Taniera 2:41 - Te B'aib'ara

⁴¹ Ao n aron are ko noori rangana ma waena are te biti ae e renganaki ma te tano, nanona b'a e na bwenauaaki te tautaeka, ma e na boni iai i nanona korakoran te biti i bukina ngke e renganaki te biti ma te tano.

Taniera 2:41 ပူးပေါင်းရင်းမြစ်များ

Taniera 2:40

Ao e na teirake te kaaua n tautaeka ae ai aron korakoran te biti, are e na kamaerikirikii ao n urui b'aai ni kabane. E na urui mani kamanatuai taian tautaeka ake mai m'aiina n ai aron te biti ngkai e urui b'aai ni kabane.

Taniera 2:42

Waena, iterana te biti ao iterana te tano, ae nanona b'a iteran te tautaeka e na korakora ao iterana are teuana e na mamaara.

Taniera 7:24

Taiani koro ake tebwiina bon taiani uea ake a na tautaeka n te tautaeka anne. Ma ane e na manga kaoti te uea temanna; ao e na bon rangi ni kaokoro ma ake mai m'aiina, ao e na kab'akaia uea akana teniman.

Taniera 7:7

Ao ngke I tabe ni mataku, ao e kaoti te kaaman ni man. E korakora ao e kakamaaku. E kangkanta kanana ni wiina aika taian biti, ao i mwiina e a manga toubekaia. E kaokoro ma maan ake tabeman b'a iai tebwina korona.

Te Kaotioti 12:3

Ao e a manga kaoti te b'ai riki teuana i karawa ae e rangi ni kamimii naba taraana: te man ae te rakon ae korakora ae uraura, ao itiua atuna ao tengauni korona, ao itiua te baunuea i aon atuna.

Te Kaotioti 13:1

Ao I nora te man ae tiritiri b'a e aerake mai tari: tengauni korona, ao itiua atuna, ao tebwina te baunuea i aoni korona, ao iai te ara ae te taeka ni bakanatua i atuna nako.

Te Kaotioti 17:12

“Ao kooro ake tengaun, ake ko noori, bon ueea aika tengaun, aika tuai n reke ueaia; ma a anganaki te m'aaka n tautaeka ngkai kanga ueea, ti teuana te aoa, ni buoka ana tautaeka te man arei.