Taniera 2:37 - Te B'aib'ara

³⁷ Te uea ae ko karineaki, boni ngkoe te uea ae te kabanea ni korakora i buakoia uea. Bon Atuan karawa ae E karikiko b'a te emberoa ngkoe, ao E anganiko naba te korakora, te m'aaka ao te karineaki.

Taniera 2:37 ပူးပေါင်းရင်းမြစ်များ

1.Uea 4:24

E tautaekana te aono are i maeaon te karaanga are te Iuberetiti te uea are Toromon, ni moa mai Tibeta nako Kaata, ao e raoi ma aaba ni kabane.

2.Uea 25:28

E rangi n nanoangaa Ieoiakin man karinea Ewiramerotaka nakoia uea ake a tauia buure.

2.Rongorongo 36:23

E kaangai te rongorongo arei: Boni Ngai Tairati ae uean Botia. E a tia te UEA ae Atuani karawa ni karikai b'a n na tautaeka i aoia botannaomata ni kabane n te aonnaba. E a tia n rineai b'a n na karaoa te Tembora i bukina i Ierutarem, i Iuta. E na tarataraia ana aomata ni kabane te UEA ae te Atua akana a tangiria n oki nako Iuta.

Etira 1:2

Bon uean Botia ngai ae Tairati. E a tia te UEA ae Atuan karawa, are bon Atuaia naba Iteraera ni karikai b'a N na tautaeka i aon taiani botannaomata ni kabane n te aonnaba. Ao e a tia n rineai b'a N na manga karaoa te Tembora i bukina i Ierutarem, are i Iuta.

Etira 7:12

Te Kamauri mairoun te uea ae Atatokititi nakon Etira are te ibonga, ao te aomata ae e atatai n ana reirei te Atua are i karawa.

Taian Areru 62:11

E raka i aon teuana au tai n ongo ana taeka te Atua, ngke E taetae ni kaangai, “I m'aaka,”

Taeka n Rabakau 8:15

A kairiiri taiani uea ni m'aakau ao a karaoi taian tua taan tautaeka aika a eti.

Itaia 10:8

E taku Uean Aturia: Bon taiani uea au mataniwi n te taanga ni buaka!

Itaia 47:5

B'aburon, kainab'aabu! Tekateka n te roo. Ko nang aki manga butim'aeaki irouia botannaomata nako b'a aia ueanaine ngkoe.

Ieremia 28:14

E a tia n taku te UEA ae Moan te M'aaka, ae Atuaia Iteraera, b'a e na katokaa te amo ae te biti i aoia botannaomata aikai ao ane a ana m'akuri i bukin te Uea are Nebukaneta are kaain B'aburon. E taku te UEA b'a E na karaoia naba maan aika a aki manana b'a a na m'akuri i bukin Nebukaneta.”

Ieremia 34:1

Bon iai ana taanga ni buaka te Uea are Nebukaneta ae e kaainaki irouia aomata nako man ana tautaeka. E m'ananga ngaia ma ana taanga ni buaka ni buakana Ierutarem ao kaawa nako ake i rarikina. E taetae te UEA nako iu n te tai anne

Etekiera 26:7

Uean B'aburon are Nebukaneta bon uean aonnaba ae e korakora, N na kanakoa b'a e na buakaniko. E na m'ananga mai meaang ma ana taanga ni buaka ae e korakora, n reitaki ma ana aoti ao a na kaa ni buaka ma ana taanga ni buaka i aoia aoti.

Taniera 1:2

Ao te UEA e kariaia Nebukaneta b'a e na kataenikaia te uea are Ieoiakim ma n anai kaub'ain te Tembora. E uotiia rikaaki tabeman taenikai nakon temboran antina i B'aburon, ao e karin taiani kaub'ai akekei i nanon te ru ni b'ai are i nanon ana tembora antina.

Taniera 2:31

Te uea ae ko karineaki, te b'ai are ko nooria ni miim are e tei i matam bon te bouananti ae bannan te aomata ae te aintoa, ae oota man raneanea, ae e kakamaaku taraana.

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Taniera 4:19

Ao e rangi n aki kakoaua te mii arei Taniera, are arana teuana Beretiata n te aro are e aki reke te b'ai ae e na taekinna. Ao E taku te uea nakoina, “Beretiata, ko na aki raraoma n te rongorongo ane e kaotaki n te mii anne.” Ao e kaeka Beretiata, “Te uea ae ko karineaki, E bia aki nanonaki te mii aei nakoim, ma e bia nanonaki nakoia am kairiribai.

Taniera 4:22

“Te uea ae ko karineaki, boni ngkoe te aroka are e rietaata ma ni korakora. Ko a tia n rikirake n rangi ni korakora n te aro are ko a roota karawa, ao e rooti taabo nako n te aonnaba aei m'aakam.

Taniera 4:25

Ko na kakioaki nako man te kaawa, ao ko na maeka ma maan aika a moaanti. Ko na kang uteute n ai aron te kao, ao ko na matu n te tabo ae e katawanang, n te aro are e na ruoniko te aoi, ao e na riki aei nakoim i nanon itiua te ririki. Ao ko na okira te Atua n tokina, ao ko na kakoaua b'a boni Ngaia ae E taua taekan ueaia aomata ni kabane, n te aro are E kona n anai ao ni manga anganiia tabem'aang ake E bon taku.

Taniera 4:3

Ai korakorara taiani kamimii ake E kaoti te Atua nakoira! Ai m'aakara ana kakai ake E a tia ni karaoi! Bon te UEA te Atua n aki toki; E na uea n taai nako.

Taniera 4:32

Ao ane ko na kakioaki nako man te kaawa, ao ko na maeka ma taian man aika a moaanti, ao ko na kana te uteute n ai aron te kao i nanon itiua te ririki. Ao ane ko na kakoaua b'a iai m'aakan te Atua ae e m'aaka i aon ana tautaeka te aomata, ao E kona n anga nako ngaiia nakon temanna are E bon taku.

Taniera 4:34

E taku te uea, “Ngke e a koro itiua te ririki, ao I tararake nako karawa, ao e oki nanou. I neboa te Atua ae e m'aaka, ao I anga te karinerine ma te kamoamoa nakon teuae E maiu n aki toki. “E na tautaeka n aki toki, ao akea tokin ueana.”

Taniera 5:18

“Nooria te uea, bon te Atua ae e m'aaka ae E karika taman Nebukaneta b'a te uea ae e korakora, ao E anganna te m'aaka ma te karineaki.

Taniera 7:14

E anganaki te kariaia, te karineaki, ao te m'aaka, b'a a na bane aomatan te botannaomata, reeti, ao taetae nako n toro i rouna. E na teimatoa m'aakana n aki toki, ao akea tokin ueana, ao e na bon aki kona n uruaki.

Otea 8:10

E ngae ngke a kabonakoia nakon aaba aika bati ma N na manga bootia naba. Kam na waekoa ni kabuakakaaki irouia uea ma taan tautaeka.

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

Ioane 19:11

E kaeka Iesu ao E taku, “Bon akea te b'ai ae ko kona ni karaoia nako iu, ngke arona b'a ko aki anganaki te kona ni karaoia mai karawa; ma ngaia are e a rawawata riki ana bure te aomata are anga Ngai nako im nakon am bure.”

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”

Te Kaotioti 19:16

Ao iai arana ae koreaki i aon ana kunnikai ao i aon rangana, ae kaangai, “AIA KING KING AO AIA UEA UEA”.

Te Kaotioti 4:11

“Ara Uea ao Atuara, Ko bon riai n anganaki te neboaki ma te karineaki ma te m'aaka. B'a Ko kariki b'aai ni kabane, ao a riki i bukin nanom, ao a karikaki iai.”

Te Kaotioti 5:12

ao a kaangai n te b'anaa ae korakora, “E riai te Tiibuteteei are kamateaki n anganaki te m'aaka, ma te kaub'ai, ma te rabakau, ma te korakora, ma te karineaki, ma te neboaki, ma te karaoiroaki!”