Taniera 2:29 - Te B'aib'ara

²⁹ Te uea ae ko karineaki, ngke ko tabe ni matu, ao ko mii kanoan taai aika a na roko; ao te Atua e boni kaota nakoim te kaotioti anne, E kaota nakoim b'aai aika a nang riki.

Taniera 2:29 ပူးပေါင်းရင်းမြစ်များ

Karikani B'aai 41:25

Ao e taku Ioteb'a nakon te uea, “Bon ti te bo nanon mii akana uoua akanne; E na bon tuangko te Atua te b'ai ae E nang karaoia.

Etekiera 38:10

I ataia b'a ko na karaoa te iango ae e buakaka ngkana e roko te tai arei

Taniera 2:22

E kaoti b'aai aika a nano ao aika a raba; E atai baika a raba n te rotongitong, ao E otab'aniniaki n te ota.

Taniera 2:23

I neboiko ao I karineko, Ngkoe ae Atuaia au bakatibu. Ko a tia n anganai te rabakau ma te korakora; Ko a tia ni kaekaa au tataro, ao n tuangai nanoni miin te uea.”

Taniera 2:28

ma bon ti te Atua ae Atuani karawa ae e kona n tuangko te mii anne. E a tia n tuangko te b'ai ae e na roko n taai aika i m'aaira. Ao tauraoi b'a N na tuangko te mii arei, are te kaotioti are ko nooria ngke ko matu.

Taniera 2:45

Ao ko noora naba te atiibu are e buubura are e b'aka i bon i rouna man te b'aa are e rietaata ni b'akara te bouananti are e karaoaki man te biti ma te buraonti, ma te tano, ma te tirewa, ao te koora. E tuangko ma te koaua te b'ai are ko miia, b'a te Atua are e korakora, E a tuangko iai te uea ae ko karineaki baika a na kaoti nakoni boong aika a na roko.”

Taniera 2:47

E taku te uea, “Bon te kabanea ni korakora Atuam i aoia atua ni kabane, ao te UEA i aoia uea, ao boni Ngaia ae E kaoti taiani kaotioti. I ataa aei i bukina ngke ko kona ni kab'ara nanon te kaotioti aei.”

Amota 4:13

Bon te Atua ae karaoi taian Maunga ao E karikii naba aang. E kaoti ana iango nakoia aomata E onika te ngaina nakon te tairiki ao n nakonako i aon tabuki. Bon te UEA Ngai ae E m'aaka!