Taniera 2:46 - Te B'aib'ara

⁴⁶ Ao i mwiin anne ao e bobaraaki te uea are Nebukaneta nako aontano, ao e anga ana taeka i bukin te karea ma te angab'ai b'a e na karaoaki i bukin Taniera.

Taniera 2:46 ပူးပေါင်းရင်းမြစ်များ

Etira 6:10

I tangiriia b'a a na konaa n anga aia karea ni kakukurei nakon te Atua ma n tataro naba ibuku ma au utu.

Taniera 3:5

Kam na ongora tangin taiani bu, aika a rimwiaki n tangin te bikura, ma te raea, ma te tita, ma te aabi, ao te bikura; ma taiani b'ai ni katangitang riki tabeua. Ao n te tai naba are kam ongo iai tangin b'aai akanne, ao kam na bane ni bobaraaki n taromauriia te bouananti te koora are e a tia ni kateia te uea are Nebukaneta.

Taniera 3:7

Ao ni bon te tai naba are a ongo iai tangin taiani b'ai ni katangitang, ao a bane ni bobaraaki botannaomata ma reeti nako, ma taetae nako n taromauria te bouananti are te koora are e kateia te uea are Nebukaneta.

Taniera 8:17

Ao e roko Kabiriera n tei i rarikiu, ao I a rangi ni maaku n te aro are I a b'aka i aontano. Ao e taku nako iu, “Natin te aomata, ko na atai nanoia. Bon taiani kaotioti i bukin tokin te aonnaba.”

Nakoaia Ibonga 26:31

N na kamaunai ami kaawa aika a uarereke ma ami auti nako n taromauri, ao N na aki manga kukurei ni boin nako ami karea.

Ruka 17:16

ao e b'aka ni bobaraaki i rarikini waen Iesu, ao e anganna taeka ni kaitau. Bon te I-Taamaria ngaia.

M'akuri 10:25

Ma ngaia are, ngke e nangi rin Betero, ao e butim'aia Korenerio ni b'aka i rarikini waena, ao e bobaraaki ni kaota karineana ae moan te bati.

M'akuri 14:13

E roko ngkanne ana ibonga Tiuti ma uotana kaue, ma kao mm'aane aika e kairiia nakoni mataroani kawai n rin nakon um'antabun Tiuti, are e tei ni kaan ma te kaawa i tinanikuna. E kan anga karea ma aomata.

M'akuri 28:6

A kaantaninga B'auro te koraki arei b'a e na tibu ke e na b'aka ni mate n te tai naba arei; ma ngke a maan ni kakantaninga ao a noria b'a akea te rekenikai nakoina, ao a bita nanoia n taku, “Bon te anti ngaia!”

Te Kaotioti 11:16

Ao unimm'aane ake uangaun ma aman, ake a tekateka i aon aia kaintokanuea i matan te Atua, a katorobubua ni bobaraaki ao a taromauria te Atua,

Te Kaotioti 19:10

Ao I katorobubua ni bobaraaki i rarikini waena b'a N na taromauria. Ao e taku nako iu, “Tarataraiko b'a ko na aki taromauriai; bon raom n toro ngai, ao raoia naba n toro tarim ake a teimatoa n taua te koaua are E kaotiotia Iesu. Ko na taromauria te Atua n tii Ngaia; b'a te koaua are E kaotiotia Iesu boni ngaia ae angania ana aomata te Atua te kona n taetae ni burabeti.”

Te Kaotioti 22:8

Boni ngai, ae Ioane, ae I ongo ma n noori baikai. Ao ngke I ongo ma n noori, ao I katorobubua ni bobaraaki i rarikini waen te anera are kaoti baikai nako iu.