Taniera 2:4 - Te B'aib'ara

⁴ Ao a kaekaa te uea n te taetae n Aram'aika, “Te uea ae ko karineaki, ko na maiu n aki tootoki! Karakina miim nakoira b'a ti na kab'araa nanona nakoim.”

Taniera 2:4 ပူးပေါင်းရင်းမြစ်များ

Karikani B'aai 31:47

Ao e arana te kanuringa arei Raab'an b'a Ieka-taaruta, ao Iakob'a e aranna b'a Kareeta.

Karikani B'aai 41:8

Ao e a raraoma ngke a ingabong, ao e a weteia taan tabunea ni kabane ao mm'aane naba ni kabane aika taan rabakau i aon Aikubita. E tuangiia miina, ma bon akea temanna ae kona ni kab'ara nanon miina nako ina.

1.Uea 1:25

Ngke e ingabong riki ao e tiringi taiani kao ma kao ataei ao taian tiibu aika a m'aiti. E kaoiia taiani mataniwi n te taanga ni buaka, Abiata, ao natim m'aane ni kabane nako ikekei. Ao a am'arake ni kukurei ma ni mooi ni karokoa te tai aei ma n tatakarua ni kaangai, ‘E na teimatoa maiun te uea ae Atoniia!’

1.Uea 1:31

Ao e bobaraaki B'atateb'a nako aontano ao e taku, “Bon au tataro b'a e na anaanau maium.”

2.Uea 18:26

Ao a taku Eriakim, ma Tebena, ao Ioa, “Teuae ko karineaki, ti aki tangiriia aomata aika a kakauongo man te kaawa ae buubura ae e nonoaki b'a a na ataa te b'ai ae e taekinaki. Ma ngaia are, ti butiiko b'a ko na taetae nakoira n te taetae n Aram'aika ao tiaki n te taetae n Ebera.

Etira 4:7

Rimwi riki, ao a ikotaki Bitiram, Miteretata, Tabeera, ao taan iango ni kabane, ao a korea te reta nakon Atatokititi ngke e uea i aon Botia. E koreaki n te taetae n Aram'aika ao e na riai n rairaki.

Neemia 2:3

ao I bon kaeka naba, “Teuae ko karineaki, Bon au kaantaninga b'a ko na maiu n aki toki! I nanokawaki i bukin au kaawa are e buubura ike a taunaki iai au bakatibu b'a e a urubekebeke, ao a tia ni kabuokaki mataroana ni kab'akaaki.”

Itaia 36:11

Ao a taku Eriakim, Tebena, ao Ioa, “Teuare ko karineaki, ti aki tangiriia b'a a na ongora mai nanon te kaawa ma n ataa nanon te b'ai ae ti taekinna. Ma ngaia are, ti butiiko b'a ko na aki taetae nakoira n te taetae n Ebera ma ko na taetae n Aram'aika.”

Itaia 44:25

I kariki aia kewe burabeti ni kewe ao nanobabaia taani kaiwa. I anaa wanawanan te aomata ao I karikia b'a te b'ai ae akea nanona.

Taniera 1:4

A na riai n rineaki rorobuaka aika a botonimm'aane, a wanawana, aika a tia n reireiaki raoi, a birim'aaka aia iango, ao a aki aorakibuaka rab'ataia, n te aro b'a a na tau n riki b'a ana taani m'akuri te uea. A na reiakinaki te wareware ma te koroboki ni B'aburon iroun Atibenati.

Taniera 2:7

Ao a manga kaeka naba nakon te uea ni kaangai, “Te uea ae ko karineaki, ngkana ko bon tuangiira te mii anne, ao ti a tib'a kona ngkanne ni kab'araa.”

Taniera 3:9

Ao a taku nakon te uea are Nebukaneta, “Ko na maiu n aki toki te uea!

Taniera 4:19

Ao e rangi n aki kakoaua te mii arei Taniera, are arana teuana Beretiata n te aro are e aki reke te b'ai ae e na taekinna. Ao E taku te uea nakoina, “Beretiata, ko na aki raraoma n te rongorongo ane e kaotaki n te mii anne.” Ao e kaeka Beretiata, “Te uea ae ko karineaki, E bia aki nanonaki te mii aei nakoim, ma e bia nanonaki nakoia am kairiribai.

Taniera 4:7

Ao i mwiina, a bane ni karinaki i nanon te bareti taan tabunea, ma ibonga, ao taani borau, ao I tuangiia miiu arei, ma a bon aki kona ni kab'ara nanona nako iu.

Taniera 4:9

Beretiata ae mataniwiia taani mamata, I ataia b'a e mena taamnein te Atua ae e tabu i nanom, are ko kona iai n atai taiani kamimii. Ao aio miiu. Tuangai b'a tera nanona.

Taniera 5:10

Ao e ongo tinan te uea n aine karongoaan te uea ma ana taani iango, ao e a rin nako nanon te tabo n am'arake. Ao e taku, “E na maiu te uea n aki toki! Taiaoka, karaua nanom, ao tai kanakoa nanom.

Taniera 5:8

Ao a bane n roko ana taani iango te uea ma bon akea temanna ae e kona ni wareka te koroboki arei, ke n tuanga te uea nanona.

Taniera 6:21

Ao e kaeka Taniera, “Ko na maiu n aki toki te uea!

Taniera 6:6

Ma ngaia are, a nako n nora te uea ao a taku, “Te uea ae Taraiati, ko na uea n aki toki!

Taniera 6:7

A bane ni bo nanora ngaira aika ti tararua am tautaeka, aobitia aika a rietaata, taani kairiiri, taan iango, ao koowana, b'a ko na karaoa te tua teuana ae e matoatoa. Ko na tua b'a akea temanna ae e na bubutiia te anti temanna ke te aomata temanna i nanon te maan ae tenibwi te bong ma ti ngkoe. Ao ane e ri aon te tua anne, ao e na karenakoaki i nanon ooia raian.

Mataio 21:9

Ao a takarua aomata ake a ri moana ao ake a ri mwina, ni kangai, E na neboaki Natin Tawita! E na kakab'aiaki Teuae nako mai n aran te Atua. E na neboaki te Atua!

1.Tamuera 10:24

Ao e taku Tamuera nakoia aomata, “Karaua n tara te aomata ae a tia n rineia te UEA! Bon akea te aomata ae ai arona!” Ao a takaarua aomata, “E na anaanau maiun te uea!”