Taniera 3:1 - Te B'aib'ara

¹ Ana baaire Nebukaneta b'a a na bane aomata n taromauria te bouananti te koora. E karaoa te bouananti ae te koora te uea are Nebukaneta, ae 27 te miita rietana, ao e kaan 3 te miita rababana, ao e kateia n te tabo ae e aoraoi i Rura n te burawinti are B'aburon.

Taniera 3:1 ပူးပေါင်းရင်းမြစ်များ

1.Uea 12:28

Ao e bubutiia taan iango b'a a na buokia n tuanga arona, ao i mwiina, e a karaoi uoua taiani kaoteteei aika koora. E kaoti nakoia aomata ao e taku, “Kakauongo aomata ni kabane. Kam a riai n aki manga nako Ierutarem n taromauri. Ao aikai atuami ake a kamaiungkami mai Aikubita.”

Etita 1:1

Aio te bae e riki n ana tai Keatiti, te Keatiti are e tautaeka i aon 127 te aono i aon Inria n toki i Kuuti:

Taian Areru 135:15

A karaoaki atuaia botannaomata n taian tirewa ma koora; A karaoaki ni baiia aomata.

Te Otinako 20:23

Kam na aki karaoa atuami man te tirewa, ke te koora, b'a kam na manga taromauriia i rarikiu.

Te Otinako 32:31

Ao e okirikaaki Moote nakon te UEA ao e taku, “A tia aomata ni karaoa te bure ae rangi ni kakamaaku. A tia ni karaoa te koora b'a te bouannanti are e na riki b'a antiia.

Itaia 2:20

Ao n te bong arei ao a na karenakoi aia bouannanti aomata ni kabane, aia bouannanti ake a karaoaki n te tirewa ma te koora i bukin te taromauri.

Itaia 30:22

Ao ane kam karaoia ami bouannanti ake taian tirewa ma koora kaanga taian turam ni maange; kam na karenakoia kaanga taian uraeki ae e a kam'araa.

Itaia 46:6

Tabem'aang aomata a kabooia taani karaobiti ao a anga taian tirewa ao taiani koora b'a e na karaoaki mai iai te bouannanti b'a a na taromauria.

Ieremia 10:9

A karaoaki taian bouannanti irouia aomata. E korobanna te kai te tia korobanna. E amana kooran Ubati ke te tirewa mai Taretiti te tia m'akuri n te biti b'a rabunana. Ao i mwiina, e kunnikaiaki te bouannanti n te kunnikai ae e buru ma ni beebo.

Ieremia 16:20

Taiani bouannanti aika a karaoaki a karaoaki ni bain te aomata.”

Taniera 2:48

Ao i mwiin anne, ao e angan Taniera nnena ae moan te rietaata, ao e anganna naba b'aai n tangira aika a rangi ni kakaawaki, ao ni ikotaki ma te burawinti are B'aburon b'a e na taua taekana, ao n riki naba b'a te mataniwi i aoia taan rabakau ni kabane i aoni B'aburon.

Taniera 2:49

Ao e bubuti Taniera nakon te uea i bukiia raona akekei, ao te uea e rinea Tiateraka, Metiaka ao Abeteneko b'a taan taua taekan te burawinti are B'aburon, ao Taniera b'a ana tia iango te uea.

Taniera 3:14

Ao e taku nakoia, “Tiateraka, Metiaka, ao Abeteneko, e boni koaua b'a kam rawa n taromauria antiu, ke ni bobaraaki nakon te bouananti are te koora are I kateia?

Taniera 3:30

Ao te uea e a manga karikirakeaia riki Tiateraka, Metiaka ao Abeteneko nakoni nneia aika a rietaata n te burawinti are B'aburon.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Taniera 5:4

ao a neboa te anti are e karaoaki man te koora, ma te tirewa, ma te buraonti, ma te biti, ma te kai, ao te atiibu.

Otea 2:8

E bon aki ataia b'a bon taiani b'aintangira mairou ana uita, te wain ao b'aan te oriwa, kaanga taian koora ma tirewa ake e kamanenai n taromaurian B'aara.

Otea 8:4

Kam rineia taiani uea ma taan kairiiri ao kam aki moa kaetai; Kam karaoi taian bouannanti man te tirewa ma te koora ake a karika b'akami.

Ab'akuka 2:19

Ko na b'aka b'a ko kaangai nakon te m'akoro ni kai, “Uti!” ke nakon te m'akoro n atibu, “teirake!” E kona ni kaoti b'aai te bouannanti nakoim? E tii kabiraki aona n te tirewa ma te koora ma bon akea te maiu i nanona.

M'akuri 17:29

Ma ngaia aei, b'a ngkai ti riki mairoun te Atua ao e aki riai b'a ti na taku i nanora b'a te koora arona n Atua, ke te tirewa, ke te atibu, are karaoaki b'a katotongana iroun te aomata ae rangi n rabakau ni m'akuri n tabonibaina, man ana iango.

M'akuri 19:26

Ao kam noria, ao kam ongo, b'a tiaki ti i Ebeto ae e kairoroia ma n anai nanoia iai aomata teuare B'auro, ma e kuri ni kabuta aon Atia, n taku b'a tiaki atua baika karaoaki ni baiia aomata.

Te Tua-Kaua 7:25

Ngkana kam tia ni kataenikaia te botannaomata teuana, kam na kabuoki aia bouananti. Kam na aki m'aane n tangiri taian tirewa ma koora akana nim i aon taiani bouananti. B'a e aki kukurei iai te UEA, ni moa man te m'akoro ni biti ae nim i aon te bouananti,

Te Kaotioti 9:20

Ao aomata ake tabem'aang, ake a aki kamateaki ni baike a kamamate, a aki rairaki ni kitani baike a karaoi n oini baiia, b'a a aonga n toki man aroia n taromauriia taimonio, ma bouananti aika koora ma aika tirewa ma aika buraati ma aika atibu ma aika kaai aika aki kona te noraba, ma te ongo, ma te nakonako;