Taniera 2:49 - Te B'aib'ara

⁴⁹ Ao e bubuti Taniera nakon te uea i bukiia raona akekei, ao te uea e rinea Tiateraka, Metiaka ao Abeteneko b'a taan taua taekan te burawinti are B'aburon, ao Taniera b'a ana tia iango te uea.

Taniera 2:49 ပူးပေါင်းရင်းမြစ်များ

Etita 2:19

Ao i mwiin tabeua te tai, ao e a rineaki Moretekai iroun te uea b'a mataniwiin te bareti temanna.

Etita 2:21

Ao n te tai are e reke iai ana m'akuri Moretekai n te bareti, ao a riki iai Biketan ma Tereti ake taian iunaki, ake a tararua mataroan ana ru te uea b'a ana kairiribai te uea are Keatiti, ao a tabe ni iaiangoa tiringana.

Etita 3:2

Ao e tua te uea b'a a na bane mataniwiin ana bareti ni kaota karinean Aaman ni katorobubua i matana, ma ni bobaraaki nakoina. Ao a bane ni karaoa aei, ma bon ti Moretekai are e rawa ni karaoia.

Taeka n Rabakau 28:12

E na karaoaki te bootaki ni kukurei ngkana e tokanikai te aomata ae e raoiroi; ma e raoiroi riki ngkana ti karabaira ngkana e tautaeka te aomata ae e aonikai.

Ieremia 39:3

Ngke e tauaki Ierutarem, a bane n roko ana mataniwi aika a rietaata uean B'aburon n taui aia tabo i nuukan te Mataroa are Nuuka, n reitaki ma Nerekara Tiaretera, Tamkara Nebo, Taretekim, Raba Tarita, ao Nerekara Tiaretera are teuana.

Taniera 1:17

Ao te Atua E anganiia rorobuaka aika aman aikai te rabakau n atai nanon koroboki ma te wanawana. Ao n reitaki ma anne ao E angan Taniera te rabakau ni kab'ara nanon taiani kaotioti ma taiani mii.

Taniera 1:7

Ao te mataniwi arei e a anganiia araia aika a boou aika Taniera b'a Beretetiata, Anania b'a Tiateraka, Mitiaera b'a Metiaka, ao Ataria b'a Abeteneko.

Taniera 2:17

Ao i mwiin arei, ao e a nako Taniera nakon mwengana n tuangiia raona ake Anania, Mitiaera, ao Ataria te b'ai ae e riki.

Taniera 3:1

Ana baaire Nebukaneta b'a a na bane aomata n taromauria te bouananti te koora. E karaoa te bouananti ae te koora te uea are Nebukaneta, ae 27 te miita rietana, ao e kaan 3 te miita rababana, ao e kateia n te tabo ae e aoraoi i Rura n te burawinti are B'aburon.

Taniera 6:2

Ao e rineia teniman taian aobitia aika a rietaata ake a na tararuaia koowana akekei, ao a na kaawakin ana m'ane te uea b'a e rawa ni kainano, ao temanna mai buakoia bon Taniera.

Amota 5:15

E ririiba te buakaka, ao e tangira te eti, ao n taraia b'a e na karaoaki te kaetitaeka ae riai n tain te bowi. E na bon kona te UEA n nanoangaia botannaomata ake a tiku ni maiu.