Taniera 2:34 - Te B'aib'ara

³⁴ Ao ngke ko bon tabe n tarataraia, ao e a ti b'aka naba i bon i rouna te atiibu ae e korakora man taiani b'aa aika a rietaata, ao e b'akara waen te bouananti arei, are te biti are e renganaki ma te tano ao e kamaerikirikia.

Taniera 2:34 ပူးပေါင်းရင်းမြစ်များ

Taian Areru 118:22

Te atibu are a kakeaa bonganana taani kateitei, e a riki b'a te kabanea ni kakawaki.

Itaia 28:16

Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Itaia 60:12

A na bane n kaungaaki botannaomata ma abanuea akana a rawa ni m'akuri i bukim.

Itaia 8:9

Ngkami aika botannaomata aika ianena, waaki nako ao katauraoi nakon te buaka. ma ane ko na kamanatuaaki.

Etekiera 32:28

Kam na konaaki buaka kaain Aikubita ao kam na taunaki i rarikiia tautia aika akea atuaia ake a mate n te buaka.

Etekiera 47:5

E manga katika riki 500 te miita n ira rikaaki te raanga n ran, ao e a roko te raanga n ran n te karaanga ae e konaa te aomata n ri nanona n uaua.

Taniera 2:33

ao rangana n te biti, ao waena n te biti ae e renganaki ma te tano.

Taniera 7:27

Ao m'aakan ma korakoran taian tautaeka ni kabane n te aonnaba a na bane n anganaki ana Aomata te Atua. E na bon akea tokini m'aakan ana tautaeka, ao a na bane n toro i rouna taan tautaeka n te aonnaba ma n ongotaeka i rouna.”

Taniera 8:25

A nanakoraoi ana m'akuri nako ni mamanibuaka, i bukina ngke bon te aomata ae te tia kam'ane ngaia. E kamoamoa i aon rab'atana, ao e tiringiia aomata n akea te katauraoi. E na boni kaitaraa naba te UEA are e korakora i aon b'aai ni kabane, ma e na bon tiringaki, tiaki ni bain te aomata.

Tekaria 12:3

Ma N na onika Ierutarem nakon te atiibu ae e rawaawata ae e na kamanatuaia aomata nako i aon te aonnaba aika a katobibia Ierutarem,

Tekaria 4:6

Ma ngaia are, e kab'arab'araa te anera b'a bon reitan taian rongorongo mairoun te UEA nakon Terub'abera. Bon te UEA Ngai ae Moan te M'aaka. Ma ngaia are, kam na aki onimakina korakorami ma marurungimi, ma kam na onimakina Tamneiu.

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

Ioane 1:13

ake a bungiaki tiaki n aroia ataei ake a riki mairouia tamaia aika aomata; ma E karikiia te Atua b'a natina.

M'akuri 4:11

Boni Ngaia te atibu are e kakeaki bongana iroumi, ngkami aika taani kateitei ma bon te atibu ae moan te kakawaki, b'a bouan te maninganinga,

2.I-Korinto 5:1

B'a ti ataia b'a ngkana e uruaki te um'a n rianna ae i aon te aba ae nera ni maeka, ao bon iai te auti mairoun te Atua, ae te nne ni maeka ae aki karaoaki ni baiia aomata, ae te auti ae aki kona n uruaki, are i karawa.

Ebera 9:24

B'a Kristo E aki rin nako nanon te tabo are tabu, are e karaoaki ni bain te aomata, ao are katotongan te oi ni b'ai ni koaua; ma E bon rin i karawa, b'a E aonga ni kaoti i matan te Atua i bukira.

1.Betero 2:7

Ma ngaia ae te atibu aei, e kakawaki nakoimi ngkami aika kam onimaki; ma nakoia akana aki onimaki, “E riki b'a bouan te maninganinga te atibu are kakiaki b'a akea bonganana irouia taani kateitei.”

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”