Taniera 3:19 - Te B'aib'ara

¹⁹ Ao e a rangi ni maraki nanon Nebukaneta, ao e a ura moana n un irouia Tiateraka, Metiaka ao Abeteneko. Ma ngaia are, e kanakoa ana taeka b'a e na kauraaki te ai ae itiua te tai kabuebuena nakon are boni kabuebuen ae e tataneiai te aba iai.

Taniera 3:19 ပူးပေါင်းရင်းမြစ်များ

Karikani B'aai 31:2

E nooria Iakob'a b'a e aki raoiroi aron Raab'an n aron are mai m'aaina.

Etita 3:5

Ao e un Aaman ngke e ataia b'a ngaia e rawa Moretekai ni katorobubua ma ni boobaraaki nakoina,

Etita 7:7

Ao e teirake te uea i bukin marakin nanona, e kiitana te ru arei, ao e otinako nakon nnenarokan te bareti. E kakoauaa raoi Aaman b'a te uea e na bon katuaaea i bukin te b'ai aei. Ma ngaia are, e tiku i rarikin te ueanaine ni buubutiia b'a e na kamaiua.

Taian Areru 76:10

Ko karikiia aomata aika unun b'a a na kabatia riki kamoamoaam; ao naake a kamaiuaki n te buaka ana kateimatoa am toa.

Taeka n Rabakau 16:14

E konaa n tiringko te tia tautaeka ae e unun. Ma ngaia ae kam na kawanawanai ngkami. Kam na aki kauna temanna.

Taeka n Rabakau 21:24

Ngkana kam kainikatonga ao kam kamoamoa, ao ane a na atongko aomata ni kaangai, “Te kakan rietaata!”

Itaia 51:23

Ma I a anga nakoia am kairiribai nako, ake a karikiko b'a te baareka ma n toubekaiko.”

Taniera 2:12

Ao e rangi n un te uea i bukin anne, ao e tua naba ngkekei b'a a na bane n tiringaki ana taan rabakau ake i aoni B'aburon.

Taniera 3:13

Ao e rangi n un te uea n te b'ai arei, ao e kanaanako b'a a na kawaekoaaki uake teniman akekei nako matana.

Taniera 3:20

Ao e tuangiia ana tautia ake kabanea n ninikoria mai buakoia ana taanga b'a a na kabaeia m'aane ake teniman akekei, ma ni karenakoia nako nanon te ai are e ura m'aaka.

Taniera 5:6

E mainarake te uea ao e rangi ni maaku n te aro are a ruru waena.

Taniera 6:24

Ao e a manga anga ana taeka te uea b'a a na katikaki te koraki ake a kabuakaka Taniera, ao e karenakoia nako nanon te b'angab'anga are nneia raian, n ikotaki ma buuia ma natiia. A kaman raweaki rab'ataia man raebitiaki irouia raian i m'aain rokoia i aontano.

Nakoaia Ibonga 26:18

I mwina, ngkana kam bon teimatoa naba ni bonotaninga i Rou, ao N na katuaaingkami itiua te tai i bukin teuana ami bure,

Nakoaia Ibonga 26:21

Ngkana kam teimatoa n eekinakoai, ao N na katuaaingkami itiua te tai matoatoan aron kakatuaean ami bure.

Nakoaia Ibonga 26:24

ao N na teimatoa naba n riki b'a ami kairiribai n te aro ae korakora riki.

Nakoaia Ibonga 26:28

ao ikanne are I a boni karokoi naba ami bong i bukin ami bure.

M'akuri 5:33

Ao ngke a ongo arei, ao a rangi ni maraki nanoia, ao a iangoa aroni kamateaia.

M'akuri 7:54

Ngke a ongo taeka akekei kaain te Tanirim, ao a tenai bukini m'angaia b'a a rangi n un iroun Tetebano.