Taniera 2:44 - Te B'aib'ara

⁴⁴ E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Taniera 2:44 ပူးပေါင်းရင်းမြစ်များ

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

2.Tamuera 7:13

ao bon akea temanna ae e na konaa n anaa abanueana mai rouna. Boni ngaia are e na katea te tembora ibuku.

2.Tamuera 7:16

N na kakoauaa raoi b'a e na uea n taai nako temanna mai buakoia am kariki.

Taian Areru 145:13

Akea tokin ueam, ao Ko na tautaeka n aki toki. E kakaonimaki te UEA ni kakoro bukin ana taeka; Ao E nanoanga n ana arona ni kabane.

Itaia 60:12

A na bane n kaungaaki botannaomata ma abanuea akana a rawa ni m'akuri i bukim.

Etekiera 37:25

A na maeka ma aia kariki n te aba are I angan Au toro are Iakob'a, te aba are a maeka iai aia bakatibu. A na maeka ikekei n aki toki, ao ai uana naba ma natiia ma aia kariki nako. E na uea i aoia te aomata ae ai aron au toro are Tawita n aki toki.

Taniera 2:28

ma bon ti te Atua ae Atuani karawa ae e kona n tuangko te mii anne. E a tia n tuangko te b'ai ae e na roko n taai aika i m'aaira. Ao tauraoi b'a N na tuangko te mii arei, are te kaotioti are ko nooria ngke ko matu.

Taniera 2:34

Ao ngke ko bon tabe n tarataraia, ao e a ti b'aka naba i bon i rouna te atiibu ae e korakora man taiani b'aa aika a rietaata, ao e b'akara waen te bouananti arei, are te biti are e renganaki ma te tano ao e kamaerikirikia.

Taniera 2:35

Ma ngaia are, e a b'aka te biti ma te tano, ma te buraonti, ma te tirewa, ao te koora ni maerikiriki kaanga bubun te uita are e oreaki n tain te aumaiaki. E uotia nako te ang ni kabane ni bon akea nikirana. Ma e rikirake ni buubura te atiibu arei ni karokoa e a rabuna te aonnaba ni kabane.

Taniera 2:37

Te uea ae ko karineaki, boni ngkoe te uea ae te kabanea ni korakora i buakoia uea. Bon Atuan karawa ae E karikiko b'a te emberoa ngkoe, ao E anganiko naba te korakora, te m'aaka ao te karineaki.

Taniera 2:43

Ao ko nooria naba b'a e renganaki te biti ma te tano. Ao nanon anne b'a a na kataia taan tautaeka n te tabo anne ni kaieiniia aia utu ma kaain te tautaeka are teuana, ma a na bon aki konaa b'a e bon aki kona n renganaki te biti ma te tano.

Taniera 4:3

Ai korakorara taiani kamimii ake E kaoti te Atua nakoira! Ai m'aakara ana kakai ake E a tia ni karaoi! Bon te UEA te Atua n aki toki; E na uea n taai nako.

Taniera 4:34

E taku te uea, “Ngke e a koro itiua te ririki, ao I tararake nako karawa, ao e oki nanou. I neboa te Atua ae e m'aaka, ao I anga te karinerine ma te kamoamoa nakon teuae E maiu n aki toki. “E na tautaeka n aki toki, ao akea tokin ueana.”

Taniera 6:26

Au kaetieti nakoimi ni kabane kaain au tautaeka b'a kam na bane ni maaka ao ni karinea Atuan Taniera.

Taniera 6:27

E kakamaiu ao e i buobuoki; E karaoi kamimii ma kakai i karawa ao i aonnaba. E kamaiua Taniera mairouia raian.”

Taniera 7:27

Ao m'aakan ma korakoran taian tautaeka ni kabane n te aonnaba a na bane n anganaki ana Aomata te Atua. E na bon akea tokini m'aakan ana tautaeka, ao a na bane n toro i rouna taan tautaeka n te aonnaba ma n ongotaeka i rouna.”

Taniera 8:25

A nanakoraoi ana m'akuri nako ni mamanibuaka, i bukina ngke bon te aomata ae te tia kam'ane ngaia. E kamoamoa i aon rab'atana, ao e tiringiia aomata n akea te katauraoi. E na boni kaitaraa naba te UEA are e korakora i aon b'aai ni kabane, ma e na bon tiringaki, tiaki ni bain te aomata.

Mika 4:7

E ngae ngke a raroa nako man mwengaia ma ni m'auku, ma N na manga waakina te reitaki ae e boou ma nikiraia ake a aki taenikai, b'a a na riki b'a te botannaomata ae e korakora. Ao N na uea i aoia i aon te maunga are Tion ni karokoa tokin aonnaba.”

Akai 2:22

ma ni kamaunai taiani uea ao abanuea. N na karanganakoi kaanibuaka, ao ane a na moana tiringakiia i bon irouia tautia ake taan toka i aoia aoti.

Akai 2:7

N na ioioa taiani botannaomata, ao a na uoti kaub'aia nako ikai. Ao ane e na kaona te Tembora raneanean mimitongiu.

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Ioane 12:34

Ma ngaia are, a kaeka aomata ni kaangai, “Ti ongo n te Tua b'a E na maiu n aki totoki te Kristo. Ko na kanga ngkanne n taku b'a E na kateaki rake Natin te Aomata? Antai Natin te Aomata anne?”

Ebera 12:28

Ma ngaia aei, ngkae e a reke i roura te abanuea ae aki konaki ni kam'aeieiaki, ao ti riai ni kaitau ma n taromauria te Atua n te aro ae E na kukurei iai, ao ni kaota te karinerine ma te maaku;

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 2:27

ao N na anganna te m'aaka are ti te bo ma are I anganaki mairoun Tamau, ao e na tauu taekaia ni kairiia ma te matoa, ao a na uruaki n ai aroni m'angko aika karaoaki man te bokaboka;