Taniera 2:48 - Te B'aib'ara

⁴⁸ Ao i mwiin anne, ao e angan Taniera nnena ae moan te rietaata, ao e anganna naba b'aai n tangira aika a rangi ni kakaawaki, ao ni ikotaki ma te burawinti are B'aburon b'a e na taua taekana, ao n riki naba b'a te mataniwi i aoia taan rabakau ni kabane i aoni B'aburon.

Taniera 2:48 ပူးပေါင်းရင်းမြစ်များ

2.Tamuera 19:32

Ai wanibwi ana ririki ni maiu Baretirai. E rangi ni kaub'ai ao e a tia ni kanakoa te am'arake nakon Tawita i Maanaim.

2.Uea 5:1

Bon te mataniwi n te taanga ni buaka mai Turia te aomata ae Naaman. E a tia ni buokaki ma ana taanga ni buaka iroun te Atua ni katokanikaiaki i aoia aia kairiribai. Ma ngaia are, e rangi n onimakinaki Naaman iroun te uea. Bon te tia buaka ae e ninikoria Naaman, ma e reke i rouna te aoraki ae te reebera.

Iobi 1:3

ao iai naba ana man aika itiua te nga te tiibu, tenua te nga te kamero, teuana te nga te kao, ma a kabaeaki ni kakauoman. Bon iai naba ana taani m'akuri aika rangi ni m'aiti, ao bon ngaia naba te kabanea ni kaub'ai n aomata n aaba ake i mainiku.

Ieremia 5:5

N na nako n taetae ma taan kairiiri. A na ataa te b'ai ae e tangiria te UEA.” Ma a bon rawa naba n ongotaeka i roun te UEA.

Taniera 2:6

Ma ngkana kam kona n tuangai b'a tera te mii anne, ao tera naba nanona, ao N na anganingkami kaniwangami, ao karineami ae moan te korakora. Ma ngaia are, kam na tuangai ngkai b'a tera te mii arei ma nanona.”

Taniera 3:1

Ana baaire Nebukaneta b'a a na bane aomata n taromauria te bouananti te koora. E karaoa te bouananti ae te koora te uea are Nebukaneta, ae 27 te miita rietana, ao e kaan 3 te miita rababana, ao e kateia n te tabo ae e aoraoi i Rura n te burawinti are B'aburon.

Taniera 3:12

Ma iai tabeman kaain Iutaia ake ko kateia b'a taan taua taekan te burawinti are B'aburon ake Tiateraka, Metiaka, ao Abeteneko, aika a aki ongotaeka nakon am taeka te uea ae ko karineaki. A bon aki taromauria antim ke ni bobobaraaki nakon te bouananti are ko kateia.”

Taniera 3:30

Ao te uea e a manga karikirakeaia riki Tiateraka, Metiaka ao Abeteneko nakoni nneia aika a rietaata n te burawinti are B'aburon.

Taniera 4:6

I kanakoa au taeka ni kaoiia au taan rabakau ni kabane ake i aon B'aburon b'a a aonga ni kona n tuangai nanon te mii arei.

Taniera 4:9

Beretiata ae mataniwiia taani mamata, I ataia b'a e mena taamnein te Atua ae e tabu i nanom, are ko kona iai n atai taiani kamimii. Ao aio miiu. Tuangai b'a tera nanona.

Taniera 5:11

Boni iai te m'aane temanna n abanueam ae iai ana konab'ai ae e raka, e wanawana, e m'aatai n te kab'ara mii, e rabakau ni kaiwa, ao e atai nanoni baika a raba;

Taniera 5:16

Ao ngkai, I a tia n ongo b'a ko kona ni kunei nanon baika a raba, ao ni kab'arai nanoia. Ngkana ko kona ni wareka te koroboki ma n tuangai nanona, ao e na katokaaki niiniiram are e uraro are b'ain te bareti, ma ni kabaeaki i roroam te m'ae ni karineaki are te tiein te koora, ao ko na riki b'a te kateniman ni m'aaka i nanon te abanuea.”

Taniera 5:29

Ao e anga ana taeka Beretiata n te tai ae e waekoa b'a e na katokaaki niiniiran Taniera are te niiniira are e uraroo are niiniiraia uea, ao e na kabaeaki i roroana te m'ae ni karineaki ae te tiein te koora. Ao e na riki b'a te kateniman ni m'aaka i nanon te abanuea.

Taniera 5:7

Ao e takaarua b'a a na kawaekoaaki taan tabunea, ma ibonga, ao taani borau. Ao ngke a rin, ao e taku te uea nakoia, “Ane e kona ni wareka te koroboki aei man tuangai nanona, ao e na karinaki te niiniira ae e uraro are aia b'ai uea, ao e na kabaeaki te m'ae ni karineaki ae te tiein ae te koora i roroana, ao e na riki b'a te kateniman ni m'aaka i nanon te abanuea.”

Taniera 8:27

Ao I wene ni mamaara ma n aoraki i nanon tabeua te bong. Ao i mwiina I teirake, ao I a manga moana au m'akuri are e anganai te uea, ma e minotaki au iango n te kaotioti arei ao e aki reke nanona.

Warekaia Iteraera 24:11

Naako naba ngkai, okira am auti! I tuangko b'a N na kabooko raoi, ma ngkai E aki kariaia te UEA b'a ko na karaoa te b'ai ae I butiiko, ao ko na aki kabooaki.”

1.Tamuera 17:25

Ao a taku i bon i rouia, “Bon nooria e aki toki n otioti nako ni kakaotinakoira. Ao e na anga te kaniwanga ae buubura te uea nakon ane kona n tiringnga. Ao e na mare naba te m'aane anne ma te natinuea te aine, ao a na aki kakab'aka aia taekiti ana utu ni kabane.”

1.Tamuera 2:8

Ko tabekiarake aomata aika kainano ao aika akea mwengaia Ko anaia mai buakon turam ni maange ao Ko anganiia te nne ae karineaki i nanon taiani bareti. Ko katea te aonnaba i aon taian aana, ao bon am b'ai.

1.Tamuera 25:2

Iai temanna te rorobuaka ae kaain te kaainga are Kareb'a ae arana Nab'ara, ae kaain te kaawa are Maon, ao iai abana i rarikin te kaawa are Karemera.