Taniera 2:28 - Te B'aib'ara

²⁸ ma bon ti te Atua ae Atuani karawa ae e kona n tuangko te mii anne. E a tia n tuangko te b'ai ae e na roko n taai aika i m'aaira. Ao tauraoi b'a N na tuangko te mii arei, are te kaotioti are ko nooria ngke ko matu.

Taniera 2:28 ပူးပေါင်းရင်းမြစ်များ

Karikani B'aai 40:8

Ao a taku, “Ti kaai ni mii ni kauoman, ao bon akea temanna mai ikai ae kona ni kab'arai nanon miira.” Ao e taku Ioteb'a, “Bon te Atua ae angaanga te kona ni kab'ara mii. Karakina miimi nako iu.”

Karikani B'aai 41:16

Ao e taku, “Te uea, I aki kona ni kab'ara mii, ma E na anga nanon miim te Atua.”

Karikani B'aai 41:25

Ao e taku Ioteb'a nakon te uea, “Bon ti te bo nanon mii akana uoua akanne; E na bon tuangko te Atua te b'ai ae E nang karaoia.

Karikani B'aai 49:1

Ao e weteia natina mm'aane Iakob'a ao e taku, “Katobibiai, b'a N na tuangngkami te b'ai ae a na riki ni boong aika a na roko:

Taian Areru 115:3

E mena Atuara i karawa; ni karaoa ae E bon taku.

Itaia 2:2

E na riki b'a te kabanea n rietaata te maunga are e tei iai ana Tembora te UEA ni boong aika a na roko. E na bura i aon taian tabuki nako; ao a na uarurung botannaomata nako iai.

Ieremia 10:7

Bon aia Uea botannaomata nako Ngkoe. A riai n taromauriiko aomata ni kabane. Bon akea riki te aomata ae e wanawana nakoim.

Ieremia 30:24

E na bon aki toki uniu ni karokoa e bane raoi te b'ai ae I a tia ni baaireia b'a N na karaoia. N te bong teuana, ao kam na ataa te b'ai ae I nanonna.

Ieremia 48:47

Ma n te bong teuana, N na kairiia ami aomata n okirii mwengaia. Bon aei Au taeka Ngai ae te UEA.

Etekiera 28:3

Ko taku n am iango b'a ko wanawana riki nakon Taniera ma n atai b'aai ni kabane:

Etekiera 38:16

Ko na buakana Au aomata kaanga nangin te buaka ae rabuna aon te aba. N na kariaia b'a ko na taua abau are Iteraera, b'a a aonga botannaomata nako n te aonnaba n ataia b'a bon te UEA Ngai ae I tabu.

Etekiera 38:8

b'a tabeua riki te ririki, ao N na tuangko b'a ko na kataenikaia Iteraera, te kaawa are e uruakaki n te buaka. E a tia ni kiitanaki n te tai ae e maan, ma a tia n oki kaaina mairouia botannaomata aika ianena ake a maeka iai ngkoa. A maeka ngkai Iteraera ma te rau ni maungan oin abaia.

Taniera 1:20

E ngae ngkana e titirakiniia te uea n taian titiraki aika a kangaanga ke baika a matoatoa, ao a atai booia ni kabane, tebwina te tai rakan aia ataib'ai nakoia taani mamata, ma taan tabunea tabem'aang i nanon abanueana arei ni kabutaa.

Taniera 10:14

I roko ngkai b'a N na tuangko te b'ai ae e na riki nakoia am aomata n taai aika a na roko. Te kaotioti aei bon i bukin taai akana a na roko.”

Taniera 2:18

E tuangiia b'a a na tataro nakon te Atua ae Atuani karawa, b'a E na nanoangaiia mani butiia buokaia nanon te mii arei, b'a a rawa n tiringaki i rarikiia taan rabakau ake boni kaaini B'aburon.

Taniera 2:22

E kaoti b'aai aika a nano ao aika a raba; E atai baika a raba n te rotongitong, ao E otab'aniniaki n te ota.

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Taniera 2:45

Ao ko noora naba te atiibu are e buubura are e b'aka i bon i rouna man te b'aa are e rietaata ni b'akara te bouananti are e karaoaki man te biti ma te buraonti, ma te tano, ma te tirewa, ao te koora. E tuangko ma te koaua te b'ai are ko miia, b'a te Atua are e korakora, E a tuangko iai te uea ae ko karineaki baika a na kaoti nakoni boong aika a na roko.”

Taniera 2:47

E taku te uea, “Bon te kabanea ni korakora Atuam i aoia atua ni kabane, ao te UEA i aoia uea, ao boni Ngaia ae E kaoti taiani kaotioti. I ataa aei i bukina ngke ko kona ni kab'ara nanon te kaotioti aei.”

Taniera 4:5

Ma I miia te mii ke te kaotioti ae moan te kakamaaku ngke I matu.

Otea 3:5

Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

Amota 4:13

Bon te Atua ae karaoi taian Maunga ao E karikii naba aang. E kaoti ana iango nakoia aomata E onika te ngaina nakon te tairiki ao n nakonako i aon tabuki. Bon te UEA Ngai ae E m'aaka!

Warekaia Iteraera 24:14

Ma ngaia are, N nang nako n okira au auti, ma N na katikuko ma te kauring i bukin te b'ai ae a na karaoia Iteraera nako ia am botannaomata n te bong teuana.”

Mataio 6:9

Aio ngkanne aron ami tataro: ‘Tamara are i karawa, E na tabuaki aram,

Te Tua-Kaua 31:19

Moote ma Iotua, N na anganingkami taekan te anene ae boou. Kam na koroi ao reireiniia Iteraera. Ngkana a kamateb'aia, ao ane a na atai baika I tangiria b'a a na karaoi. Ma ngaia are, a na bon akea aonaia ngkana a aki ongotaeka irou.

2.Timoteo 3:1

Ma ko na ata aei, b'a ane a na roko taai aika kamamate ni boong aika kabaneani boong.

Ebera 1:1

N taai ake ngkoangkoa ao te Atua E taetae nakoia ara bakatibu irouia burabeti n te tai teuana ma teuana, ao n aaro aika bati;

2.Betero 3:3

Aio moa ae na ataaki, b'a ni boong aika kabaneani boong, ao a na roko taani kakaniko ni kakaniko n aroni kairaia n oin nanoia ni kaib'ab'aru,

Te Kaotioti 1:1

Te boki aei bon taekan ana kaotioti Iesu Kristo, are E anganaki iroun te Atua, b'a E na kaotia nakoia ana toro. Kanoan te kaotioti aei bon taekani baika na waetata n roko. E kaoti baikai Kristo iroun ana anera are E kanakoa nakon ana toro ae Ioane,