Taniera 2:7 - Te B'aib'ara

⁷ Ao a manga kaeka naba nakon te uea ni kaangai, “Te uea ae ko karineaki, ngkana ko bon tuangiira te mii anne, ao ti a tib'a kona ngkanne ni kab'araa.”

Taniera 2:7 ပူးပေါင်းရင်းမြစ်များ

Te Minita 10:4

Tai kaaki am m'akuri ngkana e un am mataniwi. E na kab'araaki am bure ngkana ko tiku n aki kakarongoa.

Taniera 2:4

Ao a kaekaa te uea n te taetae n Aram'aika, “Te uea ae ko karineaki, ko na maiu n aki tootoki! Karakina miim nakoira b'a ti na kab'araa nanona nakoim.”

Taniera 2:8

Ao e taku te uea, “Ngaia are I taku! Kam kataia ngkai ni karerekea angami, i bukina b'a kam ataia ae I a tia ni baaireia i nanou

Taniera 2:9

b'a N na katuuaingkami ngkana kam aki kona n tuangai b'a tera te mii arei. Kam a tia ni kabooi nanomi b'a kam na kabanetai n ami taetae ni kewe, b'a kam taku i nanomi b'a e na bae ni bitaki baairean taekamii ngkana e maan riki te tai. Tuangai b'a tera te mii arei, ao I a kona n ataia iai b'a kam kona naba n tuangai nanona.”

Taniera 4:7

Ao i mwiina, a bane ni karinaki i nanon te bareti taan tabunea, ma ibonga, ao taani borau, ao I tuangiia miiu arei, ma a bon aki kona ni kab'ara nanona nako iu.