ai ae kamamate n te tai teuana ma teuana.

Taian Areru 34:7

A kakawakinaki akana karinea te UEA iroun ana anera, Ao e kamaiuia man taiani kaangaanga.

Taeka n Rabakau 30:4

A tia ni waerake tabeman nako karawa mani manga ruorikaaki? Iai ae e a tia n rawea te ang i nanoni baina? Iai ae e a tia ni batiana taari ke ni kanikinaai taian tia n te aonnaba? Ngkana iai ae ko ataia b'a e a tia ni karaoi baikai, ao anganai araia ao aran natiia.

Itaia 43:2

Ngkana ko ri nanon te iabuti, ao I memena iroum, ao ko na aki b'ab'a. Ngkana ko ri buakon te ai, ko na aki bue ke ni maraki ni kabuebuena.

Ieremia 1:19

Ane a na buakaniko ma a na aki tokanikai. Bon aei au taeka Ngai ae te UEA A na bon aki konaa n tiringko.

Ieremia 1:8

I berita b'a N na mena iroum ao ni kaawakiniko, ma ngaia are, ko na aki maaku.”

Ieremia 15:21

ngkana a buakaniko. Bon aei au taeka Ngai ae te UEA.

Taniera 3:18

E ngae ngke e aki naba kamaiura, ma ti na bon teimatoa naba n aki taromauria antim, ao ti na bon aki naba bobaraaki nakon te bouananti te koora are ko kateia.”

Taniera 3:24

Ao e kuba n teirake Nebukaneta ma te miroaroa, ao e titirakiniia ana aobitia ni kaangai, “Tiaki ti boni kabaeia teniman te aomata ma ni karenakoia i nanon te ai are e ura m'aaka? Eng, ti boni karaoa anne te uea ae ko karineaki.”

Taniera 3:28

Ao e taku te uea, “Neboa Atuaia Tiateraka ma Metiaka ao Abeteneko! E a tia ni kanakoa ana anera ni kamaiuia Ana aomata aika a toro i rouna ma ni kakoaua. A kukurei n anga riki rab'ataia nakon te kamateaki nakon ae a na bobaraaki n taromauria te anti temanna i rarikin Atuaia.

Taniera 6:23

E rangi ni kukurei te uea, ao e tua b'a e na katikakirake Taniera mai i nanon te b'angab'anga. Ma ngaia are, a katikia ni waerake ao a nooria b'a bon akea ikoakina teutana, b'a e onimakina te Atua.

Mareko 16:18

ane a na tabekia naeta; ao ngkana a moi n te b'ai ae kamamate ao a na aki rotaki iai; a na kaaki baiia i aoia aoraki ao ane e na reke i rouia te marurung.

Ruka 1:35

E taku te anera nako ina, “Ane E na ruoniko te Tamnei are Raoiroi, ao ane e na rabuniko m'aakan te Atua are Moan te Rietaata; ma ngaia are te teei ane na bungiaki, E na atongaki b'a Raoiroi, ae Natin te Atua.

M'akuri 28:5

E ioa nako te man arei B'auro mai baina nako nanon te ai, ao akea marakina i mwina.

I-Rom 1:4

ma ni maiuna n tamnei are reitaki ma te Atua, ao E kaotia te Atua n te aro ae m'aaka b'a bon Natina ngke E a manga kamaiua mai buakoia maate.

1.Betero 3:13

Ao antai ae na kaikoakingkami ngkana a korakora nanomi ni kani karaoa ae e raoiroi?