Taniera 2:25 - Te B'aib'ara

²⁵ Ma ngaia are, e a waetata naba ni kairaanako Taniera teuare Arioka nakon te uea are Nebukaneta, ao e tuanga te uea ni kaangai, “I a tia ni kunea temanna aomatan Iutaia ae te taenikai ae e kona n tuangko nanoni miim.”

Taniera 2:25 ပူးပေါင်းရင်းမြစ်များ

Karikani B'aai 41:14

Ao e kananako wetean Ioteb'a te uea, ao e kawaekoaaki n anaaki man te karabuuti. Ao e a koreaki moa buaina ma n oneaki kunnikaina, ao i mwiina, e a tib'a uotaki nako matan te uea.

Neemia 7:6

N bon te tai naba anne, ao I kunea rongorongoia aomata ake a moan oki nako Ierutarem man te Burawinti are B'aburon Ngke I wareki araia aomata aikai, ao I a ataia b'a ngaia a bon maeka ni bon oin aia kaawa nako,

Taeka n Rabakau 24:11

Tai mamaara ni kamaiuia aika a nang mate.

Te Minita 9:10

M'akuri korakora ni b'aai ni kabane aika ko karaoi. Ko na waekoa n roko n aia aonnaba maate, ike akea iai ae e m'akuri, ke ni iango, ke ni kakaai bukin b'aai, ke n atai b'aai ni kabane.

Taniera 1:6

Ao ake a rineaki mai buakoia rorobuakan Iteraera bon Taniera, Anania, Mitiaera, ao Ataria. Boni kaain te baronga are Iuta rorobuaka aikai ni kabane.

Taniera 5:13

Ao e uotaki ni karinaki Taniera n te tai ae e waekoa nako matan te uea, ao e taku te uea nakoina, “Boni ngkoe Taniera, taenikain Iutaia are e anaiko tamau are te uea mai Iuta?

Taniera 6:13

Ao a taku nakon te uea, “Ma Taniera are temanna te taenikai mai Iuta e aki kan ongo, ao e rawa n ongotaeka nakon te tua are ko karaoia. E tataro tenua te tai n te bongina.”