Taniera 2:40 - Te B'aib'ara

⁴⁰ Ao e na teirake te kaaua n tautaeka ae ai aron korakoran te biti, are e na kamaerikirikii ao n urui b'aai ni kabane. E na urui mani kamanatuai taian tautaeka ake mai m'aiina n ai aron te biti ngkai e urui b'aai ni kabane.

Taniera 2:40 ပူးပေါင်းရင်းမြစ်များ

Iobi 9:17

E kanakoa te angibuaka n oreai ma ni kakunikuna rab'atau n akea bukina ae riai.

Ieremia 15:12

Kaain Iuta, kam aki konaa ni konaia kairiribai aika a na buaka mai meang n aron ae kam aki konaa n urua te biti ae e renganaki ma te buraonti.

Taniera 2:33

ao rangana n te biti, ao waena n te biti ae e renganaki ma te tano.

Taniera 2:39

E na manga teirake te tautaeka teuana i mwiim, ma tiaki aron korakoram, ao e na manga teirake te katenua n tautaeka, ae te buraonti, are e na taua taekan te aonnaba ni kabane.

Taniera 2:41

Ao n aron are ko noori rangana ma waena are te biti ae e renganaki ma te tano, nanona b'a e na bwenauaaki te tautaeka, ma e na boni iai i nanona korakoran te biti i bukina ngke e renganaki te biti ma te tano.

Taniera 7:7

Ao ngke I tabe ni mataku, ao e kaoti te kaaman ni man. E korakora ao e kakamaaku. E kangkanta kanana ni wiina aika taian biti, ao i mwiina e a manga toubekaia. E kaokoro ma maan ake tabeman b'a iai tebwina korona.

Taniera 8:24

E na rikirake ni korakora, ma tiaki man oini korakorana. E na karaoa te urub'ai ae e kakamaaku, ao a kookoro bukin b'aai ake e karaoi. E na kamaunaiia aomata aika a korakora ma ake bon oin ana Aomata te Atua.

Taniera 9:26

Ao n tokin te tai ane onobwi ma uoua te ririki, e na tiringaki ana tia kairiiri te Atua n te aro ae e aki eti. E na kamaunaaki te Tembora ma kaawa iroun ana taanga ni buaka te tia tautaeka ae e korakora. E na roko te toki n ai aron te ieka, ma uotana are te buaka ma te urub'ai are e a tia ni katauraoia te Atua.

Amota 1:3

E taku te UEA, “A teimatoa ni kakaraoa te bure kain Taamateko ao N na bon katuaaia i bukin aei. A karaoa te m'akuri n iowawa nakoia kaain Kireata.

Ioane 11:48

Ngkana ti katikua b'a E na waaki nako n arona aei, ao a na boni bane aomata n onimakinna, ao ane a na roko I-Rom n urua ara tabo ma ara botannaomata.”