Taniera 2:5 - Te B'aib'ara

⁵ Ao e taku te uea nakoia, “I a tia ni baaireia i nanou b'a kam na tuangai b'a tera te mii anne, ao kam na kab'araa naba nanona. Ngkana kam aki konaa, ao N na tua b'a kam na raebitiaki, ao N na karikii ami auti b'a taian b'ariko ni maange.

Taniera 2:5 ပူးပေါင်းရင်းမြစ်များ

2.Uea 10:27

ao a kamaerikirikia, ao i mwiina, a urubekea temboran B'aara n akea naba nikirana teutana. Ao man te tai arei, e a riki b'a te b'ai ae akea bonganana b'a e a riki b'a aia kainakotaari aomata.

Etira 6:11

Ngkana iai i buakomi ae e aki ongotaeka nakon au taeka aikai, ao e na anaaki te tatanga te kai man am auti ao e na kakangiaki tabona teuana. Ao i mwiina, e na ewaraki nako ri nanon rab'atam, ao e na kab'akaaki am auti ao e na karikaki b'a te nne ni maange.

Taian Areru 50:22

Ngkami akana kam m'am'anuoka taekau, Kam na ongora n aio b'a I kaawa n raebitingkami, ao akea ae na kamaiungkami:

Taian Areru 58:7

A bia mauna nako n ai aron te ran ae raanga nako; A bia kamanatuaki n ai aroia uteute aika mena i nanon te kawai.

Taniera 2:12

Ao e rangi n un te uea i bukin anne, ao e tua naba ngkekei b'a a na bane n tiringaki ana taan rabakau ake i aoni B'aburon.

Taniera 3:29

Ma ngaia are, I aki manga kariaia te botannaomata, ke te reeti, ke te taetae teuana b'a e na taetae n aki akaaka nakon Atuaia Tiateraka, Metiaka ao Abeteneko. Akana a karaoa anne, a na korokoreaki rab'ataia ni kauarerekeaki, ao a na uruakaki aia auti. Bon akea te Atua riki temanna ae e kona ni kakamaiu n aron aei.”

Taniera 4:9

Beretiata ae mataniwiia taani mamata, I ataia b'a e mena taamnein te Atua ae e tabu i nanom, are ko kona iai n atai taiani kamimii. Ao aio miiu. Tuangai b'a tera nanona.

Te Tua-Kaua 13:16

Booti aia b'ai ni kabane aomata ake a maeka ikekei, ao katabukirakei n taian tabo ni kabob'ai, ao bon akea teuana ae kam na anaia mai iai, ao kabuoki aia b'ariko ni b'ai akanne ma te kaawa anne ni kabane, ao kam na aki manga katea te kaawa anne. E na riki te kaawa anne b'a te karea nakon te UEA ae Atuami aika eti. Ao E na toki unin iai te UEA nakoimi, ao E na nanoangaingkami, ao E na katetekeraoingkami, n aron are E berita iai nakoia ami bakatibu.

Iotua 6:26

Ao e anga ana taeka ni bau Iotua ae kaangai, “E na kamaraiaa te aomata te UEA ane e a manga kataia ni katea Ieriko. E na mate ana karimoa ae te m'aane te aomata ane e a manga kataia ni kawenea aan te kaawa aei; ao e na bua ana bina te aomata ane e karaoa te mataroa.”

1.Tamuera 15:33

Ma e taku Tamuera, “Akaaka, ko a tia n anaiia ataei aika uarereke mani baiia tinaia ao ko tiringiia. Ao ngkai akea natiia tiina.” Ao i mwina, e anaa Akaaka Tamuera ao e korobitiia ni kauarerekea n te tabo n taromauri are i Kirekara.