Taniera 2:47 - Te B'aib'ara

⁴⁷ E taku te uea, “Bon te kabanea ni korakora Atuam i aoia atua ni kabane, ao te UEA i aoia uea, ao boni Ngaia ae E kaoti taiani kaotioti. I ataa aei i bukina ngke ko kona ni kab'ara nanon te kaotioti aei.”

Taniera 2:47 ပူးပေါင်းရင်းမြစ်များ

Karikani B'aai 41:39

Ao e taku te uea nakon Ioteb'a, “E a tia ni kaoti b'aai aikai ni kabane te Atua nakoim. Ma ngaia are, e bon teretere raoi b'a e bon raka riki rabakaum ma am atatai i aoia aomata nako.

2.Uea 5:15

Ao e okirikaaki Naaman ma ana mataniwi nakon Eritai. E tei Naaman i matan Eritai, ao e katanoata ni kaangai, “I a bon ataia ngkai b'a bon ti te Atua n te aonnaba aei Atuaia Iteraera. Teuae ko karineaki! taiaoka butim'aea au b'aintangira aei.”

Iobi 12:19

E karinanoi nanoia ibonga, ao aomata aika iai te m'aaka i rouia.

Taian Areru 136:2

Kam na katituaraoa Atuaia atua; b'a akea tokin ana Tangira.

Taian Areru 136:3

Kam na katituaraoa aia Uea uea; b'a akea tokin ana Tangira.

Taian Areru 72:11

Ane a na bane uea ni bobaraaki i matana ni karinea; Ao ane a na bane n toro i rouna botannaomata.

Taian Areru 82:1

E tekateka te Atua b'a te tia babaire n te bootaki ni kauntira i karawa; E anga ana moti n aia bootaki taian atua.

Taian Areru 96:4

B'a E kakannato te UEA, ao E riai n rangi ni kamoamoaki; E na makaki riki nakoia anti ni kabaneia.

Etekiera 26:7

Uean B'aburon are Nebukaneta bon uean aonnaba ae e korakora, N na kanakoa b'a e na buakaniko. E na m'ananga mai meaang ma ana taanga ni buaka ae e korakora, n reitaki ma ana aoti ao a na kaa ni buaka ma ana taanga ni buaka i aoia aoti.

Taniera 11:36

“E na karaoa are e bon tangiria uean Tuuria. E na kamoamoa i bon i rouna n iangoia b'a e korakora riki nakoia anti ni kabane, ao nakon te Atua ae e Moan te M'aaka. E na teimatoa ni karaoa aei ni karokoa are e na katuaaeaki iai iroun te Atua. E na boni karaoa are e a tia ni baaireia te Atua.

Taniera 2:19

Ao ni bon te tairiki naba arei, ao e a kaotaki nanon te mii arei nakon Taniera n te kaotioti, ao e neboa Atuani karawa ni kaangai,

Taniera 2:22

E kaoti b'aai aika a nano ao aika a raba; E atai baika a raba n te rotongitong, ao E otab'aniniaki n te ota.

Taniera 2:28

ma bon ti te Atua ae Atuani karawa ae e kona n tuangko te mii anne. E a tia n tuangko te b'ai ae e na roko n taai aika i m'aaira. Ao tauraoi b'a N na tuangko te mii arei, are te kaotioti are ko nooria ngke ko matu.

Taniera 2:29

Te uea ae ko karineaki, ngke ko tabe ni matu, ao ko mii kanoan taai aika a na roko; ao te Atua e boni kaota nakoim te kaotioti anne, E kaota nakoim b'aai aika a nang riki.

Taniera 2:30

Ao ngkae e a tia ni kaotaki nako iu te kaotioti anne, tiaki i bukina ngke I rabakau riki nakoia tabeman, ma i bukina b'a e aonga n reke nanona iroum ao n oota raoi naba iango akana a roko iai nakoim.

Taniera 2:37

Te uea ae ko karineaki, boni ngkoe te uea ae te kabanea ni korakora i buakoia uea. Bon Atuan karawa ae E karikiko b'a te emberoa ngkoe, ao E anganiko naba te korakora, te m'aaka ao te karineaki.

Taniera 3:15

Ma ngaia ae ngkai, n te tai are kam ongo iai tangin te bu, ma te bikura, ma te raea, ma te tita, ma te aabi, ao b'aai ni tangitang ake tabeua, ao kam na bobaraaki n taromauriia te bouananti. Ao ngkana kam aki, ao kam na teweakinako nako nanon te ai ae e ura m'aaka. Kam taku b'a iai riki te anti temanna ae e kona ni kamaiungkami?”

Taniera 3:28

Ao e taku te uea, “Neboa Atuaia Tiateraka ma Metiaka ao Abeteneko! E a tia ni kanakoa ana anera ni kamaiuia Ana aomata aika a toro i rouna ma ni kakoaua. A kukurei n anga riki rab'ataia nakon te kamateaki nakon ae a na bobaraaki n taromauria te anti temanna i rarikin Atuaia.

Taniera 3:29

Ma ngaia are, I aki manga kariaia te botannaomata, ke te reeti, ke te taetae teuana b'a e na taetae n aki akaaka nakon Atuaia Tiateraka, Metiaka ao Abeteneko. Akana a karaoa anne, a na korokoreaki rab'ataia ni kauarerekeaki, ao a na uruakaki aia auti. Bon akea te Atua riki temanna ae e kona ni kakamaiu n aron aei.”

Taniera 4:17

Aio ana babaire te anera are e b'aina te tatauraoi. Ma ngaia are, a na bane aomata n ataia b'a E m'aaka te Atua ae moan te m'aaka i aon abanuean te aomata, ao E kona n angan ane E bon taku, n ai aroia aika rangi ni mangori.’

Taniera 4:25

Ko na kakioaki nako man te kaawa, ao ko na maeka ma maan aika a moaanti. Ko na kang uteute n ai aron te kao, ao ko na matu n te tabo ae e katawanang, n te aro are e na ruoniko te aoi, ao e na riki aei nakoim i nanon itiua te ririki. Ao ko na okira te Atua n tokina, ao ko na kakoaua b'a boni Ngaia ae E taua taekan ueaia aomata ni kabane, n te aro are E kona n anai ao ni manga anganiia tabem'aang ake E bon taku.

Taniera 4:32

Ao ane ko na kakioaki nako man te kaawa, ao ko na maeka ma taian man aika a moaanti, ao ko na kana te uteute n ai aron te kao i nanon itiua te ririki. Ao ane ko na kakoaua b'a iai m'aakan te Atua ae e m'aaka i aon ana tautaeka te aomata, ao E kona n anga nako ngaiia nakon temanna are E bon taku.

Taniera 5:11

Boni iai te m'aane temanna n abanueam ae iai ana konab'ai ae e raka, e wanawana, e m'aatai n te kab'ara mii, e rabakau ni kaiwa, ao e atai nanoni baika a raba;

Amota 3:7

E na bon aki karaoa te b'ai teuana te Uea ae te UEA ngkana e tuai kaota moa nanona ae e raba nakoia ana toro aika burabeti.

1.I-Korinto 14:25

a na kaotaki baika raba i nanona, ao ane na katorobubua ni bobaraaki n taromauria te Atua, ao e na kaotia, “B'a e boni mena te Atua i roumi!”

Te Tua-Kaua 10:17

E m'aaka riki te UEA ae Atuami nakoia atua ao uea tabeman, ao E na riai ni maakaki m'aakana are rangi ni korakora. A bane n eti n taai nako Ana babaire ni kabane, ao kam aki kona ni kamaraatona b'a E aonga ni bita Ana iango.

1.Timoteo 6:15

are e na kaotaki rokona n te tai ae riai iroun te Tia Tautaeka ae karaoiroaki ae ti temanna, ae aia King king, ao aia Uea uea;

Iotua 22:22

“Ti bon kaotia ma te koaua i matan te UEA ae te Atua ae m'aaka ae ara tia kakoaua. E ataa bukin karaoan aei iroura, ao ti bon tangiriia naba aomatan Iteraera b'a a na ataa bukin karaoan aei iroura.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”

Te Kaotioti 19:16

Ao iai arana ae koreaki i aon ana kunnikai ao i aon rangana, ae kaangai, “AIA KING KING AO AIA UEA UEA”.